നോക്കട്ടെ എന്ന് പറഞ്ഞെങ്കിലും ഷഹാനയുട മനസ്സ് തുലാസിലായിരുന്നു . അടുത്ത ആഴ്ചയാണ് ഋഷി വീട്ടിലേക്ക് ക്ഷണിച്ചിരിക്കുന്നത് . അവൾ ആരോടെങ്കിലും ഇതിനെക്കുറിച്ചൊന്നു സംസാരിച്ചാലോയെന്നു ഓർത്തു .അതിനായി അവൾ തന്റെ ഉറ്റ ഫ്രെണ്ട്സടങ്ങുന്ന വാട്സ് ആപ്പ് ഗ്രൂപ്പ് തുറന്നു , ഋഷി തന്നെ വീട്ടിലേക്ക് ക്ഷണിച്ചതായി വോയ്‌സ് മെസേജ് വിട്ടു .
അൽപ നേരത്തിനുള്ളിൽ അതിൽ റീപ്ളേകൾ വന്നു . എന്തും പരസ്പരം തുറന്നു പറയുന്ന ചങ്ങാതികൾ ആണ് അവർ . പലരും പലയിടങ്ങളിൽ ആണെങ്കിലും അവരുടെ സ്നേഹം അനസ്യൂതം തുടരുന്നു .
“‘ ഷാഹി … നിനക്ക് ഇഷ്ടമാണെങ്കിൽ പോകൂ … ഞങ്ങൾ ആരേലും കൂടെ വരണോ “‘
“‘ ഋഷിയുടെ വീട്ടിൽ അവരുണ്ടോ എന്നറിയില്ലല്ലോ … “‘
പലരും പേഴ്സണൽ മെസ്സേജുകളും വിട്ടു
“‘ ഷാഹീ ….. നിങ്ങളുടെ അടുപ്പം നീ ഞങ്ങളോട് പറഞ്ഞിട്ടുണ്ട് . കേട്ടിടത്തോളം ഋഷി കുഴപ്പക്കാരനൊന്നുമല്ല . നിന്നോടവൻ കള്ളവും പറയാൻ ചാൻസില്ല .അവന്റെ അമ്മയും സഹോദരിമാരും നിന്ന് കാണാൻ ആഗ്രഹിക്കുണ്ടെന്നല്ലേ പറഞ്ഞത് . നീ എന്തായാലും പോകൂ … ഇപ്പോൾ തന്നെ ഋഷി വളരെയേറെ മാറിക്കഴിഞ്ഞു എന്നല്ലേ നീ പറഞ്ഞത് . അത് കൊണ്ടായിരിക്കാം അവന്റെ ‘അമ്മ നിന്നെ കാണണം എന്ന് പറഞ്ഞത് . “‘ ഗ്രീഷ്മയുടെ വോയ്‌സ് ആയിരുന്നു അത് . അത് ഷഹാനയെ ഒട്ടൊന്നു ചിന്തിപ്പിച്ചു
“‘ ഷാഹി ….. നിന്റെ മനസ് ഞങ്ങൾക്കറിയാം . നീ കാരണം ആണ് ഋഷി പഴയത് പോലെ ഊർജ്‌ജസ്വലനായത് .അവനുമായുള്ള ഫ്രണ്ട്ഷിപ്പ് നിനക്ക് വേണ്ടാ എന്ന് തോന്നുമ്പോൾ സകല സെന്റിമെൻസും കളഞ്ഞു നിർത്താൻ പറ്റുമെന്ന് നിനക്ക് ഉറപ്പുണ്ടേൽ നീ പോകുക . എന്ത് വന്നാലും ഞങ്ങൾ നിന്റെ കൂടെയുണ്ട് “‘ അച്ചുവിന്റെ വോയ്‌സ് കൂടി വന്നപ്പോൾ ഷഹാന ഋഷിയുടെ വീട്ടിലേക്ക് പോകാൻ തീരുമാനിച്ചു ..
ആദ്യം വേണ്ടായെന്നു തോന്നിയെങ്കിലും ഷഹാനയും ഋഷിയുടെ വീട്ടിലേക്ക് പോകാനുറച്ചു . അവന്റെ കുടുംബാംഗളെ പറ്റിയറിയുവാൻ അവൾക്കാഗ്രഹമുണ്ടായിരുന്നു .
അടുത്ത വാരാന്ധ്യത്തിലായിരുന്നു ഷഹാന ഋഷിയുടെ വീട്ടിലേക്ക് തിരിച്ചത് . ഋഷിയുടെ അമ്മയും സഹോദരിമാരും അവൾക്ക് നല്ല സ്വീകരണമാണൊരുക്കിയത് . ഷഹാനയെ പരിചയപ്പെട്ടത്‌ മുതൽ തന്റെ മകനിൽ ഉണ്ടായ പ്രകടമായ മാറ്റങ്ങൾ ആ അമ്മക്ക് അനല്പമായ സന്തോഷമാണ് ഉണ്ടാക്കിയിരുന്നത് . സഹോദരിമാരും അവളെ സ്വന്തം കുടുംബാംഗത്തെ പോലെ വരവേറ്റു . അവരുടെ സ്നേഹവും തന്നോടുള്ള പെരുമാറ്റവും കണ്ടപ്പോൾ ഷായുടെ ഉള്ളിൽ അതുവരെ ഉണ്ടായിരുന്ന ഭയാശങ്കകൾ വിട്ടൊഴിച്ചു . അല്ലെങ്കിലും ഋഷിയെ അവൾക്ക് വിശ്വാസം ആയിരുന്നു .. അവൻ തന്നോട് മോശമായി ഒന്നും പെരുമാറിയിട്ടില്ല .. എന്നിരുന്നാലും അവൻ തന്നെ ഏതുവിധത്തിലാണ് സ്നേഹിക്കുന്നതെന്ന് മാത്രം അവൾക്ക് സംശയമുണ്ടായിരുന്നു .. എന്നിരുന്നാലും അവളെ സൗഹൃദത്തെ ഇഷ്ടപ്പെട്ടിരുന്നു താനും
