അതോടെ സേറയിരുന്ന ചെയറിനടുക്കെ മറ്റൊരുചെയർ വലിച്ചിട്ട് ഞാനുമങ്ങോട്ടേയ്ക്കിരുന്നു…
“”…നിന്നോടിന്നാണോ ജോയ്ൻചെയ്യാൻ പറഞ്ഞേ..??”””_ ലാപ്പിൽനോക്കി എന്തൊക്കെയോ ചെയ്യുന്നതിനിടയിൽ മുഖമുയർത്താതെയവൾ തിരക്കി…
“”…നാളെമുതൽ..!!”””
“”…പിന്നെന്തിനാടാ പൊട്ടാ ഇവിടെവന്നിരിയ്ക്കുന്നേ..??”””_ മുഖമുയർത്തി അവളെന്നെ രൂക്ഷമായിനോക്കി…
“”…സേറാ… ഇന്ന് ഡെയ്റ്റെത്രയാ..??”””_ അവളെന്നെനോട് സംസാരിക്കുന്നതുകണ്ടതും മൊതലാളിച്ചീടെ ചോദ്യംവന്നു…
“”…അത്… സിക്സ്ത് മാഡം..!!”””_ ചോദ്യംകേട്ടവൾ ഞെട്ടിക്കൊണ്ടാണ് മറുപടിപറഞ്ഞത്…
“”…റ്റിഡിഎസ് റിട്ടേൺ ഫയൽചെയ്യേണ്ട ലാസ്റ്റ്ഡെയ്റ്റെന്നാ..??”””_ അടുത്തചോദ്യം…
“”…സെവൻത് മാഡം..!!”””
“”…ഫയൽചെയ്തു കഴിഞ്ഞോ..??”””_ കണ്ണുരുട്ടിയുള്ള അവൾടെചോദ്യത്തിന് പെണ്ണിരുന്ന് വിയർക്കാൻതുടങ്ങി…
“”…ചോദിച്ചതുകേട്ടില്ലേ..?? ഫയൽചെയ്തോന്ന്..??”””_ ചോദ്യമാവർത്തിയ്ക്കുമ്പോൾ ശബ്ദത്തിന്റെ കടുപ്പവുമേറി…
“”…അതുമാഡം… രണ്ട്… രണ്ടെണ്ണങ്കൂടുണ്ട്..!!”””_ അവൾ വിക്കിവിക്കി പറഞ്ഞൊപ്പിച്ചതും,
“”…എന്തേ..?? അതിനി ഞാൻവന്നിരുന്ന് ചെയ്യണോ..?? അതേ… നിങ്ങൾക്കൊക്കെ പറ്റോങ്കിൽചെയ്… അല്ലേക്കളഞ്ഞിട്ടുപോ..!!”””_ എന്നുമ്പറഞ്ഞ് അവളിരുന്നൊറ്റച്ചാട്ടം…
“”…സോ… സോറി മാം… നാളെക്കൂടിയുണ്ടല്ലോന്നുവെച്ചാ ഞാൻ..””‘_ പെണ്ണ് പിന്നുംനിന്നുപരുങ്ങി…
“”…അതെന്താ നാളെവരെ കൊണ്ടോവുന്നത്..?? ചെയ്യാനുള്ളത് അപ്പോഴപ്പോഴ് ചെയ്തോൾണമെന്നു പറഞ്ഞിട്ടുള്ളതല്ലേ..?? ഇൻകേസ് നാളെ സൈറ്റ്കിട്ടീല്ലെങ്കിൽ താനെന്തുചെയ്യും..?? ഫൈനടയ്ക്കാനുള്ളത് തന്റെ വീട്ടീന്നുകൊണ്ടുവരോ..??”””_ ചെയറുകറക്കി സേറയ്ക്കുനേരെ തിരിച്ചുകൊണ്ട് ചാന്ദ്നിമാഡം ചാടിക്കടിച്ചപ്പോൾ പെണ്ണുനിന്നു കരയാൻതുടങ്ങി…
എനിയ്ക്കാണേലെന്തു ചെയ്യണോന്നുപോലുമറിയാതെ ഇരുവരേയും നോക്കിയിരിയ്ക്കാനേ പറ്റിയുള്ളൂ…
…ഏത് കാലനെ കണികണ്ടനേരത്താന്തോ ചാടിത്തുള്ളിയീ കാലിന്റെടേൽ വന്നുകേറാന്തോന്നീത്..??!!
