മീര സ്വല്പം വിഷമത്തോടെ തിരക്കി ഞങ്ങളെ മാറി മാറി നോക്കി .
“അല്ലാതെ ഇപ്പൊ എന്ത് ചെയ്യനാടി ..സിറ്റുവേഷൻ അങ്ങനെ ആയിപ്പോയില്ലേ . ഞങ്ങളിനി വേറൊരു ദിവസം വരാം ”
മഞ്ജുവും സ്വല്പം വിഷമം അഭിനയിച്ചു .
“മ്മ്..എന്നാപ്പിന്നെ അങ്ങനെയാവട്ടെ . എത്തിയിട്ട് വിളിക്ക് ”
മീര മഞ്ജുസിനെ ഹഗ് ചെയ്തുകൊണ്ട് പറഞ്ഞു . അവൾ തിരിച്ചും ഒന്ന് ഇറുക്കികൊണ്ട് മൂളി .
“എന്നാപ്പിന്നെ വൈകിക്കണ്ട കവിൻ..ഇപ്പഴേ മണി പന്ത്രണ്ട് ആയി..”
മീര ഹാളിലെ ക്ളോക്കിലേക്ക് നോക്കികൊണ്ട് എന്നോടായി പറഞ്ഞു .
“മ്മ് ….”
ഞാൻ ഒന്ന് മൂളികൊണ്ട് തലയാട്ടി .
പിന്നെ മഞ്ജുസിനൊപ്പം ബാഗുമെടുത്തു ഇറങ്ങി . കീ അവളുടെ കയ്യിൽ നിന്നും വാങ്ങി ഞാൻ തന്നെ ഡ്രൈവിംഗ് സീറ്റിലേക്ക് കയറി ഇരുന്നു . പിന്നെ മീരയെ നോക്കി കൈവീശികാണിച്ചുകൊണ്ട് യാത്ര പറഞ്ഞു .
കാർ സ്വല്പം മുന്നോട്ടു നീങ്ങിയതും ഞാൻ മഞ്ജുവിനോട് കാര്യങ്ങളൊക്കെ വിശദീകരിച്ചു . ചെറിയൊരു അറ്റാക്ക് ആണ് . സർജറി വേണ്ടിവരും എന്നൊക്കെ പറഞ്ഞതും എന്റെ മിസ് ഏങ്ങലടിയായി ! പണ്ടാരമടങ്ങാൻ , പിന്നെ ഹോസ്പിറ്റൽ എത്തും വരെ സ്വൈര്യം തന്നിട്ടില്ല .
കാർ നീങ്ങിത്തുടങ്ങിയതും ഞാൻ അവളെ ഒന്ന് നോക്കി . നഖം കടിച്ചുകൊണ്ട് അമ്മയുടെ കാര്യം ഓർത്തു ഇരിപ്പാണ് കക്ഷി . എന്തായാലും വരുന്നത് വരട്ടെ എന്നുവെച്ചങ്ങു പറഞ്ഞു പോയതാണ് !
“മഞ്ജുസേ..നീ ഇങ്ങനെ ടെൻഷൻ അടിക്കേണ്ട കാര്യം ഒന്നുമില്ല. അമ്മക്ക് ചെറിയൊരു ബ്ളോക് ആണ് , ഒരു ചെറിയ സർജറി വേണ്ടിവരും. അത്രേയുള്ളു ..”
ഞാൻ പയ്യെ പറഞ്ഞതും അവളൊന്നു വാ പൊളിച്ചു .
“അയ്യോ…”
മഞ്ജുസ് ആരോടെന്നില്ലാതെ പറഞ്ഞു .
“അയ്യോ പൊത്തോ..എന്ന പറയാൻ മാത്രം ഒന്നുമില്ല .നിന്റെ അച്ഛൻ തന്നെയാ പറഞ്ഞത്. പേടിക്കാൻ ഒന്നുമില്ലെന്ന്‌ ..”
ഞാൻ അവളുടെ റിയാക്ഷൻ കണ്ടു കണ്ണുരുട്ടി.
പക്ഷെ അവളുടെ പേടി കൂടിയതല്ലാതെ അതുകൊണ്ട് പ്രയോജനം ഒന്നുമുണ്ടായില്ല .
“ഈശ്വരാ ..എടാ തെണ്ടി അതിപ്പോ സീരിയസ് ആണേലും എല്ലാരും അങ്ങനെ അല്ലെ പറയാ ..നിനക്ക് ഒരു വിവരോം ഇല്ലേ ? അയ്യോ…എനിക്ക് പേടി ആകുന്നു… ഇനി എന്തേലും പറ്റിക്കാണുമോ ദൈവമേ ..”
ഞാൻ പറഞ്ഞതും അവൾ സ്വയം പറഞ്ഞുകൊണ്ട് ഏങ്ങലടിച്ചു . പിന്നെ ഞാൻ ഒന്നും പറയാൻ പോയില്ല . നല്ല ആളോടാ പറയുന്നത് …
