“ഏയ്..അതിന്റെ ഒന്നും ആവശ്യം ഇല്ല . ഇവിടെ ഞങ്ങള് രണ്ടു മൂന്നു പേരുണ്ട് . പിന്നെ എന്തായാലും ഒന്നറിയിക്കണമല്ലോ എന്നുവെച്ചു പറഞ്ഞതാ..അല്ലേൽ പിന്നെ അവള് അതും പറഞ്ഞു ചൂടാവും ”
പുളളി മഞ്ജുസിന്റെ സ്വഭാവം ഓർത്തെന്നോണം പറഞ്ഞു .
“ആഹ്…ഇപ്പോഴേ കയറു പൊട്ടിക്കുന്നുണ്ട് ..എന്തായാലും ഞാൻ പറഞ്ഞു നോക്കാം..പക്ഷെ നടക്കുമെന്ന് തോന്നുന്നില്ല . മിക്കവാറും ഞങ്ങള് അങ്ങോട്ട് തന്നെ എത്തും ”
ഞാൻ ചെറു ചിരിയോടെ പറഞ്ഞു . അമ്മക്ക് കാര്യമായി ഒന്നുമില്ലെന്ന്‌ അറിഞ്ഞതിനെ ആശ്വാസവും ആ ചിരിക്കൊരു കാരണം ആണ് .
അങ്ങനെ കാര്യങ്ങളൊക്കെ ചോദിച്ചറിഞ്ഞുകൊണ്ട് ഞാൻ ഫോൺ കട്ടാക്കി . അപ്പോഴേക്കും മഞ്ജുസും ഒരുങ്ങിയെത്തി .
“കവി..എന്തായെടാ ? നീ വിളിച്ചോ ? കുഴപ്പം ഒന്നും ഇല്ലല്ലോ അല്ലെ ?”
മഞ്ജുസ് ഒറ്റ ശ്വാസത്തിൽ ശരവര്ഷം പോലെ ചോദ്യങ്ങളെയ്തു .
“ആഹ്..ഇല്ല..പോകേണ്ട കാര്യം ഒന്നുമില്ലെന്ന അച്ഛൻ പറഞ്ഞത്..”
ഞാൻ ഒഴുക്കൻ മട്ടിൽ പറഞ്ഞു ഹാളിൽ കിടന്ന സോഫയിലേക്കിരുന്നു .
“ദേ കവി..ഞാൻ മോന്തക്കൊന്നു തന്നാൽ ഉണ്ടല്ലോ …എന്റെ അമ്മ വയ്യാണ്ട്‌ കിടക്കുമ്പോ പിന്നെ ഞാൻ അടുത്ത് വേണ്ടേ ?”
മഞ്ജുസ് പെട്ടെന്ന് ദേഷ്യപ്പെട്ടുകൊണ്ട് പല്ലിറുമ്മി .
“ഹാഹ് ..അതിനു നീ എന്തിനാടി എന്റെ നേരെ ചാടുന്നെ ? നിന്റെ തന്തപ്പടി പറഞ്ഞ കാര്യം ആണിത് ”
ഞാൻ കൈമലർത്തികൊണ്ട് അവളെ നോക്കി .
“ഓഹ്..അച്ഛൻ അങ്ങനെ ഒക്കെ പറയും. പക്ഷെ നമ്മള് അറിഞ്ഞു ചെയ്യണ്ടേ ?. നിനക്ക് പറ്റുവെങ്കിൽ എന്റെ കൂടെ വാ ..അല്ലേൽ ഞാൻ ഒറ്റയ്ക്ക് പൊക്കോളാം ”
മഞ്ജുസ് കട്ടായം പറഞ്ഞു.
“ആഹ് , എന്ന നീ ഒറ്റയ്ക്ക് പോ , അല്ല പിന്നെ !.എനിക്ക് നിന്റെയീ കോപ്പിലെ വർത്താനം കേൾക്കുമ്പോഴാ ഒരു ചവിട്ടു വെച്ച് തരാൻ തോന്നുന്നത് . ഇങ്ങനെ പറയാൻ മാത്രം ഇവിടെ ഇപ്പൊ എന്താടി ഉണ്ടായത്?”
ഞാൻ സ്വല്പം ശബ്ദം ഉയർത്തികൊണ്ട് പറഞ്ഞു . അതോടെ മഞ്ജുസ് ഫ്യൂസ് ആയി ! അവളൊന്നും മിണ്ടിയില്ല .
“മ്മ്..അതുപോട്ടെ .നീ നിന്റെ മീരയെ വിളിക്ക്..പോകുന്ന കാര്യം പറയണ്ടേ ”
ഒന്നും മിണ്ടാതെ നിൽക്കുന്ന അവളോട് ഞാൻ ശാന്തമായി പറഞ്ഞു .
“മ്മ്…”
മഞ്ജുസ് പയ്യെ മൂളി തലയാട്ടി .
“എന്ന വേഗം അതിനെ വിളിച്ചുണർത്ത് . എന്നിട്ട് കാര്യങ്ങളും പറഞ്ഞോ…”
ഞാൻ പയ്യെ പറഞ്ഞുകൊണ്ട് എഴുനേറ്റു . അതോടെ മഞ്ജു സ്റ്റെയർകേസ് കയറി മീരയുടെ ർറൂം ലക്ഷ്യമാക്കി നീങ്ങി . കാര്യങ്ങളൊക്കെ മീരയോട് പറഞ്ഞു അവളോടൊപ്പം മഞ്ജു താഴേക്കിറങ്ങി വന്നു .
“സൊ..നിങ്ങള് പോവാൻ തന്നെ തീരുമാനിച്ചു അല്ലെ ?”