“”…ഇന്നെത്ര ലെയ്റ്റായാലും റ്റിഡിഎസ്റിട്ടേണെല്ലാം ഫയൽചെയ്ത് അതിന്റെ ഡീറ്റയ്ൽസെനിയ്ക്കു മെയിൽചെയ്തിട്ടു പോയാൽമതി… കേട്ടല്ലോ..!!”””_ ചാന്ദ്നി കൂട്ടിച്ചേർക്കുമ്പോൾ സേറ കണ്ണുംതുടച്ചുകൊണ്ട് തലകുലുക്കി…
എനിയ്ക്കാണേൽ ഇതൊക്കെക്കണ്ടിട്ട് ആകെപൊളിഞ്ഞു നിൽക്കുവായ്രുന്നു…
…ഇത്രയുമഹങ്കാരംപിടിച്ച പെണ്ണുമ്പിള്ളേടെകീഴിൽ എങ്ങനെ ജോലിചെയ്യാനാണ്..?? അതൊന്നും നടക്കുന്നകേസേയല്ല… ഇനിയിപ്പൊ ചോറുതന്നില്ലേലും വേണ്ടില്ല, വീട്ടിപ്പോയി മനഃസമാദാനത്തോടെ കിടന്നുറങ്ങുവെങ്കിലുംചെയ്യാം..!!_ മനസ്സാലങ്ങനെയും കണക്കുകൂട്ടിയിരിയ്ക്കുമ്പോഴാണ്,
“”…നൂറാ… സുരേഷ്കുമാറിന്റെ ജിഎസ്റ്റിബിൽസും അവരുടെ സെയിൽസ്ബിൽസും വിഷ്ണുവിനെയേൽപ്പിയ്ക്ക്… അതു വൗച്ച്ചെയ്തിട്ട് സെയിൽസിലെന്തേലും മിസ്സ്മാച്ചുണ്ടേൽ അതെല്ലാം റെക്കോഡുംചെയ്യണം… എന്തേലും ഡൗട്ടുണ്ടേലെന്നോടു ചോദിയ്ക്കാമ്പറ..!!”””_ എന്നൊരുവർക്ക് എനിയ്ക്കായ്ട്ടസൈൻ ചെയ്തുകിട്ടുന്നത്…
…വലിച്ചുകെടക്കണ്.! അവടെവിടേലുംപോയി ചൊറിയുംകുത്തിയിരിയ്ക്കുന്നേനു പകരം വന്നുമൂഞ്ചിക്കൊടുത്തേക്കുന്നു…
…എനിയ്ക്കിതെന്തോത്തിന്റെ കഴപ്പായ്രുന്നോ ആവോ..?? എനിയ്ക്കിവടെ കണ്ടിന്യൂചെയ്യാൻ പറ്റില്ലാന്നുപറഞ്ഞ് ഇറങ്ങിയങ്ങുപോയാലോ..??!!_ ചിന്തയങ്ങനെ തുലാസിൽനിന്ന് താളംപിടിയ്ക്കുമ്പോൾ ലാപ്ടോപ്പും ക്ലോസ്ചെയ്തു ബാഗിലാക്കി ചാന്ദ്നിയിറങ്ങി പുറത്തേയ്ക്കുപോയി…
“”…ഇതെവടത്തെ മര്യാദയാണ്..?? നാളെമുതല് ജോയ്ൻചെയ്താ മതീന്നുപറഞ്ഞിട്ട് ഇന്നെന്തോത്തിനാ പണിതന്നേ..??”””_ ചാന്ദ്നിയവൾടെ ഹാരിയെറിൽ ഗേയ്റ്റുകടന്നുപോകുന്നതും നോക്കിനിന്നശേഷം ഞാൻനിന്നുതെറിച്ചു…
“”…നിന്റടുക്കെ ഞാനപ്പോഴേ പറഞ്ഞതല്ലേ..?? അനുഭവിച്ചോ..!!”””_ കണ്ണീരുണങ്ങിയില്ല, അതിനുമുന്നേ സേറയിരുന്ന് കിലുകിലുത്തു…
“”…അതിനിമ്മാതിരി എരണംകെട്ട പരിപാടികാണിയ്ക്കോന്ന് ഞാനറിയുന്നോ..?? അയ്യേ..!!”””_ പൊടിയ്ക്കടങ്ങാൻ കൂട്ടാക്കാതെ ഞാൻനിന്നുതുള്ളീതും നൂറാത്തയെഴുന്നേറ്റുവന്നു…
