പിന്നെ തരുന്നത് മൊത്തം തിന്നില്ലെങ്കിൽ പിന്നെ തരുന്നത് ചോറായിരിക്കില്ല….
കഴിക്കുന്നതിനിടയിലെങ്കിലും ഈ വൃത്തികെട്ട വർത്താനം ഒന്നു നിർത്തിക്കൂടെ അനൂപേട്ടാ…പട്ടീ…..
അവൾ പിന്നെയും എന്തേലും പറയുമെന്ന് മനസിലായ ഞാൻ വേഗം പപ്പടം ചോറിൽ പൊടിച്ചു ചേർത്ത് ഒരു ഉരുള അവളുടെ വായിലേക്ക് വച്ചു കൊടുത്തു.
ദിവ്യ തല കുലുക്കിയിട്ട് എന്നെ കണ്ണടച്ച് കാണിച്ചു.
ഏട്ടാ….
എന്താടീ….
എടീന്നോ…. ഞാനിത്ര സ്നേഹത്തോടെ വിളിക്കുമ്പോൾ നിന്നക്കൊന്നു മൂളിയാൽ പോരെടാ…
അറിയാതെ പറഞ്ഞു പോയതാ മുത്തേ… സോറി…
ഓക്കേ… ഏട്ടാ..
ഉം…
അനൂപേട്ടാ….
ഞാൻ ഒന്നു മൂളിയായിരുന്നു…..
നീയിനി മൂളേണ്ട…. ങ്ങാ അതു പോട്ടെ…
പിന്നെ പ്ലസ് ടുവിനു പഠിക്കുമ്പോൾ തൊട്ട് എന്നെ ഇഷ്ടമായിരുന്നെന്നു പറഞ്ഞത് സത്യമായിരുന്നോ, അതോ വെറുതെ തള്ളിയതാണോ…
ദിവ്യ എന്റെ കണ്ണിലോട്ട് നോക്കി….
സത്യമായിരുന്നു…. അന്നും നിന്നെയെനിക്ക് ഒരുപാട് ഇഷ്ടമായിരുന്നീടി പൊട്ടിക്കാളി.
അവളുടെ ചുണ്ടത്തു പറ്റിയിരുന്ന കറി ഞാൻ വിരല് കൊണ്ടു തൂത്തു കൊണ്ട് പറഞ്ഞു.
പിന്നെന്താ അന്നേട്ടൻ എന്നോട് ഇഷ്ടമായിരുന്നെന്നു പറയാഞ്ഞേ.
അത് ഞാനിപ്പോ എന്താ പറയുക…. നീ നോ പറയുമെന്ന പേടിയാണോ വേറെ ആരോടെങ്കിലും നീ പറഞ്ഞാലോ അങ്ങനെ എന്തെക്കൊയോ.. ആ എനിക്കറിയില്ല…. പിന്നെ ഇന്നത്തെ പോലെയല്ലല്ലോ അന്ന് ഞാൻ. വലിയ ഗ്ലാമറും ലൂക്കും ഒന്നുമില്ലായിരുന്നല്ലല്ലോ…
ദാ അതു സത്യം… തലേൽ മുഴുവൻ എണ്ണയും വാരിതേച്ചു ചട്ടി കമഴ്ത്തിയാ പോലെ മുടിയും ചീകി, രണ്ടുപേർക്കു കേറാവുന്ന ഷർട്ടും ഇട്ടു വന്നിരുന്ന നിന്നെ ഞാൻ ഇപ്പോഴും ഓർക്കുന്നുണ്ട്. ലൂക്കും ഇല്ല പിന്നെ വല്ലതും പഠിക്കുവോ അതുമില്ല, സത്യം പറഞ്ഞാ അനൂപേട്ടാ അന്ന് നീ വെറും പാഴല്ല മരപ്പഴായിരുന്നു… അന്ന് വന്നു ഇഷ്ടമാണെന്ന് പറയാഞ്ഞത് വളരെ നന്നായി….
ദിവ്യയെന്നെ ഭിത്തിയിൽ തേച്ചൊട്ടിച്ചു.
ഞാൻ വലിയ ഒരു ഉരുള ഉരുട്ടി അവളുടെ വായിൽ ഇടിച്ചു കേറ്റി.
കുറച്ചു നേരത്തെക്കിനി മിണ്ടി പോകരുത്…..
ഞാനവളെ കണ്ണുരുട്ടി പേടിപ്പിച്ചു.
ദിവ്യയെന്നെ നോക്കി കണ്ണു കൊണ്ടു എന്തോ ആംഗ്യം കാണിച്ചു.
