“ഉവ്വ..മതി മൈരേ തള്ളി മറിച്ചത്”
അവൻ എന്റെ ചെവിയിൽ പതിയെ പിറുപിറുത്തു.
ഞങ്ങളുടെ പുറകിലും കുറച്ചു ആളുകളൊക്കെ വരി നിൽക്കുന്നുണ്ട്.
മഞ്ജു ഒരു ബ്ലാക്ക് കളർ ചുരിദാറും വൈറ്റ് പാന്റും ഷാളും ആണ് വേഷം . തലയ്ക്കു ഇടംകൈ താങ്ങി കൊടുത്തുകൊണ്ട് ആണ് ഇരുത്തം . ഓരോരുത്തരായി മിസ്സ്‌ മിസ്സ്‌ എന്ന് വിളിക്കുമ്പോൾ മുഖം ഉയർത്തി നോക്കി ചിരിച്ചു , പേരും ക്‌ളാസും ഐറ്റവും നോട്ട് ചെയ്യും..സ്ക്രീനിംഗ് വേണ്ട പ്രോഗ്രാംസ് അപ്പോൾ തന്നെ അറിയിക്കും .
മൂന്ന് നാലു പേരുടെ ഊഴം കഴിഞ്ഞാണ് ഞാനും ശ്യാമും മഞ്ജുസിനു മുൻപിൽ എത്തിയത്..
ഞങ്ങളെ കണ്ടപ്പോഴേ മഞ്ജു ചിരിച്ചു!
“ആഹാ നിങ്ങളും ഉണ്ടോ ..”
അവൾ ഒന്നാക്കിയ പോലെ ആണ് ചോദിച്ചത്..
“അതെന്താ മിസ്സെ അങ്ങനെ ഒരു ചോദ്യം “
ശ്യാം ആണ് ഇത്തവണ ചോദിച്ചത്..
“ഏയ് ഒന്നുമില്ല..”
മഞ്ജു ചിരി അടക്കികൊണ്ട് പറഞ്ഞു..
“ആഹ്..എന്ന നോട്ട് ചെയ്യെന്നെ “
ഞാൻ ഗൗരവത്തിൽ പറഞ്ഞു.
“വെറുതെ അലമ്പ് കാണിക്കാൻ ആണെന്കി ഞാൻ സമ്മതിക്കില്ലാട്ടോ..നിങ്ങളൊക്കെ എന്ത് കാണിക്കാനാ.”
മഞ്ജു തമാശ പോലെ പറഞ്ഞു ഞങ്ങളെ നോക്കി.
“മിസ് ഇവിടെ പുതിയതായതുകൊണ്ട…ബാക്കി ടീച്ചേഴ്സിനോട് ചോദിച്ചു നോക്ക്..ഞങ്ങളുടെ റേഞ്ച് അറിയാം “
ശ്യാം ഗമയിൽ പറഞ്ഞു..
മഞ്ജു ഞങ്ങളെ സംശയത്തോടെ നോക്കി..
അപ്പോഴേക്കും പുറകിൽ നിക്കുന്ന ഞങ്ങളെ അറിയാവുന്ന പിള്ളേരും ആ വാദം പിന്താങ്ങി.
“അതെ മിസ്സ്‌ .ഇവരുടെ സ്കിറ്റും മിമിക്രിയുമൊക്കെ ലാസ്‌റ് ഇയർ നല്ല ഓളം ആയിരുന്നു “
ഞങ്ങളുടെ പുറകിൽ നിക്കുന്ന ഒരുത്തനും കൂടി മഞ്ജുവിനോടായി പറഞ്ഞു .
“ആഹാ…”
അവൾ അത്ഭുതത്തോടെ ഞങ്ങളെ നോക്കി..
“മ്മ്…എന്ന പറ…എന്താ പരിപാടി “
പിന്നെ ഒഴുക്കൻ മട്ടിൽ ഞങ്ങളെ നോക്കി.
