“എന്താ സംഭവം മഞ്ജുസേ..എനിക്കൊന്നും മനസിലാവുന്നില്ല..നീ എന്നെ ഇങ്ങനെ ടെൻഷൻ ആക്കല്ലേ..”
ഞാൻ അവളുടെ മട്ടും ഭാവവും നോക്കി ദയനീയ ഭാവത്തിൽ പറഞ്ഞു .
“ഓഹ് ..നിനക്ക് ഒന്നും അറിയില്ല അല്ലെ…ഹോ..എന്തൊരു പാവം..”
മഞ്ജുസ് സ്വല്പം പുച്ച്ചതോടെ എന്നെ നോക്കി .
ശെടാ..ഇതെന്തു കൂത്ത് എന്ന ഭാവത്തിൽ ഞാനവളെയും നോക്കി . അറക്കാൻ പോകുന്ന കോഴിക്ക് വെള്ളം കൊടുക്കുന്ന പോലെ ഒരു കളിയും തന്നിട്ട് ഇവളിതെന്താ ഇങ്ങനെയൊക്കെ സംസാരിക്കുന്നെ എന്നെ സംശയം എനിക്കില്ലാതില്ലാതില്ല !
“നീ എന്താന്ന് വെച്ച തെളിച്ചു പറയ്..ഇത് ചുമ്മാ..”
അവളുടെ ഉരുണ്ടു കളി കണ്ടു എനിക്ക് ദേഷ്യം വന്നു .
“ഓഹ്..എന്ന നേരെ അങ്ങ് പറയാം..നീ ഇന്ന് ആരോടാ ഫോണിൽ സംസാരിച്ചേ ?”
മഞ്ജുസ് എടുത്തിട്ട പോലെ ചോദിച്ചപ്പോ ഞാൻ വീണ്ടും പതറി .
“അത് ഞാൻ അപ്പപ്പോഴേ പറഞ്ഞില്ലേ..ഫ്രെണ്ടാ..”
ഒരു നിമിഷം ഒന്ന് പതറിയെങ്കിലും ഞാൻ പയ്യെ വിക്കികൊണ്ട് പറഞ്ഞൊപ്പിച്ചു . പക്ഷെ അവളുടെ മുഖത്ത് നോക്കാൻ എനിക്ക് ധൈര്യം ഉണ്ടായില്ല.
“ആണോ..എന്നാൽ എന്താ ഫ്രണ്ടിന്റെ പേര് …ഞാൻ കൂടി ഒന്ന് അറിയട്ടെ ..”
മഞ്ജുസ് എന്നോടായി ചിരിയോടെ ചോദിച്ചു . പക്ഷെ എന്നെ ആക്കിയുള്ള ചിരിയാണ് അത് !
“അത്..എനിക്ക് പല ഫ്രണ്ട്സും ഉണ്ട്..എല്ലാരേം ഇപ്പൊ നീ അറിയോ..?”
അവളുടെ ചോദ്യം ചെയ്യൽ മടുത്തു ഞാൻ സ്വല്പം ചൂടായി തുടങ്ങി .
“ആദ്യം നീ മുഖത്ത് നോക്കി സംസാരിക്ക് ..ചൂടാവലൊക്കെ പിന്നെ ആവാം ..”
ഞാൻ ശബ്ദം ഉയർത്തിയിട്ടും ഒരു പരുങ്ങലും ഇല്ലാതെ മഞ്ജുസ് ഗൗരവത്തിൽ പറഞ്ഞു .
അതോടെ ഞാൻ ഏറെക്കുറെ ഫ്യൂസ് പോയ അവസ്ഥയിൽ ആയി .
“കവിൻ..സത്യം പറ…ആരായിരുന്നു അത്..ഞാൻ ഏറെക്കുറെ നിന്റെ സംസാരം ഒക്കെ ശ്രദ്ധിച്ചു..ചിലതൊക്കെ കേൾക്കുവേം ചെയ്തു . എന്നിട്ടും നിനക്ക് എന്നോട് പറയാൻ വയ്യേ ?”
അവൾ ഒരു മായവും ഇല്ലാതെ എന്റെ കുനിഞ്ഞിരുന്നു മുഖം പിടിച്ചുയർത്തി . അപ്പോഴേക്കും ചോര വറ്റിയ അവസ്ഥയിൽ ആയിരുന്നു ഞാൻ .
എന്റെ ഫോൺ എങ്ങാനും അവൾ എടുത്തു നോക്കിയോ എന്ന സംശയവും എനിക്ക് ബലപ്പെട്ടു . അതോ ഇനി പറഞ്ഞതൊക്കെ അവൾ കേട്ടോ എന്തോ ! ദൈവമേ എല്ലാം തീർന്നല്ലോ !!
ഞാൻ അങ്ങനെ തീ തിന്നു ഇരിക്കവേ മഞ്ജു വീണ്ടും തുടങ്ങി .
“കവി എനിക്ക് ദേഷ്യം വരുന്നുണ്ട് ട്ടോ ..ആരാന്നു പറയെടാ ..”
അവൾ പല്ലിറുമ്മി .
ഞാൻ അതിനു മറുപടി ഒന്നും പറഞ്ഞില്ല.
“എന്ന ഞാൻ പറയെട്ടെ “
