വണ്ടി ഹൈവേയിൽ നിന്നും സർവീസ് റോഡിലേക്ക് കയറി. ഒരു റെസ്റ്ററന്റിന്റെ മുന്നിൽ നിന്നു. ഞങ്ങൾ നിവർന്നിരുന്നു. സമയം അപ്പോൾ പതിനോടടുപ്പിച്ചു ആയിരുന്നു. എന്താ കഴിക്ക്യാ. ഞാൻ ചോദിച്ചു.
എനിക്കൊന്നു ബാത്‌റൂമിൽ പോണം. അത് കഴിഞ്ഞിട്ട് ബാക്കി ആലോചിക്കാം. റസ്റ്ററന്റിൽ തെറ്റില്ലാത്ത തിരക്കുണ്ടായിരുന്നു.ഞങ്ങളുടെ കൂടാതെ വേറെ 3 ഇന്റെർസ്റ്റേറ് ബസുകൾ കൂടി പാർക്ക്‌ ചെയ്തിരുന്നു. ഒരുമിച്ചു ഇരിക്കാൻ സ്ഥലം ഇല്ലായിരുന്നു.
അനുവേട്ടൻ ബാത്രൂം എവിടെയാണെന്ന് ചോദിക്കുന്നോ വേഗം. ഞാൻ ക്യാഷ് കൗണ്ടറിൽ ഇരുന്ന തമിഴനോട് ചോദിച്ചു. അയാൾ വെളിയിലേക്കു വിരൽ ചൂണ്ടി പറഞ്ഞു. അങ്കെ ഇരുക്ക് സർ. ഞാൻ ആര്യയെയും കൂട്ടി നടന്നു.ഹോട്ടലിന്റെ സൈഡിലൂടെ പിന്നിലേക്ക് നടന്നു. വല്ല്യ വൃത്തയൊന്നും കാണില്ല. തത്കാലം അഡ്ജസ്റ്റ് ചെയ്യ്. വേറെ വഴിയില്ല. ഇപ്പ അതൊന്നും പ്രശ്നം അല്ല. ബാത്ത്റൂമിന്റെ വാതുക്കൽ ഏതോയപ്പോ അവൾ എന്റെ കയ്യിൽ ബാഗ് ഏല്പിച്ചിട്ടു അറച്ചു അറച്ചു അകത്തേക്ക് കയറി. ഇവിടെ തന്നെ നിക്കണേ എനിക്ക് പേടിയാ.
ബാത്രൂം എങ്ങനെയുണ്ടായിരുന്നു. ക്ലീൻ ആണോ. അവൾ ഇറങ്ങിയപ്പോ ഞാൻ ചോദിച്ചു. വല്ല്യ വൃത്തികേടില്ല. അഡ്ജസ്റ്റ് ചെയ്യാം.എന്നാ ഞാനും ഒന്ന് പോയിട്ട് വരാം. ഞാൻ പറഞ്ഞു.
അയ്യോ എനിക്കിവിടെ ഒറ്റയ്ക്ക് നിക്കാൻ പേടിയാ. ആ സൈഡിലേക്കെങ്ങാൻ മണി നിന്ന മതി. ഞാൻ മടിച്ചു മടിച്ചു അധികം ദൂരെയല്ലാതെ അത്യാവശ്യം ഇരുട്ടുള്ള ഒരു ഇടം കണ്ടുപിടിച്ചു. അല്പം ജാള്യത ഇല്ലാതിരുനില്ല.പെട്ടെന്ന്തീർത്തു ഞാൻ തിരികെ അവളുടെ അടുത്തേക്ക് ചെന്നു. ഒരു കളിയാക്കുന്ന ഭാവം അവളുടെ മുഖത്തു നിറഞ്ഞിരുന്നു. ഞാൻ അത് കാര്യമാക്കിയില്ല.
ചപ്പാത്തിയും വെജിറ്റബിൾ കറിയും കഴിച്ചു കഴിഞ്ഞപ്പോൾ ഒരു മാതളനാരങ്ങയുടെ ജ്യൂസ്‌ കൂടെ ഞാൻ അവൾക്കായി ഓർഡർ ചെയ്തു.അതവൾ പകുതി കുടിച്ചിട്ട് എന്റെ നേരെ നീട്ടി. അവളുടെ അധരങ്ങൾ സ്പർശിച്ച ആ സ്ട്രൗ എന്നെ കൊതിപ്പിച്ചെങ്കിക്കും ഞാൻ അത് എടുത്തു ഗ്ലാസ്‌ ചുണ്ടോടു ചേർത്തു. എനിക്ക് എയ്ഡ്‌സ് ഒന്നും അല്ല ഡെങ്കി ആണ്. അവൾ പറഞ്ഞു.
അതുകൊണ്ടല്ല.ninakishtapettillengil എന്ന് കരുതിയാ. ഞാൻ കിട്ടിയ അവസരം മുതലാക്കി സ്ട്രൗ എടുത്തു വായിൽ വെച്ചു. അവളുടെ അധരങ്ങളുടെ രുചി ഒന്നും അറിയാൻ കഴിഞ്ഞില്ലെങ്കിലും ആ ഒരു ഫീൽ എന്നെ ആവേശത്തിലാഴ്ത്തി. അയ്യോ തീർക്കല്ലേ എനിക്ക് കുറച്ചു കൂടി വേണം. ഞാൻ തല ഉയർത്തി നോക്കി. ഒന്ന് കൂടി ഓർഡർ ചെയ്യട്ടെ. ഞാൻ വൈറ്റർക്കായി കൈ ഉയർത്തിയപ്പോ അവൾ തടഞ്ഞു. അതിൽ ബാക്കിയുള്ളത് മതി എനിക്ക്. ഇങ്ങു താ. സ്ട്രൗ ഗ്ലാസിൽ നിന്ന്നും എടുത്തു മാറ്റിയിട്ടു ഞാൻ അവൾക്കു നേരെ ഗ്ലാസ്‌ നീട്ടി.എന്റെ കയ്യിൽ നിന്നും സ്ട്രൗ പിടിച്ചു വാങ്ങി അവൾ ഗ്ലാസിൽ ഇട്ടു എന്നിട്ടത് ചുണ്ടോടടുപ്പച്ചു. അപ്പോഴൊന്നും അവൾ എന്റെ കണ്ണിൽ നിന്നും കണ്ണെടുത്തില്ല. ആ കണ്ണുകൾ പറയാൻ ശ്രമിക്കുന്നത് എന്താണെന്നു ഒന്ന് സംശയിച്ചെങ്കിലും അങ്ങിനെയൊന്നും അല്ല എന്ന് വീണ്ടും എന്റെ അപകര്ഷതാബോധം എന്നെ വിശ്വസിപ്പിക്കാൻ ശ്രമിച്ചുകൊണ്ടേയിരുന്നു .അവളെ ആഗ്രഹിക്കാൻ എന്തർഹതയാണ് എനിക്കുള്ളത്. അല്ലെങ്കിൽ അവക്കിഷ്ടപെടാൻ പാകത്തിന് എന്താണെന്നിലുള്ളത്.
