“എങ്കിൽ അച്ഛൻ വിവരമറിയും “എന്ന് പറഞ്ഞ് ഞാൻ ബൈക്ക് മുന്നോട്ട് പറത്തി.
അച്ഛനോട് അവർ എന്തോ സംസാരിക്കുന്നത് ഞാൻ ബൈക്കിന്റെ കണ്ണാടിയിലൂടെ കണ്ടു. എന്തായാലും ഉള്ളിലെ ദേഷ്യം അച്ഛന്റെ മുൻപിൽ അവർ ചമ്മിയപ്പോൾ തന്നെ മാറി.
” ഇനി അമ്മയോട് എന്തും പറയും ” എന്നാലോചിച്ച് ഞാൻ ബൈക്ക് മുന്നോട്ട് പായിച്ചു.
ബൈക്ക് വീടിനു മുന്നിൽ നിർത്തി. കതക് തുറന്നു കിടക്കുന്നു.
“ദൈവമേ !അമ്മ നേരത്തെ എത്തിയോ? ”
ഞാൻ ആത്മഗതം പറഞ്ഞതാണെങ്കിലും അത് എന്റെ വായിൽ നിന്ന് പുറത്തു വന്നു.
ഞാൻ പതിയെ അകത്ത് കയറി സ്റ്റെപ്പ് വഴി രണ്ടാം നിലയിലേക്ക് കയറാൻ ഒരുങ്ങിയതും.
“എന്താ മോനേ പൂച്ചയെ പോലെ പതുങ്ങി പോകുന്നേ .”
അമ്മ എന്നെ കണ്ടു എന്ന് എനിക്ക് മനസ്സിലായി.
“നിന്റെ കവിളെന്താ ചുവന്നു കിടക്കുന്നേ?”
” ഒന്നുമില്ല അമ്മേ”
“ടാ …… സത്യം പറയടാ ആരോടെങ്കിലും തല്ലുണ്ടാക്കിയോ ? തന്ത പോലീസാണെന്നുള്ള അഹങ്കാരമാണാ നിനക്ക് ?.”
അമ്മ ചൂടായി … ഞാൻ നടന്ന കാര്യങ്ങൾ പറഞ്ഞു.
“ഹാ ഹാ … ” അമ്മ പൊട്ടിചിരിക്കുന്നതാണ് ഞാൻ കണ്ടത്.
“ഒന്നുമില്ലങ്കിലും നിനക്ക് ഒരടിയുടെ ആവശ്യമുണ്ടായിരുന്നു. ആള് മാറിയിട്ടാണെങ്കിലും നിനക്ക് ആ കൊച്ച് തന്നത് നന്നായി. ”
” അമ്മേ …” ഞാൻ അപേക്ഷ ഭാവത്തിൽ വിളിച്ചു.
“എങ്ങനെ ഉണ്ടടാ ആ കൊച്ച് കാണാൻ കൊള്ളാവോ ?” അമ്മ എന്നോട് കളിയാക്കി കൊണ്ട് ചോദിച്ചു.
“എന്തിനാ കല്യാണം ആലോചിക്കാനോ?” ഞാൻ ദേഷ്യത്തിൽ ചോദിച്ചു.
“‘അങ്ങനെയെങ്കിലും നീ ഒന്ന് കെട്ടി കണ്ടാൽ മതി .”
” ഞാൻ ഫ്രീ ആയി ജീവിക്കുന്നത് കണ്ടിട്ട് സഹിക്കുന്നില്ല അല്ലേ ” ഞാൻ ചിരിച്ചു കൊണ്ട് പറഞ്ഞു.
പിന്നെ ഞാനവിടെ നിന്നില്ല വേഗം റൂമിലെത്തി.
നേരെ ബെഡിൽ മുഖം പൂഴ്ത്തി .
“ർ ർ ർ ർ………”
മൊബൈൽ റിംഗ് ചെയ്ത സൗണ്ട് കേട്ടാണ് ഞാൻ ഉണർന്നത്. ഞാൻ കോള് എടുത്തു.
“മച്ചാനെ ഞാനാ അബു .നാളെ ഒരു റൈഡ് പോകുന്നുണ്ട് മച്ചാൻ വരുന്നുണ്ടോ ? പുതിയ പിള്ളേരെം കൊണ്ടാ പോകുന്നേ.”
