ക്ഷേത്രത്തിലൂടെ അങ്ങനെ തൊഴുതു നടക്കുമ്പോൾ ആണ് മുൻപ് വന്ന അവസരം ഞാൻ ഓർക്കുന്നത് . ഉണ്ണികളുടെ ഒന്നാം പിറന്നാളിന് ആണ് ഇതിനു മുൻപ് ഞങ്ങൾ ക്ഷേത്രത്തിൽ വന്നത് .
അന്നും അഞ്ജു ഞങ്ങളുടെ കൂടെ ഉണ്ടായിരുന്നു . അമ്പലത്തിൽ വന്നു വഴിപാടുകൾ ഒകെ നേർന്നുകൊണ്ട് ഞങ്ങൾ ആൽമരത്തിന്റെ ചുവട്ടിലും കുളക്കടവിലും ഒകെ ഇരുന്നു കൊറേ ഫോട്ടോ എടുത്തു . എന്നെയും മഞ്ജുസിനെയും പിള്ളേരെയും ഒകെ പല പോസിൽ ഇരുത്തി അഞ്ജുവും വീണയും ആണ് അന്ന് ഫോട്ടോസ് എടുത്തത് .
അന്നെടുത്ത ഞങ്ങളുടെ ഫാമിലി ഫോട്ടോ തന്നെയാണ് എന്റെയും മഞ്ജുസിന്റെയും മൊബൈൽ വാൾപേപ്പർ ആയി ഇപ്പോഴും നിൽക്കുന്നത് . അമ്പലത്തിൽ നിന്നു വീട്ടിലേക്ക് എത്തിയതോടെ പിറന്നാളിന് ക്ഷണിക്കപ്പെട്ടവരൊക്കെ എത്തിത്തുടങ്ങുന്ന നേരമായിരുന്നു .
മഞ്ജുസിന്റെ അച്ഛനും അമ്മയും ഒക്കെ രാവിലെ നേരത്തെ തന്നെ എത്തിയിരുന്നു . കൃഷ്ണൻ മാമയും , അമ്മായിമാരും , കുഞ്ഞാന്റിയും , മായേച്ചിയും , ശ്യാമും , ബീനേച്ചിയും ഒക്കെ അന്നവിടെ സന്നിഹിതർ ആയിരുന്നു . ബന്ധുക്കാരും കുടുംബക്കാരുമൊക്കെ ആയി അത്യാവശ്യം ആൾക്കാരൊക്കെ ഉണ്ട്
.
വരുന്നവരും പോകുന്നവരും ഒക്കെ ആദിയെയും റോസിമോളെയും കൊഞ്ചിക്കാനും എടുക്കാനും തിരക്ക് കൂട്ടുകയായിരുന്നു .
ആ സമയത് ഞാനും ശ്യാമും ഫ്രണ്ട്സും ഒകെ കൂടി ഫ്ലെക്സ് വീട്ടിന്റെ ഉമ്മറത്തെ ചുവരിലൊട്ടിക്കുന്ന തിരക്കിലായിരുന്നു . റോസ്‌മോളുടെയും ആദിയുടെയും ഫോട്ടോകൾ പ്രിന്റ് ചെയ്ത ചെറിയ ഫ്ലെക്സുകൾ ആയിരുന്നു . “ഹാപ്പി ബർത്ത്ഡേ ആദി ആൻഡ് റോസ് മോൾ ” എന്നൊക്കെ അതിൽ എഴുത്തും ഉണ്ട് .
ഫുഡ് ഒകെ കാറ്ററിങ് ഏൽപ്പിച്ചിരുന്നു . കേക്ക് മാത്രമാണ് പുറമെ നിന്ന് വാങ്ങേണ്ടി വന്നത് . അത് മഞ്ജുസിന്റെ അച്ഛന്റെ വക തന്നെ ആയിരുന്നു . അത്രേം വല്യ കേക്ക് ഞാൻ വേറൊരു പിള്ളേരുടെയും പിറന്നാളിന് കണ്ടിട്ടില്ല ..നല്ല വിലകൂടിയ കേക്ക് വിത്ത് ഡെക്കറേഷൻ !
