അവളെന്നോട് ചോദിച്ചു
‘ഇല്ല.. ഞാൻ പോസ്റ്റ്‌ ആയി നിക്കുവായിരുന്നു..’
‘എന്നാൽ കഴിക്കുന്നതിനു മുമ്പ് എന്റെ അപ്പയെയും അമ്മയെയും പരിചയപ്പെടാം..’
കൃഷ്ണ അത് പറഞ്ഞു എന്റെ കോളറിൽ പിടിച്ചു ഞാൻ അശ്രദ്ധമായി ഇടാതെ വച്ച ബട്ടൻസ് ഇട്ടു തന്നു. അവൾ ഒരു കടും ചുവപ്പ് സാരി ആയിരുന്നു ധരിച്ചിരുന്നത്. സ്ലീവ്-ലെസ്സ് ബ്ലൗസ് ആയത് കൊണ്ട് അവളുടെ വെളുത്തു മെലിഞ്ഞ കൈകൾ കാണാൻ നല്ല ഭംഗി ഉണ്ടായിരുന്നു. കഴുത്തിൽ എനിക്ക് പേരറിയാത്ത പരസ്യങ്ങളിൽ മാത്രം കണ്ടിട്ടുള്ള ഡിസൈനിൽ ഉള്ളൊരു നെക്ക്ലേസും മൂക്കിൽ ഒരു കല്ല് മൂക്കുത്തിയും.. അവളുടെ മൂക്ക് എപ്പോ കണ്ടാലും എനിക്ക് പിടിച്ചു വലിക്കാൻ തോന്നുമായിരുന്നു. ഞാനത് ഇത് വരെ അവളോട് പ്രകടിപ്പിച്ചിട്ടില്ല. അവിടുത്തെ വെളിച്ചങ്ങൾ അവളുടെ മൂക്കുത്തിക്കല്ലിൽ തട്ടി ഇടയ്ക്കിടെ പ്രതിഫലിച്ചു കൊണ്ടിരുന്നു..
അച്ഛനും അമ്മയും വീടിന് മുന്നിൽ തന്നെ ഉണ്ടായിരുന്നു.. അവരുടെ അച്ഛനെ ഞാൻ ആദ്യമായ് കാണുകയാണ്. മുമ്പ് ഞാൻ ഇവിടെ വന്നപ്പോൾ ഒന്നും അവരെ രണ്ട് പേരെയും കണ്ടിട്ടില്ല. അതിലൊരു തവണ കള്ളനെ പോലെ പതുങ്ങി വന്നത് ഓർത്തപ്പോൾ പെട്ടന്നൊരു ഉൾക്കിടിലം എനിക്കുണ്ടായി.. അവളുടെ അച്ഛന്റെയും അമ്മയുടെയും ഒപ്പം പദ്മയും ഉണ്ടായിരുന്നു. അവളാണേൽ മോഡലുകൾ ഒക്കെ ഇടുന്ന ടൈപ്പ് ഒരു ബോഡി-കോൺ ഗൗൺ ആയിരുന്നു വേഷം. അതിൽ അവൾ വല്ലാത്ത സെക്സി ആയിരുന്നു. ഗൗണിന്റെ തുടകളിൽ വച്ചു വന്ന സ്ലിറ്റ് ലൂടെ അവളുടെ തുടകളുടെ ഭംഗി ശരിക്കും ആസ്വാദിക്കാൻ കഴിയുമായിരുന്നു. എന്നാൽ അവളുടെ ഫാമിലി വട്ടത്തിൽ നിൽക്കുമ്പോ അത് ആസ്വദിക്കാതെ ഇരിക്കാനുള്ള വിവേകം എനിക്ക് ഉണ്ടായിരുന്നു..
‘അപ്പാ.. അമ്മാ… ഇതാണ് എന്റെ അർജുൻ ചേട്ടൻ..’
കൃഷ്ണ എന്റെ കൈകൾക്കിടയിൽ കൈ കോർത്തു പിടിച്ചു കല്യാണചെറുക്കനെ പരിചയപ്പെടുത്തുന്ന പോലെ പറഞ്ഞു. അവളുടെ പെരുമാറ്റത്തിൽ എനിക്ക് ചെറിയൊരു അസ്വസ്ഥത തോന്നി. എന്നാൽ അവളുടെ അച്ഛനും അമ്മയും ചിരിച്ചു കൊണ്ട് എന്നോട് സംസാരിച്ചപ്പോൾ അവർക്കത് ഒരു വിഷയമേ അല്ല എന്ന് എനിക്ക് മനസിലായി. കൃഷ്ണ ഇവിടെ എല്ലാവരുടെ അടുത്തും എന്റെ ഒരുപാട് കാര്യങ്ങൾ പറഞ്ഞിട്ടുണ്ടെന്ന് എനിക്ക് മനസിലായി
