ആ പെണ്ണുമ്പിള്ളയെ നിന്റെ സ്വഭാവം വെച്ച് രണ്ടെണ്ണം പറയുന്ന കരുതി വിളിച്ചോണ്ട് വന്ന ഞാൻ ആരായി ശശി… ശശി എന്നു പറഞ്ഞ പോലെ വെറും ഊള ശശി… തള്ളച്ചിയെ കണ്ടപ്പം മോൻ എന്താണ് ഒരു ഇളക്കം… ഞാനൊന്നും കാണുന്നില്ല കേൾക്കുന്നില്ല എന്ന് നീ വിചാരിക്കരുത്….
ദൈവമേ എനിക്ക് കൈവേദന എടുത്തിട്ട് വയ്യ…. വിശന്നിട്ടു പണ്ടാരമടങ്ങി ഇരിക്കുവാ…ഈ വയ്യാത്ത കൈയും കൊണ്ട് ഞാനെങ്ങനെ അവളുമാരുടെ മുന്നിൽ പോയിരുന്നു സദ്യ കഴിക്കും…
എന്റെ കൊടല് കരിഞ്ഞ മണം വന്നിട്ടും എന്താടാ പട്ടീ നിന്നക്കൊരു കുലുക്കവുമില്ലാത്തെ…. ഓ തള്ളച്ചിയേയും ഓർത്തിരിക്കുവാണോടാ തെണ്ടീ നീ….
വിശപ്പു കൊണ്ട് ഭ്രാന്ത് പിടിച്ച ദിവ്യ എന്നോട് വയലന്റ് ആയി…
പല കാരണം കൊണ്ടും ആൾക്കാർക്ക് വട്ടായെന്നു കേട്ടിട്ടുണ്ട്, വിശപ്പു മൂത്തു വട്ടാകുന്നത് ഞാൻ ആദ്യായിട്ടാ കാണുന്നെ….
ഞാൻ വെറുതെ അവളെ ചൊറിഞ്ഞു…
വട്ടു നിന്റെ മാറ്റവൾക്കടാ….
അല്ല എനിക്കിതു തന്നെ വരണം… എന്തൊക്കെ തള്ള ഞാൻ തള്ളിയെ, അനൂപേട്ടൻ… അവന്റെ സിക്സ് പാക്ക് സ്റ്റീൽ ബോഡി, ആറടി പൊക്കം… ദൈവം അറിഞ്ഞെനിക്ക് പണി തന്നതാ..
ദിവ്യയുടെ വർത്തമാനം കേട്ടു ഞാൻ ഒരു വിധത്തിൽ ചിരി കടിച്ചു പിടിച്ചു നിന്നെങ്കിലും അവളുടെ അവസാനത്തെ ഡയലോഗിൽ ഞാൻ ചിരിച്ചു പോയി.
മനുഷ്യനിവിടെ വേദനയും വിശപ്പും കൊണ്ടു പണ്ടാരമടങ്ങിയിരിക്കുമ്പോളാ അവന്റെയൊരു കിളിക്കല്…. എത് നേരത്താണോ എനിക്കിവന്റെ കൂടെ ഇങ്ങോട്ട് കെട്ടിയെടുക്കാൻ തോന്നിയെ, നേരം വെളുത്തപ്പോൾ തൊട്ട് പണി കിട്ടാൻ തൊടങ്ങിയതാ…
എന്നും പറഞ്ഞു കൊണ്ടവൾ ഇടത്തെ കൈ കൊണ്ട് എന്റെ കവിളത്തു നല്ല പോലെ വേദനിപ്പിച്ചു ഒറ്റ പിച്ചല്…
എന്റെ കണ്ണിലൂടെ പൊന്നീച്ച പറന്നു….
കുറച്ചു നേരത്തേക്ക് ഞാനൊന്നും മിണ്ടിയില്ല….
എനിക്കു നല്ല പോലെ വേദനിച്ചെന്നു അവൾക്കു മനസിലായി.
ദിവ്യ എഴുന്നേറ്റ് കസേര വലിച്ചു എന്നോട് ചേർന്നിരുന്നു….
അനൂപേ ഡാ….
ഞാൻ ഒന്നും മിണ്ടാതെ കുനിഞ്ഞിരുന്നു…
അനൂപേട്ടാ… എന്റെ പൊന്നല്ലേ.. പോട്ടെ… ഞാൻ അപ്പോഴത്തെ വിഷമം കൊണ്ട് നുള്ളിപ്പോയതാ. നിക്ക് വിശന്നിട്ടു വയ്യടാ പൊന്നേ…നേരം വെളുത്തിട്ടു ഇതു വരെ ഞാനൊന്നും കഴിച്ചിട്ടില്ല….
അവളുടെ പറച്ചില് കേട്ട് എനിക്കു സങ്കടം വന്നു പോയി. ഞാൻ തല ഉയർത്തി ദിവ്യയെ നോക്കി. അവളുടെ കണ്ണ് നിറഞ്ഞിരുന്നു. ഞാൻ ചുറ്റും നോക്കി ദൂരെ നിന്നും നടന്നു വരുന്ന ഒരു കിളവൻ അല്ലാതെ അവിടെ വേറെ ആരും ഇല്ലായിരുന്നു. ഞാൻ കൈക്കുമ്പിളിൽ അവളുടെ മുഖം കോരിയെടുത്ത് ചുണ്ടത്ത് ഉമ്മ കൊടുത്തു.
അവൾ എന്നെ തള്ളി മാറ്റിയിട്ട് പേടിയോടെ ചുറ്റും നോക്കി….
വന്നു വന്നു സ്ഥലകാലബോധം ഇല്ലാതായോടാ പട്ടി നിനക്ക്….
ചുണ്ടു തുടച്ചുകൊണ്ട് ദിവ്യ എന്നോട് ചൂടായി.
നിനക്ക് ഓന്തിന്റെ സ്വഭാവം ആണോ മൈരേ…. ഒരു മിനിറ്റ് മുന്നേ ഏട്ടാ എന്ന് വിളിച്ച് സെന്റി അടിച്ചിട്ട് ഇപ്പൊ പട്ടീന്നോ.
ഞാനവളുടെ താടിക്കിട്ടൊരു തട്ടു വെച്ച് കൊടുത്തു.
