കാറിൽ കേറിയപ്പോ ചെറിയമ്മയാകെ മാറി.. പഴയപോലെ മൂളിപ്പാട്ടും.. എന്നെ കളിയാക്കലും.. ചെക്കാ,കൊരങ്ങാ എന്നുള്ള വിളിയും തുടങ്ങി. ഞാനും തിരിച്ചു വിളിച്ചു എനിക്ക് തോന്നുന്നത്.പിന്നെ ബാക്കിൽ നിന്ന് തൊണ്ടലായി നുള്ളാലായി.. പഴയപോലെ കലിയൊന്നും വന്നില്ല ഒരു തമാശയായി ഞാനെടുത്തു അമ്മ എന്റെ അടുത്ത് തലക്ക് കൈയും കൊടുത്തിരുന്നു.
ഒച്ച കൂടുമ്പോ ഒന്ന് ഞെട്ടിക്കും..അവളെ തിരിഞ്ഞു പിടിക്കാൻ കഴിയാത്തത് കാരണം ശാസന മൊത്തം കിട്ടിയ എന്റെ മേത്ത് തീർക്കലായി അമ്മക്ക് പണി.
ചോറ് കഴിക്കാൻ അമ്മയുടെ നിർദേശപ്രകാരം ഒരു ചെറിയ ഹോട്ടലിൽ നിർത്തി.. വനിതാ മെസ്സ്.. അയ്യോ പറയണ്ട അമ്മക്ക് നല്ലോണം അറിയുന്ന കൂട്ടരാണെന്ന് കേറിയപ്പോഴേ മനസ്സിലായി.. വന്നത് മുതൽ അവിടെയുള്ള ചേച്ചിമാരോട് ഓരോന്ന് പറഞ്ഞു ചിരിക്കലായിരുന്നു അമ്മയുടെ പണി. വേറെ കഴിക്കാൻ വന്നവരൊക്കെ ഞങ്ങളെ തന്നെയായിരുന്നു നോട്ടം. ചെറിയമ്മയും ഞാനും മുഖത്തോട് മുഖം നോക്കി അമ്മയുടെ കൊപ്രയം കണ്ടു ചിരിച്ചു. പക്ഷെ ഭക്ഷണം ഒരു രക്ഷയുമില്ല. ചെറിയമ്മയും ഞാനും സ്റ്റാൻഡേഴ്സ് വിട്ടു തിന്നു. ഒരുളക്ക് ഒരു ചിരി എന്നാ കണക്ക് വെച്ച് തിന്ന അമ്മകാണാതെ ,അമ്മയുടെ പ്ലേറ്റിനെ പൊരിച്ച മീൻ ഞാനും ചെറിയമ്മയും കട്ടെടുത്തു തിന്നു. അങ്ങനെയെങ്കിലും വേഗം തിന്നട്ടെ എന്ന് വിചാരിച്ച ഞങ്ങൾ മണ്ടന്മാർ പോയതൊന്നും അമ്മ അറിഞ്ഞില്ല. അവസാനം പിടിച്ചു വലിച്ചു കൊണ്ടുപോയി കാറിൽ കേറ്റി.
……………………..
വല്ല്യ ചുറ്റലിനൊന്നും നിന്നില്ല.. ഇത്തിരി പർചെയ്സിങ്ങിന് വേണ്ടി അമ്മ പറഞ്ഞതോണ്ട് മാളിലേക്ക് വിട്ടു. പാർക്കിംഗ് കഴിഞ്ഞു ഞങ്ങൾ മുകളിലേക്ക് കേറി.. ചെറിയമ്മയും അമ്മയും എന്റെ രണ്ടു സൈഡിലുമുണ്ടായിരുന്നു.
മുന്നിലൊരുത്തിയുടെ കൈ പിടിച്ചു പോവുന്നരുത്തൻ.. അവൾ അവനോട് ഒട്ടിച്ചേർന്ന് പോവുന്നത് കണ്ടപ്പോ പണ്ട് ഷെറിനെയും കൊണ്ട് ഇവിടെ കറങ്ങിയതാ പെട്ടന്ന് ഓർമ വന്നത്.. മധുരമുള്ളരു വിങ്ങൽ കൈ ആരോ ചുറ്റി പിടിച്ചു.. ഞാൻ ഒന്ന് കണ്ണുകളടച്ചുപോയി. ചെറിയമ്മയുടെ മുഖം മനസ്സിൽ തെളിഞ്ഞു. എന്റെ മനസ്സ് അറിയുന്നുണ്ടോ?.. ആ മുഖം കാണാൻ കണ്ണുതുറന്നുനോക്കി.. ഞെട്ടി!!! ചെറിയമ്മയല്ല അമ്മയാണ്. ആ മുഖത്തു നല്ല ചിരി.. പെട്ടന്ന് ഇടതു കയ്യിലും ഒരു സപർശം ആ തണുപ്പുള്ള കൈകൾ ചെറിയമ്മേ…
