അവൾ സംശയത്തോടെ നോക്കി .
“അതൊന്നും മഞ്ജുസ് അറിയണ്ട…ഇതെന്റെ ഒരു സന്തോഷം “
ഞാൻ അവളുടെ കൈകൂട്ടിപിണച്ചു പിടിച്ചുകൊണ്ട് പറഞ്ഞു .
ഇല്ലാത്ത പൈസ ഞാൻ ചിലവാക്കിയതിൽ മഞ്ജുസിനു സ്വല്പം നീരസം ഉണ്ടെന്നെനിക് തോന്നി . അവളുടെ കയ്യില് പിന്നെ ആവശ്യത്തിലധികം ഉള്ളതുകൊണ്ട് എങ്ങനെ വേണേലും ചിലവാക്കാം!
“മ്മ്…”
അവൾ മൂളി.
“അതെന്താ ഒരു സന്തോഷമില്ലാത്ത പോലെ ..”
ഞാനവളെ നോക്കി നീരസത്തോടെ പറഞ്ഞു .
“ഏയ്..അങ്ങനെ ഒന്നുമില്ല…”
അവൾ പറഞ്ഞുകൊണ്ട് കൈയുയർത്തി ആ മോതിരത്തിൽ മഞ്ജുസ് എന്നെഴുതിയ ഇടത്ത് അമർത്തി ചുംബിച്ചു എന്നെ നോക്കി .പിന്നെ പെട്ടെന്ന് എന്നെ കെട്ടിപിടിച്ചു കഴുത്തിലൂടെ കൈചുറ്റി.
“സന്തോഷം ഒകെ ഉണ്ട്..പക്ഷെ എനിക്ക് ഇതിനേക്കാൾ വിലയുള്ള ഗിഫ്റ് നീയാ “
അവൾ പതിയെ പറഞ്ഞുകൊണ്ട് എന്റെ കവിളിൽ അമർത്തി സർവ ശക്തിയുമെടുത്തെന്നോണം ചുംബിച്ചു. ഹോ..വല്ലാത്തൊരു ഫീൽ ആയിരുന്നു ആ കിസ്സിനു ..എന്റെ കവിളിൽ അതിന്റെ എഫക്ട് കുറെ നേരം അവശേഷിച്ച പോലെ എനിക്ക് തോന്നിയിരുന്നു .
“മഞ്ജുസ് ..”
ഞാൻ പതിയെ വിളിച്ചു അവളെ തഴുകി ..
“മ്മ്…”
അവൾ അങ്ങനെ ഇരുന്നുകൊണ്ട് തന്നെ മൂളി..
“നമ്മള് ഒന്നാവോ”
ഞാൻ പതിയെ തിരക്കി .
