ഞാന്‍ നമിത 2
[ചേട്ടന്‍]
Njan Namitha Part 2 Chettan
Previous Parts
“പറയ്‌ പൊന്നേ. ഞാനൊന്ന് കേള്‍ക്കട്ടെ.” ജീവന്‍ നിര്‍ബന്ധിച്ചു. “നീ പറഞ്ഞു കഴിഞ്ഞിട്ട് എന്‍റെ കഥകള്‍ ഞാനും പറയാം. ആദ്യം നീ പറ. ലേഡീസ് ഫസ്റ്റ് എന്നല്ലേ പറയാ.”
ഞാനപ്പോഴും പരിപൂര്‍ണ നഗ്നയായി തന്നെ കട്ടിലില്‍ ഇരിക്കുകയാണ്. മടിയില്‍ വച്ച ഒരു തലയിണ മാത്രമാണ് എന്‍റെ നാണം മറയ്ക്കാന്‍ എനിക്കുള്ളത്. ജീവന്‍ ഒരു ടവല്‍ ഉടുത്ത് കട്ടിലില്‍ തന്നെ ഇരിപ്പുണ്ട്. ജീവന്‍റെ നിര്‍ബന്ധവും ഉറപ്പും പിന്നെ എന്‍റെ ചേട്ടനെ പറ്റിയുള്ള ഓര്‍മകളും – ഇവയെല്ലാം എന്നെ പ്രത്യേക ഒരു മാനസികാവസ്ഥയില്‍ കൊണ്ടെത്തിച്ചു. ഞാന്‍ പറഞ്ഞു തുടങ്ങി. എന്‍റെ ചേട്ടനെ പറ്റി. എന്‍റെ ഏറ്റവും പ്രിയപ്പെട്ട ചേട്ടനെ പറ്റി.
എന്‍റെ കുടുംബത്തില്‍ മുഴുവന്‍ പെണ്‍കുട്ടികളാണ്. വലിയമ്മയുടെ വീട്ടില്‍ രണ്ട് പെണ്‍കുട്ടികള്‍. എന്‍റെ അച്ഛനും അമ്മയ്ക്കും രണ്ട് പെണ്‍കുട്ടികളാണ്. ഇളയമ്മക്ക് മൂന്ന് പെണ്‍കുട്ടികളും. അച്ഛന്‍റെ അനിയന് അഥവാ ഇളയച്ചന് ഒരു പെണ്‍കുട്ടിയാണ് ഉള്ളത്. അത് മതി ഇനി അടുത്തതും പെണ്ണ് തന്നെയാകും എന്ന് കരുതി ഇളയച്ചന് ഒന്നില്‍ തന്നെ നിര്‍ത്തി. എന്നാല്‍ എന്‍റെ അമ്മായിക്ക് നാല് പെണ്മക്കളാണ് ഉള്ളത്. അങ്ങനെ ഒരു ആണ്‍തരി പോലും ഇല്ലാത്ത ഒരു പാരമ്പര്യമാണ് ഞങ്ങളുടേത്. ഇടയ്ക്കിടെ ഇവരൊക്കെ പറയുന്നത് കേള്‍ക്കാം. ദൈവമേ ഈ കുടുംബത്തില്‍ ഒരു ആണ്‍കുട്ടിയെങ്കിലും ഉണ്ടായിരുന്നെങ്കില്‍!!! അവരുടെ വിളിയൊന്നും ദൈവം കേട്ടില്ല. കൈ നിറയെ പെണ്‍കുട്ടികളെ തന്നെ നല്‍കി കനിഞ്ഞനുഗ്രഹിച്ചു. പക്ഷേ ഇതൊന്നും ഞങ്ങളെ അലട്ടിയതേയില്ല. ഒരേ ഗ്രാമത്തില്‍ തന്നെ വീടുകള്‍ ഉണ്ടായിരുന്ന ഞങ്ങള്‍ മിക്കവാറും ശനിയും ഞായറും ഒത്ത് കൂടും. പിന്നെ മൊത്തം ബഹളമായിരിക്കും. പെണ്‍കുട്ടികളായാല്‍ കുറച്ച് അടക്കവും ഒതുക്കവും ഒക്കെ വേണം എന്ന വാചകം ഞങ്ങള്‍ ഓരോരുത്തരും ചുരുങ്ങിയത് ഒരു ലക്ഷം തവണയെങ്കിലും കേട്ടിട്ടുണ്ടാകും.
വലിയമ്മയുടെ വീട് ഞങ്ങളുടെ തൊട്ടപ്പുറത്താണ്. വലിയമ്മയുടെ മക്കളാണ് കൂട്ടത്തില്‍ ഏറ്റവും മൂത്തത്. വലിയമ്മ വലിയ നിയന്ത്രണം ഒക്കെയാണെങ്കിലും വലിയച്ചന്‍ മക്കളെ കുറച്ചധികം പുന്നരിക്കുന്ന കൂട്ടത്തിലായിരുന്നു. പെണ്മക്കളുടെ ആവശ്യപ്രകാരം അവര്‍ക്ക് സ്കൂട്ടര്‍ വാങ്ങി കൊടുത്തതും മറ്റും വലിയച്ചനായിരുന്നു. ചേച്ചിമാര്‍ രണ്ട് പേരും സ്കൂട്ടറില്‍ നാട് മൊത്തം കറങ്ങും. സകല പൂരത്തിനും പെരുന്നാളിനും പോകും. നാട്ടിലെ ചെക്കന്മാര്‍ മൊത്തം അവരെ വായ്നോക്കുമെങ്കിലും അവരോട് മുട്ടാന്‍ ഒരുത്തനേ ധൈര്യപ്പെട്ടുള്ളൂ. അവന്‍റെ പിന്നീടുള്ള അവസ്ഥ കണ്ട് ബാക്കി മറ്റുള്ളവരുടെ ധൈര്യം മൊത്തം ചോര്‍ന്ന് പോയി എന്നതാണ് സത്യം. അങ്ങനെ മൂത്ത ചേച്ചി രേഖക്ക് കല്യാണം ആലോചിക്കുന്ന പ്രായം ആയി. രണ്ടാമത്തെ ചേച്ചി രാഖി കുറച്ച് ദൂരെ ഒരു കോളേജില്‍ ഹോസ്റലില്‍ നിന്ന് പഠിക്കുന്നു. അങ്ങനെ ആലോചിച്ച് ആലോചിച്ച് ചേച്ചിയുടെ കല്യാണം ഉറപ്പിച്ചു. പേര് മഹിപാല്‍. അനിയന് യഷ് പാല്‍. ചേട്ടനുമായി ഏതാണ്ട് 14 വയസിന്‍റെ വ്യത്യാസം ഉണ്ട് അനിയന്.
