“ഇല്ല ഇല്ല ..ഇപ്പൊ കുഴപ്പം ഒന്നുമില്ല . സംഭവം കഴിഞ്ഞിട്ട് കുറച്ചു ദിവസമായി . റോസമ്മയെ അറിയിക്കാൻ വിട്ടതാ ”
മഞ്ജു പുഞ്ചിരിയോടെ പറഞ്ഞു .
“ആഹ്….എന്നിട്ട് കക്ഷി എവിടെ ? ആക്സിഡന്റ് എന്ന് പറയുമ്പോ , പരിക്കൊക്കെ കാര്യായിട്ട് ഉണ്ടോ ?”
റോസമ്മ സ്വല്പം പേടിയോടെ തിരക്കി .
“ആളിവിടെ വീട്ടിൽ തന്നെ ഉണ്ട് . കാലിനു സർജറി ഒകെ കഴിഞ്ഞു . ഇനി ഒന്ന് രണ്ടുമാസം റെസ്റ്റ് ആണ് ”
മഞ്ജുസ് ഒരാശ്വാസത്തോടെ പറഞ്ഞു .
“ശോ..കഷ്ടം ആയല്ലോ കർത്താവെ ..ഇവനിതെന്നാ പണിയ കാണിച്ചേ ”
റോസമ്മ ആരോടെന്നില്ലാതെ പറഞ്ഞു . അതുകേട്ടപ്പോൾ എനിക്കും ഒരു ചിരി വന്നു .
“ഇപ്പൊ ഓക്കേ ആയെടോ റോസേ ..ഇങ്ങനെ പറയാൻ മാത്രം കുഴപ്പം ഒന്നുമില്ല. ഞാൻ വേണേൽ അവനു കൊടുക്കാം ”
മഞ്ജുസ് കണ്ണിറുക്കികൊണ്ട് ഫോൺ എനിക്ക് നീട്ടി .
“ആഹ്..കൊടുക്ക് കൊടുക്ക്..”
മറുതലക്കൽ റോസമ്മയും തിരക്ക് കൂട്ടി .
“ഹലോ റോസമ്മോ…”
ഞാൻ ചിരിയോടെ അവളെ വിളിച്ചു .
“എന്നാടോ ? എന്നതാ ഉണ്ടായേ ? വെള്ളം അടിച്ചേച്ചു വണ്ടി എങ്ങാനും ഓടിച്ചോ താൻ ?”
റോസമ്മ അവളുടെ കോട്ടയം സ്റ്റൈലിൽ എന്നോട് തിരക്കി .
“ഏയ് ഇല്ല…ഇത് വേറെ വിഷയം ആണ് . ഞാൻ എന്റെ ടീച്ചറുമായിട്ട് വഴക്കിട്ട് വീട്ടീന്ന് ഒന്നിറങ്ങി പോയതാ . പോണ പോക്കില് വേറെ ഒരു ടീം കൊണ്ട് ചാർത്തി …”
സംഭവിച്ചു കഴിഞ്ഞ കാര്യം ഞാനൊരു തമാശ പോലെ പറഞ്ഞു .
“അയ്യേ ..അതെന്നാ വഴക്ക് ? ഇറങ്ങി പോവാൻ മാത്രം നിങ്ങള് തമ്മിലെന്താ പ്രോബ്ലം ?”
റോസമ്മ എന്നെ കളിയാക്കുന്ന പോലെ ചോദിച്ചു .
“അതൊക്കെ ഉണ്ട് . തന്നെ നേരിൽ കാണുമ്പോ പറഞ്ഞു തരാം ”
ഞാൻ മഞ്ജുസിനെ നോക്കി ചിരിയോടെ പറഞ്ഞു .
“ഓഹ് അങ്ങനെ ആണേൽ ഞാൻ നാളെയോ മറ്റന്നാളോ നിന്റെ വീട്ടിലോട്ടു വരാം . ഇപ്പൊ സ്വന്തമായിട്ട് ഡ്രൈവിംഗ് ഒകെ തുടങ്ങിയോണ്ട് കുഴപ്പമില്ല ”
റോസമ്മ സ്വല്പം ആവേശത്തോടെ പറഞ്ഞു .
“ആണോ..എന്ന വാ ..തന്നെ കണ്ടിട്ടും കൊറേ ആയി…”
ഞാനും സ്വല്പം ആവേശത്തിൽ പറഞ്ഞു . മഞ്ജുസ് അതെല്ലാം നോക്കി കുശുമ്പിപാറു ആയി ഇരിക്കുന്നുണ്ട് ! അവൾക്ക് ഞാൻ വേറെ പെണ്ണുങ്ങളോട് കൊഞ്ചുന്നത് ഒട്ടും ഇഷ്ടമല്ല !
“ഓക്കേ..അപ്പൊ ബാക്കിയൊക്ക വന്നിട്ട്…”
റോസമ്മ ചിരിയോടെ പറഞ്ഞു നിർത്തി .
ഫോൺ വെച്ചതും വീണ്ടും ഞങ്ങളുടെ മാത്രം സ്വകാര്യം നിമിഷങ്ങളായി .
“അപ്പൊ നമുക്ക് തുടങ്ങാം ?”
