സത്യത്തിൽ അവൻ പറയുന്നത് ഒന്നും ഞാൻ കേൾക്കുന്നു കൂടി ഇല്ലായിരുന്നു…
അങ്ങനെ ഞങ്ങൾ വീടെത്തി.. കിടക്കാൻ പോകുന്നതിന് മുൻപ് ഭുവനോട് രാവിലെ ഞാൻ തടാകത്തിന് അടുത്തുള്ള അമ്പലത്തിൽ പോകും എന്നും പറഞ്ഞു..
ഒറ്റക്ക് പോകണ്ട ഞാനും വരാം എന്ന് ഭുവൻ പറഞ്ഞു..
കുഴപ്പമില്ല എന്ന് പറഞ്ഞ് ഒരു വിധം അവനെ കൊണ്ട് സമ്മതിപ്പിച്ചു…
റൂമിൽ കയറി ഞാൻ ഫോൺ എടുത്ത് ആഷികയുടെ നമ്പർ സേവ് ചെയ്തു.. എന്നിട്ട് ഫോൺ ചാർജിൽ കുത്തിയിട്ടു…
കസേര വലിച്ച് കണ്ണാടിക്ക് മുന്നിൽ ഇട്ട് ഞാൻ അതിലേക്കു ഇരുന്നു… എന്നിട്ട് എന്നോട് തന്നെ ചോദിച്ചു…
ഷോൺ… നീ എന്തിനിവിടെ വന്നു…?? ഇവിടെ എന്ത് ചെയ്യുന്നു…?? എന്ത് ചെയ്യാൻ പോകുന്നു…??
നാളെ നിന്റെ കല്ല്യാണം ആണ്….. ആരുമായി..?? നീ സ്നേഹിക്കുന്ന പെൺകുട്ടിയും ആയി..
പക്ഷേ അത് കൊണ്ട് എന്ത് കാര്യം…??
അവള് നിന്നെ സ്നേഹിക്കാത്ത പക്ഷം ഇത് വെറും നാടകം മാത്രം ആണ്…
ജീവിതത്തിൽ തനിക്ക് ഒരാളെ പ്രേമിക്കാൻ ആവില്ല എന്ന് നിന്റെ മുഖത്ത് നോക്കിയാണ് അവൾ പറഞ്ഞത്… പിന്നെയും എന്തിന് നീ ഇവിടെ നിൽക്കുന്നു..??
നിനക്ക് തിരികെ പോയികൂടെ..?? നിന്നെ സ്നേഹിക്കുന്നവരുടെ അടുത്തേക്ക്…
ഈ ചോദ്യങ്ങളിൽ ഏതിനെങ്കിലും നിന്റെ പക്കൽ ഉത്തരം ഉണ്ടോ..??
ഉണ്ട്…….
നിന്റെ എല്ലാ ചോദ്യങ്ങൾക്കും എന്റെ പക്കൽ ഉത്തരം ഉണ്ട്…
ഞാൻ.. ഷോൺ എന്ന ഞാൻ.. ഞാൻ സ്നേഹിക്കുന്ന പെൺകുട്ടിയെ കാണാൻ ഇവിടെ വന്നു…
അവളുടെ സ്വപ്നങ്ങൾ നേടി എടുക്കാൻ അവളെ സഹായിക്കാൻ പോകുന്നു…
നാളെ ഞാൻ അവളെ കല്ല്യാണം കഴിക്കുന്നതിലൂടെ അവളുടെ ജീവിത ലക്ഷ്യം നേടിയെടുക്കാൻ അവൾക്ക് അത് ഒരു ചവിട്ട് പടി ആവും എങ്കിൽ ഞാൻ അവളെ സഹായിക്കും…
ഒരു പക്ഷെ അവൾക്ക് എന്നെ സ്നേഹിക്കാൻ ആവില്ലയിരിക്കാം പക്ഷേ എന്നോട് അവളെ സ്നേഹിക്കാൻ പാടില്ല എന്ന് പറഞ്ഞില്ലാലോ…
ഞാൻ തിരികെ പോകുന്നില്ല.. അവളുടെ ആഗ്രഹം നിറവേറ്റാൻ ഞാൻ അവളുടെ കൂടെ ഉണ്ടാകും… കാരണം… ഞാൻ അവളെ സ്നേഹിക്കുന്നു…
ഞാൻ കസേരയിൽ നിന്നും എഴുന്നേറ്റു..
നാളെ നേരത്തെ എഴുന്നേൽക്കാൻ ഉള്ളതാണ്.. ഞാൻ മറ്റൊന്നും ചിന്തിക്കാതെ ഫോണിൽ അലറാം വച്ച് കിടന്നുറങ്ങി…
*********** ************ **********
