അപ്പോഴേക്കും അവൾ നൈറ്റിയും കയ്യിൽ ചുരുട്ടി പിടിച്ചുകൊണ്ട് ബാത്റൂമിനകത്തേക്ക് പോയിരുന്നു . എല്ലാം നല്ല വൃത്തിക്ക് കഴുകി നൈറ്റിയും ഇട്ട് അവൾ അധികം താമസിയാതെ തിരിച്ചെത്തി. ഞാനപ്പോഴേക്കും ടവൽ എടുത്തു ഉടുത്തിരുന്നു.
“പോയി കഴുകെടാ …വല്ല ചൊറിയും പിടിക്കും ”
മഞ്ജുസ് റൂമിലെ കണ്ണാടിക്കു മുൻപിൽ നിന്ന് സ്വന്തം സൗന്ദര്യം വിലയിരുത്തി മുടിയൊക്കെ വിടർത്തിക്കൊണ്ട് എന്നോടായി പറഞ്ഞു . ഒരു മര്യാദ ഇല്ലാത്ത പോലെ ആണ് ആ പറച്ചിലെന്നു എനിക്ക് തോന്നാതിരുന്നില്ല .
“ആഹ്..പൊക്കോളാം ”
ഞാൻ ഒഴുക്കൻ മട്ടിൽ പറഞ്ഞു .
“അതെന്താ അങ്ങനെ..ഒരു വൈറ്റ് പോരല്ലോ കവിക്കുട്ടാ”
മഞ്ജുസ് കള്ളച്ചിരിയോടെ എന്നെ തിരിഞ്ഞു നോക്കി .
“ആഹ്..ഓരോന്ന് ആലോചിച്ചു നോക്കിയതാ ..”
ഞാൻ ആരോടെന്നില്ലാതെ പറഞ്ഞു അവളെ നോക്കി .
“ഓഹോ…എന്താ ഇത്ര ആലോചിക്കാൻ ..അതും ഈ നേരത്തു?”
മഞ്ജുസ് എന്നെ അത്ഭുതത്തോടെ നോക്കി നിന്നു.
“നിന്റെ കാര്യം തന്നാ ..നിന്നെ കല്യാണം കഴിച്ചത് അബദ്ധം ആയി പോയി ”
ഞാൻ സ്വല്പം നിരാശ അഭിനയിച്ചു ഒരു ദീർഘ ശ്വാസം വിട്ടു മഞ്ജുവിനെ ഇടം കണ്ണിട്ടു നോക്കി .
“നീ കൂടുതൽ അഭിനയിച്ചു തകർക്കണ്ട ..കാര്യം നേരെ പറ..”
എന്റെ കള്ളത്തരം ഒക്കെ ശരിക്ക് അറിയാവുന്നതുകൊണ്ട് മഞ്ജുസ് മുടി പിറകിൽ കെട്ടിവെച്ചു പുഞ്ചിരിയോടെ പറഞ്ഞു . പക്ഷെ അതും കൂടി കേട്ടപ്പോൾ അവളെ എന്തായാലും ഒന്ന് പറ്റിക്കണം എന്ന് എനിക്ക് തോന്നി .
“ഒന്നുമില്ല ..വേറെ വല്ല പെണ്ണുങ്ങളും ആയിരുന്നെ സ്വല്പം ബഹുമാനം കിട്ടിയേനെ …നീ എടാ..പോടാ ലെവൽ അല്ലെ ..പിന്നെ ഫുൾ ഓർഡർ ഇടലും ”
ഞാൻ ഗൗരവത്തിൽ പറഞ്ഞു ബെഡിൽ നിന്നും നിരങ്ങി താഴേക്കിറങ്ങി .
“ഓഹ്..അങ്ങനെ ..”
മഞ്ജുസ് ചിരിച്ചു കൊണ്ട് എന്റെ അടുത്തേക്ക് പയ്യെ നടന്നടുത്തു. അവളെ തന്നെ നോക്കി നിൽക്കുന്ന എന്റെ മുൻപിൽ വന്നുനിന്നു മഞ്ജുസ് എന്റെ തോളിലേക്ക് രണ്ടു കയ്യും എടുത്തുവെച്ചു.
“നമ്മള് ഫ്രെണ്ട്സ് അല്ലെ ..പിന്നെന്താ ”
മഞ്ജു എന്നെ പുഞ്ചിരിയോടെ നോക്കി . പക്ഷെ ഞാൻ സ്വല്പം ഗൗരവത്തിൽ ആയിരുന്നു .
“ആഹ്..ആഹ്… എന്തായാലും നിന്റെ ഈ ഓർഡർ ഇടുന്ന പരിവാടി ഒന്നും വേണ്ട ..എപ്പോഴാ എനിക്ക് ദേഷ്യം വരുന്നെന്നു പറയാൻ പറ്റില്ല … നീ പറയുന്നത് എല്ലാം കേൾക്കാനൊന്നും എന്നെകൊണ്ട് എപ്പോഴും പറ്റില്ല “
