അവൾ എന്നെ നോക്കികൊണ്ട് അവൾ കുടിച്ചു പകുതിയാക്കിയ ഷേക്ക് എന്റെ നേരെ നീക്കി.
“ഇല്ല ..നീ ഇത് കഴിക്ക് “
അവൾ ഗൗരവം വിടാതെ പറഞ്ഞു .
“അപ്പൊ എന്റെയോ ?’
ഞാൻ തരിപോലും തൊട്ടു നോക്കാത്ത എന്റെ ഗ്ലാസ് ചൂണ്ടിക്കൊണ്ട് പറഞ്ഞു .
“അത് സാരമില്ല..എനിക്ക് ഇത്രേം മതി “
അവൾ മതിയായ പോലെ ഭാവിച്ചുകൊണ്ട് പറഞ്ഞു .
ഞന തലയാട്ടികൊണ്ട് അവൾ കുടിച്ചതിന്റെ ബാക്കി കുടിച്ചു . സ്ട്രോ കൊണ്ട് നന്നായി അലിയിച്ചു ഞാൻ പെട്ടെന്ന് കുടിച്ചു തീർത്തു അവളെ നോക്കി .
“നീ ഇപ്പൊ ഇത് പറയാൻ വേണ്ടിയാണോ എന്നെ വിളിച്ചോണ്ട് വന്നേ “
ഞാൻ കഴിച്ചു കഴിഞ്ഞതും മഞ്ജു ഗൗരവത്തിൽ തിരക്കി .
“ഇത് അല്ല..പെട്ടെന്ന് തോന്നിയപ്പോ ഇതും പറഞ്ഞെന്നെ ഉള്ളു..”
ഞാൻ വിക്കി വിക്കി പറഞ്ഞു .
“മ്മ്…അതിനു നീ എന്തിനാ പരുങ്ങുന്നെ ..ഞാൻ ഒന്നും പറഞ്ഞില്ലല്ലോ “
മഞ്ജു പതിയെ പറഞ്ഞു .
“അറിയില്ല..എനിക്ക് മഞ്ജുസിന്റെ അടുത്ത് മാത്രമേ ഉള്ളു ഈ പേടി ..”
ഞാൻ ചിരിയോടെ പറഞ്ഞു .
അത് കേട്ടപ്പോൾ അവളിലും ഒരു പുഞ്ചിരി വിടർന്നു .
“ഒന്ന് പോടാ…”
അവളെന്റെ കവിളിൽ നുള്ളികൊണ്ട് പറഞ്ഞു .
“ആഹ്…”
ഞാൻ വേദനിച്ചെന്ന പോലെ ഒന്ന് പിടഞ്ഞു . പിന്നെ അവളുടെ കൈ തട്ടി മാറ്റി .
“മഞ്ജുസ് ഒന്ന് കണ്ണടച്ചേ “
ഞാൻ പെട്ടെന്ന് വന്ന കാര്യം ഓർത്തുകൊണ്ട് പറഞ്ഞു .
“എന്തിനാ ?”
അവളെന്നെ സംശയത്തോട് എനോക്കി .
“ഹാഹ് ..അടക്ക്..ഞാൻ ഒരു ഗിഫ്റ്റ് കൊണ്ട് വന്നിട്ടുണ്ട് ..”
ഞാൻ ചിരിയോടെ പറഞ്ഞു .
“എന്ത് ഗിഫ്റ്റ്..”
