ഇതു പറയുമ്പോഴേക്കും അവളുടെ കണ്ണ് നിറഞ്ഞു തുടങ്ങിയിരുന്നു. അവളുടെ മനസ്സിൽ ഉള്ളതെല്ലാം പറയട്ടെ എന്ന് വിചാരിച്ചു അവൻ മിണ്ടാതിരുന്നു.
“ഞാൻ ക്ലാസ്സിൽ ആരുടേയും കാര്യങ്ങൾ ശ്രദ്ധിക്കാറില്ലായിരുന്നു, ക്ലാസ് അത് കഴിഞ്ഞു റൂം.. അത് മാത്രമായിരുന്നു എന്റെ ലോകം. എപ്പോഴോ നിന്നെ ഞാൻ ശ്രദ്ധിക്കാൻ തുടങ്ങി, കാരണം നീയും രേഷ്മയും തമ്മിലുള്ള റിലേഷൻ ആയിരുന്നു, രേഷ്മയോടൊപ്പം അല്ലാതെ വളരെ ചുരുക്കം സമയം മാത്രേ ഞാൻ നിന്നെ കണ്ടിരുന്നുള്ളൂ, തകരാൻ പോകുന്ന ഒരു പ്രണയം എന്ന് കരുതി ആദ്യം നിങ്ങളോടു പുച്ഛം ആയിരുന്നു എനിക്ക്. പിന്നീട് ഞാൻ അറിഞ്ഞു നിങ്ങൾ തമ്മിൽ ചെറുപ്പം മുതൽ അറിയാവുന്നതാണ് നിന്നാണ് തമ്മിൽ സൗഹൃദം മാത്രമേ ഉള്ളെന്നു. എനിക്ക് പിന്നീട് രേഷ്മയോട് അസൂയ ആണ് തോന്നയത്.. ഞാൻ ആഗ്രഹിച്ചിരുന്ന എന്നാൽ എനിക്ക് ഒരിക്കലും ലഭിച്ചിട്ടില്ലാത്ത ഒരു ജീവിതം ആണ് അവളുടേത്‌. നീ അവൾക് നൽകുന്ന ഒരു കേറിങ് നിന്നിൽ നിന്ന് എനിക്ക് കിട്ടാൻ ഞാൻ എന്ത് മാത്രം കൊതിച്ചിട്ടുണ്ടെന്നോ. ഞാൻ നിന്നോട് അടുക്കാൻ ശ്രമിച്ചപ്പോഴൊക്കെ നീ അകന്നു മാറിട്ടെ ഉള്ളു.”
അവൻ അവളുടെ കണ്ണുനീർ തുടച്ചു കൊണ്ട് പറഞ്ഞു.
“എന്തിനാ നീ കരയുന്നതു, ഞാൻ ഇപ്പോൾ നിന്നോടൊപ്പം ഇല്ലേ..?”
