കാലത്തിന്റെ ഇടനാഴി

“മേ ഐ കമിങ് മാഡം”

 

ഞാൻ നോക്കിയപ്പോൾ വെളുത്ത ഒരു കോട്ട് സ്യുട് ഇട്ടുകൊണ്ട് ഒരു 20-25 പ്രായം തോന്നിക്കുന്ന യുവാവ്. അത് ദേവൻ ആണെന്ന് എനിക്ക് മനസിലായി.

 

“യാ പ്ലീസ് കം ദേവൻ”

 

“ടേക്ക് യുവർ സീറ്റ്”

 

ആ കോട്ട് സ്യുട് ധരിച്ചുകൊണ്ട് അകത്തേക്ക് നടന്നുവരുമ്പോൾ ഹോളിവുഡ് സിനിമയിലെ നടനെപോലെ അത് നല്ല ചേർച്ച ഉണ്ടായിരുന്നു അവനു.

 

അവൻ എന്റെ മുൻപിലെ സീറ്റിലേക്ക് ഇരുന്നു.

 

“ഗുഡ് മോർണിംഗ് രതി .”

 

“ഹൌ ടു യു നോ മി .”

 

“M.D പറഞ്ഞിരുന്നു , രതിയെ ആണ് അസ്സിസ്റ് ചെയ്ണ്ടത് എന്ന്.”

 

“ഒക്കെ ഗുഡ് ”

 

“ഫസ്റ്റ് റൌണ്ട് ഇന്റർവ്യൂ ഫോണിൽ ആയിരുന്നു അല്ലെ ”

 

“യെസ് , വിത്ത് M .D ”

 

സംസാരിക്കുമ്പോൾ അവന്റെ കണ്ണുകളിലേക്ക് എന്റെ നോട്ടം ചെന്നപ്പോൾ ഞാൻ രണ്ടു സെക്കന്റ് നിശ്ചലമായി , ഒന്നുകൂടെ കണ്ണിലേക്ക് മാത്രമായി തന്നെ ഞാൻ നോക്കി. നീല നിറത്തിലുള്ള ഒരു കണ്ണ് ഞാൻ ആദ്യമായാണ് നേരിൽ കാണുന്നത്,

ഈശ്വര ഇതെന്തു മായ ! കണ്ണ് മാത്രമേ അതുപോലെ ഉള്ളു, മുഖമൊക്കെ നല്ല മാറ്റമുണ്ട്, അതോ എനിക്ക് ഓർക്കാൻ കഴിയാഞ്ഞിട്ടാണോ ? ഇത് സത്യമാണോ ? ഞാൻ ഒരു നിമിഷം കാലത്തിന്റെ ഇടനാഴിയിൽ എവിടെയോ നഷ്ടപെടുന്ന പോലെ തോന്നി. ദേവനെ ആണോ ഞാൻ ഇനി സ്വപ്നത്തിൽ കണ്ടത് ?