“രാവിലെ വിളിച്ചോ?”
ഞാൻ പതിയെ ഉറക്ക ചടവുള്ള ശബ്ദത്തോടെ ചോദിച്ചു.
“മ്മ്…വിളിച്ചു…”
മഞ്ജു പതിയെ പറഞ്ഞു. സാധാരണയുള്ള ഓജസ്സും ചിരിയും കളിയുമൊന്നും ആ സംസാരത്തിൽ ഉണ്ടായിരുന്നില്ല .
“സോറി…ഞാൻ കേട്ടില്ല..ഉറക്കത്തിൽ പെട്ടു”
ഞാൻ പതിയെ പറഞ്ഞു.
“മ്മ്…സാരല്യ ….”
മഞ്ജു പതിയെ പറഞ്ഞു.
എനിക്ക് പതിഞ്ഞ തലത്തിലുള്ള സംഭാഷണം കേട്ട് ദേഷ്യം വന്നുതുടങ്ങി.
“ഇതെന്താ..മഞ്ജുസെ ഒരു ഉഷാറില്ലല്ലോ..ഇന്നലെ എന്നോട് ദേഷ്യപ്പെട്ടപ്പോ നല്ല ഫോം ആയിരുന്നല്ലോ “
ഞാൻ ആ മൂഡൊന്നു മാറ്റാനായി തിടുക്കപ്പെട്ടു ചോദിച്ചു.
“ഏയ്…ഒന്നുല്ലടാ..ചുമ്മാ…അതിന്നലെ ഒരു ദേഷ്യത്തില് പറഞ്ഞതാ..നീ കാര്യമാക്കണ്ട…”
മഞ്ജു നേർത്ത ചിരിയോടെ പറഞ്ഞു.
“ഏയ്..ഞാൻ അതിനു അതപ്പോ തന്നെ മറന്നില്ലേ”
“ആണോ ?”
“മ്മ് …”
ഞാൻ മൂളി .
“പിന്നെന്താ സാറിനു ഇന്ന് പരിപാടി.?”
മഞ്ജു ട്രാക്ക് മാറ്റി പിടിച്ചു.
“പരിപാടി ഒന്നുമില്ല…ഞാനിന്നലെ ചോദിച്ചതിനൊന്നും പറഞ്ഞില്ലല്ലോ “
ഞാൻ നേരിയ പരിഭവത്തോടെ പറഞ്ഞു.
