‘ശരി..’
ഒരു സുഖമില്ലാത്ത മട്ടിൽ അംഗീകരിച്ചു എന്ന് ലച്ചു പറഞ്ഞു.
‘ഇനി പിണക്കം ഇല്ലെന്ന് പറ.. ദേ ഞാൻ നിക്കുന്നത് ഗേൾസ് ടോയ്‌ലെറ്റിന് അടുത്താണ്. ഇവിടെ ബോയ്സ് അധികം നേരം ഒന്നും നിക്കാറില്ല. നീ പെട്ടന്ന് എന്തെങ്കിലും പറ..’
‘മ്മ്.. നീ പൊക്കോ.. ഞാൻ വിളിക്കാം..’
ഒരു ചെറു ചിരിയോടെ ലച്ചു പറഞ്ഞു. കുറച്ചു കഴിഞ്ഞു തന്നെ അവളുടെ കോളും വന്നു. ആ ബഹളത്തിൽ നിന്നൊക്കെ വിട്ടൊഴിഞ്ഞു ഞാൻ അവളോട് കുറെ നേരം സംസാരിച്ചു. അപ്പോളേക്കും അവിടെ സ്റ്റേജിൽ പരിപാടികൾ ഒക്കെ ആരംഭിച്ചു കഴിഞ്ഞിരുന്നു. പരുപാടികൾ രാത്രി വരെയും നീണ്ടു കിടക്കും. സന്ധ്യ കഴിഞ്ഞു തമ്മിൽ മീറ്റ് ചെയ്യാൻ ആയിരുന്നു പ്ലാൻ. വീട്ടിൽ പോകാമെന്നു ഞാൻ പറഞ്ഞെങ്കിലും ഫ്രണ്ട്ന്റെ പരുപാടി അവസാനം മറ്റോ ഉള്ളത് കൊണ്ട് നേരത്തെ പോകാൻ പറ്റില്ല എന്നായിരുന്നു അവളുടെ മറുപടി. എന്നാൽ കോളേജിൽ വച്ചു കളിക്കാൻ ഉള്ള അവളുടെ ഫാന്റസി ആണ് അതെന്ന് എനിക്ക് മനസിലായി.. അതിന്റെ ഭവിഷ്യത്തിനെ പറ്റി അവളോട് പറയണം എന്നുണ്ടായിരുന്നു എങ്കിലും പിണക്കം ജസ്റ്റ്‌ ഒന്ന് മാറി വരുന്ന സമയത്തു അവളുടെ ആഗ്രഹത്തിന് എതിർ പറയുന്നത് ശരിയാവില്ല എന്നെനിക്ക് തോന്നി. അങ്ങനെ സന്ധ്യ ആകാൻ ഞങ്ങൾ കാത്തിരുന്നു
അത് വരെയും ഞങ്ങൾ കോളേജ് ഡേ അടിച്ചു പൊളിച്ചു. ഞങ്ങൾ എന്ന് വച്ചാൽ ഞാനും ലക്ഷ്മിയും മാത്രമല്ല. ഞങ്ങൾ കോളേജ് മുഴുവൻ..!പക്ഷെ ഒരാൾ ഒഴിച്ച്.. ഇഷാനി…! – അവളെ കാണാതെ ഞാൻ ഫോണിൽ വിളിച്ചപ്പോൾ തലവേദന ആണെന്നാണ് അവളെന്നോട് പറഞ്ഞത്. കള്ളത്തരം ആണെന്ന് എനിക്ക് മനസിലായി. പരിപാടിക്ക് വരാൻ ഒന്നും അവൾക്ക് താല്പര്യം ഇല്ല. പണ്ടും ഇത്തരം പരിപാടികൾക്ക് ഒന്നും അവൾ വരില്ലായിരുന്നു. ഞാനായിരുന്നു അവളെ നിർബന്ധിച്ചു ഓരോന്നിനും കൊണ്ട് വന്നോണ്ടിരുന്നേ.. ഇപ്പൊ ഞാനും അവളെ നിർബന്ധിക്കാറില്ല. ഞങ്ങൾ തമ്മിൽ ഉള്ള ചെറിയ അകലം മാത്രമല്ല, ഇപ്പൊ അവളെ മൈൻഡ് ചെയ്യാനുള്ള സാഹചര്യങ്ങളും എനിക്കില്ല. ലച്ചു ആയി അർമാദിച്ചു നടക്കുമ്പോ ഇഷാനി മുന്നിൽ വരുന്നത് എനിക്കൊരു ബുദ്ധിമുട്ട് തന്നെ ആണ്. ഇത്ര ആയിട്ടും അവളുടെ കാര്യത്തിൽ എന്തൊക്കെയോ എന്റെ ഉള്ളിൽ വല്ലാതെ തിളച്ചു മറിയുന്നുണ്ട്.
