ഞാൻ പയ്യെ പറഞ്ഞു .
അങ്ങനെ കുറച്ചു നേരം കൂടി ഞങ്ങൾ മിണ്ടിയും പറഞ്ഞുമിരിക്കെ അഞ്ജു കോളേജ് കഴിഞ്ഞു മടങ്ങിയെത്തി . അതോടെ മായേച്ചി എന്നെവിട്ടു അവളെ പിടിച്ചു . സ്വല്പം കൂടി കഴിഞ്ഞാണ് എന്റെ സുന്ദരിക്കുട്ടി വന്നത് ! കാറിന്റെ ഹോൺ മുഴങ്ങുന്നത് കേട്ടപ്പഴേ മഞ്ജുസ് എത്തിയെന്നു ഞാൻ ഊഹിച്ചു . പക്ഷെ മായേച്ചി ഉള്ളതുകൊണ്ടു എന്തോ കക്ഷി റൂമിലേക്കെത്താൻ കുറച്ചു താമസിച്ചു . വന്ന വഴിക്കു അവളുമായി സംസാരിച്ചിരുന്നെന്നു എനിക്ക് തോന്നി . ഒടുക്കം അവരുടെ ശബ്ദം എന്നോട് അടുത്ത് വരാൻ തുടങ്ങി .
സ്വല്പം കഴിഞ്ഞതും മായേച്ചിക്കൊപ്പം മഞ്ജുസ് റൂമിന്റെ വാതിൽക്കൽ പ്രത്യക്ഷപ്പെട്ടു . ഒരു ചുവന്ന ബ്ലൗസും ചുവപ്പും സിൽവറും കലർന്ന സാരിയുമാണ് വേഷം . ഇടതു കയ്യിൽ അതിനു മാച്ചിങ് ആയിട്ടുള്ള ചുവന്ന ലേഡീസ് വാച് . വലതു തോളിൽ അവളുടെ വിയർത്ത ബ്ലൗസിന് മീതേകൂടി തൂങ്ങുന്ന ഹാൻഡ്ബാഗ് . സ്വല്പം ഒന്ന് മുഷിഞ്ഞ മട്ടിലുള്ള കോലം ആണെങ്കിലും കക്ഷിയുടെ ചന്തത്തിനു ഒട്ടും കുറവില്ല !
“ഓക്കേ അല്ലെ കവി ?”
മഞ്ജുസ് വാതിൽക്കൽ എത്തിയതേ എന്നോടായി തിരക്കി ചിരിച്ചു .
“മ്മ്…”
ഞാൻ തലയാട്ടി മൂളി . അതോടെ കക്ഷിയും മായേച്ചിയും കൂടി എന്റെ റൂമിനകത്തേക്ക് വന്നു . മഞ്ജുസ് അകത്തേക്ക് കയറിയതും അവളുടെ സ്വാതസിദ്ധമായ ഗന്ധം എന്റെ നാസികയിലേക്ക് ഒഴുകി തുടങ്ങി ! ബാഗ് മേശപ്പുറത്തേക്കു വെച്ച് മഞ്ജുസ് പുറകിലെ ക്ലിപ് അഴിച്ചു മുടിയൊന്നു കുടഞ്ഞു . മായേച്ചി അതെല്ലാം നോക്കികൊണ്ട് എന്റെ അടുത്തേക്ക് വന്നു .
“എന്നാപ്പിന്നെ കണ്ണാ ഞാൻ പോവാടാ . ഇല്ലേൽ നിന്റെ ഹേമാന്റി അവിടെ കിടന്നു കയറു പൊട്ടിക്കും ”
മായേച്ചി എന്റെ കൈപിടിച്ച് പയ്യെ പറഞ്ഞു .
“മ്മ്…”
ഞാൻ പയ്യെ മൂളി .
“ഞാൻ ഇടക്ക് ഇതേപോലെ വരാം . അങ്ങനേലും നിന്റെ ഭാര്യക്ക് ചെക്കനെ നോക്കണം എന്നൊരു ചിന്ത ഉണ്ടാവട്ടെ ..’
മായേച്ചി മഞ്ജുസിനെ നോക്കികൊണ്ട് അർഥം വെച്ച് തന്നെ പറഞ്ഞു .
“ഡീ ഡീ ..നീ എനിക്കിട്ടു ഉണ്ടാക്കല്ലേ ..”
മായേച്ചി പറഞ്ഞു നിർത്തിയതും മഞ്ജുസ് ചിരിയോടെ പറഞ്ഞു തലമുടി ഇടതു തോളിലൂടെ മുന്നിലേക്കിട്ടു .
മായേച്ചിയും അതുകേട്ടൊന്നു പുഞ്ചിരിച്ചു . പിന്നെ പയ്യെ എഴുനേറ്റു മഞ്ജുസിനോടും യാത്ര പറഞ്ഞു . മായേച്ചിയെ യാത്രയാക്കിയ ശേഷം മഞ്ജു തിരിച്ചെന്റെ അടുത്തേക്ക് തന്നെ വന്നു . മുടിയൊക്ക അഴിച്ചിട്ടത് ഒരുകൈകൊണ്ട് തഴുകിയാണ് അവളുടെ വരവ് . റൂമിലെത്തിയതും അവള് പതിവ് പോലെ വാതിൽ ലോക് ചെയ്തു . പിന്നെ വേഷമൊന്നും മാറാൻ നിക്കാതെ ബെഡിലേക്ക് വലിഞ്ഞു കയറി എന്റെ അടുത്തേക്ക് വന്നു .
വിയർപ്പും പെർഫ്യൂമും കലർന്ന സുഖമുള്ളൊരു മണം അവൾ എന്റെ അടുത്തെത്തിയതും എന്നെയൊന്നു അലോസരപ്പെടുത്തി .
“ബോറടിച്ചോ ഇന്ന് ?”
മഞ്ജുസ് എന്നെ ചോദ്യ ഭാവത്തിൽ നോക്കി .
“ഏയ് ഇല്ല ..”
ഞാൻ ചിരിയോടെ പറഞ്ഞു അവളെ ഇടംകൈകൊണ്ട് ചേർത്ത് പിടിച്ചു . പിന്നെ അവളുടെ കഴുത്തിന്റെ സൈഡിൽ പയ്യെ ഒന്ന് ചുംബിച്ചു .
