എനിക്ക് തന്നെ ഇഷ്ടമായി കല്യാണം കഴിക്കാൻ താല്പര്യമുണ്ട് തനിക്കു വേറെ അഫൈർ ഒന്നും ഇല്ലെങ്കിൽ
അഫൈർ ഒന്നും ഇല്ല
എന്ന ഞാൻ വന്നോട്ടെ
ഇപ്പോഴോ
അല്ല തന്റെ അഡ്രെസ്സ് പറ ഞാൻ വരാം
ഇപ്പൊ വരുന്നോ
വരാൻ എനിക്ക് ഇഷ്ടമാണ് തനിക്ക് ബുദ്ധിമുട്ടില്ലെങ്കിൽ
ഇക്കക്ക് എന്നെ മനസ്സിലായില്ലല്ലേ
ഇല്ല …നല്ല പരിചയം തോന്നിയിരുന്നു എത്ര ആലോചിച്ചിട്ടും മനസിലായില്ല
ഇത്ര വേഗം മറന്നോ
എത്ര ഓർത്തിട്ടും മനസ്സിലാകുന്നില്ല
ഞാൻ ഷാദിയ കുഞ്ഞാപ്പയുടെ മോളാ
പടച്ചോനെ ഇക്കാന്റെ മോളോ ഷാദിയ മോളെന്താ ഇവിടെ ഇങ്ങനെ ഇക്ക എവിടെ
ഉപ്പച്ചി വീട്ടിലുണ്ട്
പലരോടും ഞാൻ ഇക്കയെ കുറിച്ച് ചോദിച്ചിരുന്നു ആർക്കും അറിയില്ലായിരുന്നു
എങ്ങനെ അറിയും ഞങ്ങൾ പിന്നെ അങ്ങോട്ട് വന്നിട്ടില്ല
മോള് വാ ഇവിടെ നിന്ന് വെയില് കൊള്ളേണ്ട
അതൊക്കെ ശീലായി ഇക്ക
എന്നാലും ന്റെ പടച്ചോനെ മോളെ ഒന്നും വിചാരിക്കരുത് ഞാൻ ഒന്നും പറഞ്ഞിട്ടില്ല എല്ലാം മറന്നേക്കൂ
അതെന്തേ
മോളെ കല്യാണം ആലോചിക്കാനുള്ള യോഗ്യത എനിക്കില്ല ആളറിയാതെ പറഞ്ഞതാ റബ്ബേ എന്നാലും എനിക്ക്
മോളെ മനസിലായില്ലല്ലോ
ഞാൻ ഒരുപാടു മാറിപ്പോയി അതാ
മോള് വാ ഞാൻ കൊണ്ടാകാം വീട്ടിൽ എനിക്ക് ഇക്കാനെ കാണണം
ഹമ്
മോള് ചായ കുടിച്ചോ
ഹമ്
എന്ന വാ
ഞാനും മോളും കാറിൽ കയറി ഇക്കയെ കാണാൻ എന്റെ മനസ്സ് തുടിക്കയായിരുന്നു എത്ര കാലമായി വർഷങ്ങൾ കഴിഞ്ഞിരിക്കുന്നു .ഇക്കയെ കുറിച്ച് ഒരു വിവരവും ഇല്ലാതായിട്ട് .അന്ന് കാണുമ്പോൾ ചെറിയ കുട്ടി ആയിരുന്നു ഷാദിയ .മോളെന്ന അന്നും വിളിച്ചിരുന്നത് .തിരിച്ചറിയാൻ കഴിയാത്ത വിധം അവൾ വളർന്നിരിക്കുന്നു .ഗുണ്ടുമണി പോലെ ഇരുന്ന കുട്ടി മെലിഞ്ഞു ഉയരം വച്ച് .എന്നാലും ആ മുഖം പോലും ഒരുപാടു മാറിയിരിക്കുന്നു .മനസ്സിലൂടെ ഒരുപാടു കാര്യങ്ങൾ മിന്നിമറഞ്ഞു എന്തിനായിരിക്കും ഇവൾ ജോലിക്കു വന്നത് .ഇക്ക എന്ത് ചെയ്യായിരിക്കും .ഞങ്ങൾ ഒന്നും സംസാരിക്കാതെ കുറെ നേരം കാറിൽ ഇരുന്നു നെടുങ്കണ്ടം ലക്ഷ്യമാക്കി ഞാൻ വണ്ടി ഓടിച്ചു .
ഇക്ക എന്താ ഒന്നും മിണ്ടാത്തെ
എന്താ മോളെ
ഇക്ക എന്താ ഒന്നും മിണ്ടാതിരിക്കുന്നത്
