“പോടീ …അവള് പറയുന്നത് പറയട്ടെ ..അതിനു അസൂയയാ …അവളുടെ കെട്ട്യോൻ ഒന്നും ഇത്ര റൊമാന്റിക് അല്ല ..”
ഞാൻ റോസമ്മയെ നോക്കി കണ്ണിറുക്കി കൊണ്ട് തട്ടിവിട്ടു . പിന്നെ റോസമ്മയുടെ മുൻപിൽ വെച്ച് തന്നെ മഞ്ജുസിന്റെ കവിളിൽ പയ്യെ മുത്തി .മഞ്ജു അത് തീരെ പ്രതീക്ഷിക്കാത്തതുകൊണ്ട് തന്നെ കക്ഷി ആ നീക്കത്തിൽ ഒന്ന് ചൂളിപ്പോയി . വളരെ പെട്ടെന്ന് അവളെ ചേർത്തുപിടിച്ചു ഞാൻ ഉമ്മ വെക്കുകയായിരുന്നു .
“സ്സ് ..കവി …”
ഞാൻ ഉമ്മവെച്ചതും അവള് നാണക്കേട് പോലെ കണ്ണുചിമ്മി . റോസമ്മ അതെല്ലാം കൗതുകത്തോടെ കൈകൾ പിണച്ചുകെട്ടി നിന്നുകൊണ്ട് നോക്കി രസിച്ചു .
“നാണമില്ലല്ലോ …”
ചുംബിച്ചു മാറിയ എന്നെ നോക്കി റോസമ്മ ചിരിച്ചു .
“ദേ കവി..ചുമ്മാ വട്ടു കാണിക്കല്ലേ …”
ആ സമയം മഞ്ജുസും എന്നെ നോക്കി കണ്ണുരുട്ടി .പക്ഷെ ഞാനതു കാര്യമാക്കാതെ മഞ്ജുസിനെ ചേർത്തുപിടിച്ചു റോസമ്മക്കുള്ള മറുപടി നൽകി .
“നീ ഇപ്പൊ എന്നാത്തിനാ ഡീ ഇങ്ങോട്ടു കേറിവന്നേ ?ചുമ്മാ മെനക്കെടുത്താൻ ആയിട്ട് ”
ഞാൻ റോസ്‌മേരിയെ നോക്കി ചിരിച്ചു .
“ആഹ്…ഇപ്പൊ കുറ്റം എനിക്കായോ? എടാ ചെക്കാ ഞാൻ നിന്റെ മിസ്സിനെ തിരക്കി വന്നതാ ”
റോസമ്മ സ്വല്പം ഗൗരവത്തോടെ പറഞ്ഞു ..
“എന്നെയോ ? എന്താടോ കാര്യം ?”
റോസമ്മയുടെ മറുപടി കേട്ട് മഞ്ജുസ് പയ്യെ തിരക്കി . പിന്നെ എന്റെ അടുത്ത് നിന്നും സ്വല്പം ഗ്യാപ് ഇട്ടു നിന്ന് കണ്ണുരുട്ടി .”അടങ്ങി നിൽക്കെടാ തെണ്ടി …” എന്നൊരു ധ്വനി !
“ഒന്നും ഇല്ലെടോ..തന്റെ അച്ഛൻ അന്വേഷിക്കുന്നുണ്ട് ..വേഗം കൂട്ടികൊണ്ട് ചെല്ലാൻ പറഞ്ഞു ”
റോസ്‌മേരി ഒറ്റ ശ്വാസത്തിൽ തന്നെ പറഞ്ഞൊപ്പിച്ചു .
“ഓഹ്..അച്ഛന് പോകാൻ ധൃതി ആയിക്കാണും …”
മഞ്ജുസ് അതുകേട്ടു ചിരിച്ചു .
“ആഹ്…കൊച്ചു കുഞ്ഞു അല്ലെ ..അച്ഛന് നല്ല കെയർ ആണ്..”
ഞാൻ മഞ്ജുസിനെ കളിയാക്കികൊണ്ട് റോസമ്മയോടായി പറഞ്ഞു .
“പോടാ ..എന്തായാലും നിന്നെക്കാൾ ഭേദാ..”
എന്റെ കയ്യിൽ പയ്യെ നുള്ളികൊണ്ട് മഞ്ജുസ് ചിരിച്ചു .
“എന്ന പോവാം ല്ലേ …വെറുതെ നേരം കളയണ്ട ..അല്ല തന്റെ ഹസ് എവിടെ ? ഒരു നോട്ടം കണ്ടേ ഉള്ളു ”
റോസമ്മയുടെ അടുത്തേക് നീങ്ങികൊണ്ട് മഞ്ജുസ് തിരക്കി .
“തന്റെ അച്ഛനോട് സംസാരിച്ചു ഇരിക്കുന്നുണ്ട് ..രണ്ടാളും ബിസിനെസ്സ് മൈൻഡ് ആയോണ്ട് വെച്ച് കാച്ചുന്നുണ്ട് ”
