റോസിമോള് അവളുടെ ശൈലിയിൽ വാക്കുകൾ മുറിച്ചുകൊണ്ട് പയ്യെ പറഞ്ഞു .
“അതുശരി …നീ എന്റെ മോൾടെ പാലൊക്കെ കുടിച്ചല്ലേ …”
മഞ്ജുസ് അതുകേട്ടു അഞ്ജുവിനെ നോക്കി കണ്ണുരുട്ടി .
“പിന്നെ…എനിക്കിപ്പോ അതുകിട്ടിയിട്ട് വേണല്ലോ …ആന്റി കുടിച്ചോ കുടിച്ചോ എന്ന് പറഞ്ഞിട്ട് പെണ്ണ് സ്വൈര്യം തരണ്ടേ ”
അഞ്ജു അതുകേട്ടു ചിരിച്ചു . പിന്നെ റോസിമോളെയും എടുത്തു നിൽക്കുന്ന എന്നെയൊന്നു അടിമുടി നോക്കി .
“ഡോകടർ എന്ത് പറഞ്ഞു ചേച്ചി ?”
പിന്നെ മഞ്ജുസിനോടായി തിരക്കി . അതോടെ മഞ്ജുസ് അവളുടെ അടുത്ത് കിടന്ന കസേരയിലേക്കിരുന്നു .
“കൊഴപ്പം ഒന്നും ഇല്ല…പക്ഷെ ഇതും ട്വിൻസ് ആടി..”
അഞ്ജുവിനെ നോക്കി മഞ്ജുസ് ഒരു ജാള്യതയോടെ പറഞ്ഞു .
“ആഹാ ….അത് കൊള്ളാലോ …ഇതെങ്ങനെ ഒപ്പിക്കുന്നു ”
അഞ്ജു ഞങ്ങളെ മാറിമാറി നോക്കികൊണ്ട് ഒന്ന് ചിരിച്ചു . അവളും ഇപ്പൊ ഏഴുമാസം ഗർഭിണിയാണ് . വയറൊക്കെ അത്യാവശ്യം വീർത്തിട്ടുണ്ട് .
“ഒരു പിടിയും ഇല്ല മോളെ …”
മഞ്ജുസ് സ്വയം പറഞ്ഞു ചിരിച്ചു .പിന്നെ കയ്യിലുണ്ടായിരുന്ന കവർ അഞ്ജുവിനെ ഏൽപ്പിച്ചു .
“ഇന്നാടി…മസാലദോശയാ..വേണേൽ കഴിച്ചോ ”
അത് കൊടുത്തുകൊണ്ട് മഞ്ജുസ് ഇരുന്നിടത്തു നിന്നും എഴുനേറ്റു .
“താങ്ക് യു …”
അഞ്ജു അതുവാങ്ങികൊണ്ട് പയ്യെ ചിരിച്ചു .ഞാൻ ആ സമയം കൊണ്ട് തിണ്ണയിലേക്ക് ഇരുന്നിരുന്നു .
“ചാച്ചാ എനിച്ചും വേണം …”
മസാലദോശയുടെ കാര്യം കേട്ടതോടെ റോസിമോള് എന്നെ നോക്കി ചിണുങ്ങി .
“ഇതിന്നു തരാടി പെണ്ണെ …”
റോസ്‌മോളുടെ പരിഭവം കണ്ടു അഞ്ജു പയ്യെ പറഞ്ഞു .പിന്നെ കസേരയിൽ നിന്നും എഴുനേറ്റു എന്റെ അടുത്തേക്കെത്തി .
“വാടി….നമുക്ക് കഴിച്ചിട്ട് വരാം ”
അഞ്ജു കവറും ആട്ടികൊണ്ട് റോസ്‌മോളോടായി പറഞ്ഞു . അതോടെ പെണ്ണ് എന്റെ ദേഹത്ത് നിന്നും താഴേക്കിറങ്ങി അഞ്ജുവിന്റെ കയ്യിൽ തൂങ്ങി…
“ചാച്ചാ …പൊന്നു പാപ്പു തിന്നു വരാം”
പിന്നെ എന്നോടായി പറഞ്ഞു ചിരിച്ചു .
“ആഹ് ആഹ് …പൊക്കോ ”
ഞാൻ തലയാട്ടി ചിരിച്ചു .
“വാവ എന്ന വരാ ..”
അകത്തേക്ക് നീങ്ങുന്നതിനിടെ അഞ്ജുവിന്റെ വയറിൽ തൊട്ടുകൊണ്ട് റോസിമോള് സംശയം ചോദിക്കുന്നുണ്ട് .
“അടുത്ത ആഴ്ച വരും …ഒന്ന് മിണ്ടാതെ നടക്കെടി പെണ്ണെ ”
അഞ്ജു അതുകേട്ടു പെണ്ണിന്റെ തലയിൽ പയ്യെ തട്ടി .
“ഹി ഹി…ഈ പെണ്ണിനെ കൊണ്ട് തോറ്റു..”
റോസ്‌മോളുടെ സംശയം കണ്ടു മഞ്ജുസ് ചിരിച്ചു .
“ഹ്മ്മ്….ഇന്നലെ എന്നോടും വന്നു ചോദിച്ചിരുന്നു ..അവൾക്കു എന്ന വാവ ഉണ്ടാവാ എന്ന് ”
