175cm ഉയരമുള്ള തോട്ടി എന്ന് സ്കൂളിലും കോളേജിലും, വിളിപ്പേരുള്ള പെണ്ണായിരുന്നു തികഞ്ഞ സ്വപ്ന ജീവിയായ എനിക്ക് അച്ഛനും അമ്മയും പണ്ടേ നഷ്ടപ്പെട്ടിരുന്നു. ഒരു പക്ഷെ നഷ്ടങ്ങൾ ചെറുപ്പം മുതലേ എന്നെ അങ്ങനെ ഒരുവളാക്കി മാറ്റിയതാവാം. കോട്ടയത്ത് അമ്മാവന്റെ വീട്ടിൽ നിന്നും UG വരെ പഠിച്ച എനിക്ക് തുടർന്ന് MBA യ്ക്ക് പഠിക്കാൻ നല്ല താല്പര്യം ആയിരുന്നു. എറണാകുളത്തു നിൽക്കാനും അവിടെ തന്നെ ചെറിയ ജോലി ചെയ്തു ഇൻഡിപെൻഡന്റ് ആവാനും വേണ്ടിയായിരുന്നു.
എറണാകുളത്തു പഠിക്കുന്നതിനു അവസരം കിട്ടിയെങ്കിലും ജോലി ഞാൻ വിചാരിച്ചപോലെ എളുപ്പമല്ലായിരുന്നു. ഒടുവിൽ അമ്മാവന്റെ ചിലവിൽ തന്നെ ഞാൻ ഹോസ്റ്റലിൽ നിന്ന് പഠിക്കേണ്ടി വന്നു. കോഴ്സിന്റെ അവസാനവര്ഷം പെട്ടന്ന് ഒരു അറ്റാക്ക് വന്നു അമ്മാവനും പോയതുകൊണ്ട് അമ്മായി അധികം വൈകാതെ എന്നെ കെട്ടിച്ചു വിടാൻ തീരുമാനിച്ചു.
ഞാനും അതിനു സമ്മതിച്ചു, ഇനിയിപ്പോ വിവാഹത്തിന് ശേഷം ഭർത്താവിന്റെ ഇഷ്ടങ്ങളുമായി പൊരുത്തപെട്ടു പോകാൻ ആവും എന്റെ വിധി എന്ന് സമാധാനിച്ചുകൊണ്ട് ഞാൻ ആദ്യത്തെ പെണ്ണു കാണലിനു തയാറായി. എന്റെ അത്രയും ഉയരമില്ലാഞ്ഞിട്ടും അതൊരു കോംപ്ലക്സ് ആയി കാണാത്ത അജിത് ഏട്ടന്റെ സംസാരം എനിക്ക് വളരെ ഇഷ്ടപ്പെട്ടു. എന്നെ ആദ്യമായി പെണ്ണുകാണാൻ
വന്ന ആളായത് കൊണ്ടും കൂടെയാണ് കേട്ടോ, അതിലേറെ കൗതുകം അജിത് ഏട്ടനും ആദ്യമായി കാണുന്നത് എന്നെയാണ് എന്നതാണ്.
കാര്യങ്ങളൊക്കെ വേഗത്തിൽ നടന്നു. ചെറിയ രീതിയിൽ നടത്താം എന്ന് അമ്മായി വിചാരിച്ചെങ്കിലും പൊന്നും പണവും വേണ്ട എന്നെ മാത്രം മതിയെന്നു അച്ഛനും അമ്മയും തീർത്തു പറഞ്ഞതോടെ എനിക്കും അജിത് ഏട്ടന്റെ കുടുംബത്തെ നല്ലപോലെ ഇഷ്ടപ്പെട്ടു.
ഒരു മാസത്തിനകം ഞാൻ ഇടുക്കികാരിയായ ഒരു വീട്ടമ്മയായി.
അജിത് ഏട്ടനെ കുറിച്ച് പറയാം. ഏട്ടൻ ജോലി ചെയുന്നത് ഇടുക്കി സിവിൽ സ്റ്റേഷൻ ഇല് ആണ്. തിരക്കുള്ള ജോലിയാണെങ്കിലും ഏട്ടൻ എന്റെ കാര്യത്തിൽ ആവശ്യത്തിൽ കൂടുതൽ ശ്രദ്ധാലു ആയിരുന്നു.ജോലിക്ക് പോകുവാൻ കൂടുതൽ എളുപ്പം കാറിൽ ആയതുകൊണ്ട് ഞായറാഴ്ചകളും മറ്റും എന്നെ കാറോടിക്കാൻ പഠിപ്പിച്ചു.
എന്റെ പേരിൽ ഒരു കാർലോൺ എടുത്തു പുതിയ കാർ എനിക്കായി ഏട്ടൻ വാങ്ങിത്തരുകയും ചെയ്തു.
