രാജു : അതെ….
വർക്കി : എന്നാ ഇവിടെ വണ്ടന്മേഡ് ഒരു വർക്ക്‌ ഷോപ്പുണ്ട്…. നമ്മുടെ പരിചയക്കാരന്റെയാ….. പോയി നോക്കണോ….
രാജുവിനു ജോലിയുടെ ആവശ്യം ഇല്ലെങ്കിലും ഇവിടെ കുടുംബസ്തനായി കാണിക്കണ്ടേ…. കടം കയറി വന്ന ദേവസ്സി ചേട്ടൻ ജോലി ഇല്ലാതെ നിൽക്കുന്നത് കണ്ടാലും പ്രശ്നമാണ്…..മൂന്ന് മാസമെന്നു വെച്ചു വന്നതാ… തല്ക്കാലം പോയി നോക്കാമെന്നു മനസ്സ് പറഞ്ഞു…
വർക്കി : ഹലോ….. എന്താ ആലോചിക്കുന്നെ…. താൻ മെക്കാനിക് ആയതോണ്ട് ചോദിച്ചതാ… പിന്നെ ദേവസ്സി ചേട്ടനും പറഞ്ഞു തനിക്ക് അത്യാവശ്യമായി ജോലി വേണമെന്ന്…
രാജു : ഞാൻ തയ്യാറാണ് ചേട്ടാ….
വർക്കി : അതാ നല്ലത്… ഇവിടെ അടുത്തല്ലേ….
രാജു : എപ്പോഴാ പോകേണ്ടത്…
വർക്കി : നമ്മുക്ക് കുറച്ചു കഴിഞ്ഞു പോകാം….. ഞാൻ കുളിക്കട്ടെ
രാജു : ശരി ചേട്ടാ…..
പാച്ചുവിനെ കട്ടിലിൽ കൊണ്ട് പോയി കിടത്തി രാജു…. ജീപ്പ് പിന്നിലേക്ക് കൊണ്ട് പോയി വണ്ടി കഴുകാൻ വെള്ളവും ഷാംപൂ ഒക്ക്കെ ശരിയാക്കി വെച്ചു….
റീന രാജുവിന്റെ ഡ്രെസ്സുകൾ അലക്കുകയായിരുന്നു…..
രാജു : അതേയ്… ഞാനാ വർക്കി ചേട്ടന്റെ കൂടെ ഒരു സ്ഥലം വരെ പോവാണ്…
റീന മുഖമുയർത്തി
രാജു : അടുത്തൊരു ഗാരേജ് ഉണ്ടത്രേ… അവിടെ ഒരു ജോലി ശരിയാക്കി തരാം എന്നു പറഞ്ഞിട്ടുണ്ട്….ഇവിടെ ആ ദേവസ്സി എല്ലാം പറഞ്ഞിട്ടുണ്ട്…..
റീന : എപ്പോഴാ പോകുന്നത്
രാജു : ആളിപ്പോ കുളിച് വരാം എന്നു പറഞ്ഞിട്ടുണ്ട്….
റീന : ഇപ്പൊ വണ്ടി കഴുകണോ….വീണ്ടും നനയില്ലേ
അത് ശരിയാണല്ലോ….. രാജു റീനയെ നോക്കി ഒന്ന് ചിരിച്ചേയുള്ളൂ….
റീന തന്റെ അലക്കൽ തുടങ്ങി….
വർക്കി ചേട്ടന്റെ ശബ്ദം കേട്ടാണ് രാജി നോക്കിയത്….
രാജു : താ വരുന്നു ചേട്ടാ….
രാജു ജീപ്പെടുത്തു മുന്നിലേക്ക് തിരിച്ചു….
വർക്കി : എന്നാ പോയാലോ..
രാജു : ഓഹ്…..
അപ്പോഴേക്കും റീന മുന്നിലേക്ക് എത്തിയിരുന്നു…..
സാറ ചേച്ചി വീടിന്റെ മുന്നിൽ എന്തോ ഉണക്കാൻ വെക്കുന്നത് കണ്ട് റീന ചിരിച്ചു…..
രാജുവും വർക്കിയും ജീപ്പിൽ പോയി…..
