ആത്മബന്ധം

Aathmabandham Author : Neethu

 

എത്ര ആലോചിച്ചിട്ടും ആളെ മനസ്സിലാകുന്നില്ല .നല്ല പരിചയമുള്ള മുഖം .എന്താ ആ കണ്ണിലെ തിളക്കം എന്തൊരു സുന്ദരി ആണ് .മനസ്സിൽ നിന്നും മായുന്നില്ല അവളുടെ മുഖം .പേരുപോലും ചോദിക്കാൻ കഴിഞ്ഞില്ല എന്തായാലും ഇത്താത്താന്റെ കൂടെ ജോലി ചെയ്യല്ലേ ഇത്താത്താനോട് ചോദിക്കാം .വരേണ്ടെന്ന് വിചാരിച്ചതാ പുതിയ വീട് വച്ചതിനു ശേഷം ഇത്താത്താന്റെ അടുത്ത് വന്ന് നിന്നിട്ടില്ല .മടിച്ചു മടിച്ചാണ് വന്നത് ചിലപ്പോ പടച്ചോൻ എനിക്കായി കരുതി വച്ചത് ഇവളെയാണെങ്കിലോ .ഇനിയിപ്പോ കല്യാണം കഴിഞ്ഞിട്ടുണ്ടാവോ ആർക്കാണാവോ അവളെ കിട്ടാനുള്ള യോഗം .തമ്പുരാനെ എനിക്കുതന്നെ തരണേ .ഉമ്മാക്ക് പ്രായമായി വരുന്നു പെങ്ങന്മാരൊക്കെ കല്യാണം കഴിഞ്ഞു .ഇനിയൊരു കല്യാണം ആവാം .ഇക്കയെ ഓർക്കാത്ത ദിനങ്ങളില്ല എങ്ങനെ കഴിഞ്ഞതാ .കഷ്ടപ്പാടിന്റെ ദിനരാത്രങ്ങളിൽ താങ്ങായി നിന്നത് ഇക്കയാണ് .എവിടെയാണെന്ന് ഒരെത്തും പിടിയുമില്ല .കാര്യമായി അന്വേഷിച്ചിട്ടുമില്ല ഓരോരോ തിരക്കുകൾ ജീവിതം എങ്ങനെയും ഒന്ന് കരകയറ്റണം എന്ന ചിന്ത മാത്രമായിരുന്നു മനസ്സ് നിറയെ .എത്രകാലം ഇക്കയുടെ കൂടെ ഉണ്ടായിരുന്നു .ആ മനുഷ്യന്റെ ഉയർച്ച താഴ്ചകൾ മുഴുവൻ കണ്ട വ്യക്തി ചിലപ്പോൾ ഞാൻ മാത്രമായിരിക്കണം .

കുഞാപ്പാക്ക നിങ്ങളുടെ പൊക്കിതെങ്ങോട്ടാ

എന്താ ഫാസി എന്റെ പോക്കിനൊരു കുഴപ്പം

കഷ്ട്ടപെട്ടു കാശുണ്ടാക്കി അത് തോന്നിയപോലെ കളയ

ന്റെ ഫാസി കാശുണ്ടാക്കുന്നതെന്തിനാ

ജീവിക്കാൻ

അതെ ജീവിക്കാൻ നമുക്ക് ഇഷ്ടപെട്ടപോലെ ജീവിക്കാൻ

ഇക്ക ഇങ്ങനെ പോയാൽ കയ്യിലുള്ളത് തീരും പിന്നെ എന്ത് ചെയ്യും

തീരട്ടെ

നിങ്ങൾക്ക് എല്ലാം തമാശയാണ്

അടുത്ത നിമിഷം ജീവിച്ചിരിക്കുമെന്ന് നിനക്ക് ഉറപ്പുണ്ടോ

അതില്ല എന്നുവെച്ചു മരിക്കണം എന്ന് നിർബന്ധമില്ലല്ലോ

മോനെ ഫാസി ജീവിതം ഒരെണ്ണമേയുള്ളു അത് ആസ്വദിക്കുക നമ്മുടെ ഇഷ്ടം പോലെ

നിങ്ങളോടു പറഞ്ഞിട്ട് കാര്യമില്ല

ഇപ്പൊ നിങ്ങൾ കേട്ട സംഭാഷണം ഞാനും എന്റെ മുതലാളിയും തമ്മിലാണ് .ഞാൻ ഫാസിൽ ഫാസി എന്ന് വിളിക്കും .ഒരു സാധാരണ മലയാളി കുറെ കഷ്ടപ്പാടും പ്രാരാബ്ധങ്ങളും ഉള്ള കുടുംബത്തിലെ ആശ്രയം . എന്നെ കുറിച്ചറിയുന്നതിന് മുൻപ് ഇക്കയെ കുറിച്ചറിയണം എന്റെ ജീവിതത്തിൽ ഒരുപാടു സഹായം ചെയ്ത വ്യക്തി എന്റെ കുടുംബത്തെ കരകയറ്റിയ നല്ല മനുഷ്യൻ .പട്ടിണിയുമായി നടന്നിരുന്ന കാലത്തു ജോലി നൽകിയ ദൈവ തുല്യൻ.

മൂന്ന് ഭാര്യമാരും അതിൽ നിറയെ കുട്ടികളുമായി നാടുനീളെ പെണ്ണുങ്ങളുമായി നടന്നിരുന്ന ഉപ്പയുടെ മകനായി ജനിച്ചു .ബാല്യത്തിൽ ഒരുപാടു പട്ടിണികിടന്നിട്ടുണ്ട് ഇക്ക .ആരും ശ്രദ്ധിക്കാനില്ലാതെ എങ്ങനൊക്കെയോ വളർന്നു .