“…ഉച്ചയ്ക്ക് ഊണിന്റെ നേരാവുമ്പോ തിരിച്ചു വന്നോട്ടോ ദേവട്ടാ… അച്ഛന്‍റെ കയ്യില് ഒരാള്‍ക്കുള്ളതേ കാണൂ… അതിന്റെ പങ്ക് പറ്റാന്‍ നിക്കണ്ട…” മീനുവിന്റെ വീടിനു താഴെ റോഡില്‍ അവളിറങ്ങി, ഞാന്‍ പോകാനൊരുങ്ങുമ്പോള്‍ ഒരു ഭാര്യയുടെ കരുതലോടെ അവളങ്ങനെ പറഞ്ഞത് എന്റെ മനസ്സിനെ കുളിരണിയിച്ചു… ഇപ്പോഴും അജുവിനെ പൂര്‍ണ്ണമായി മറക്കാന്‍ കഴിഞ്ഞിട്ടില്ലെങ്കിലും… അവള്‍ക്ക് ഞാനാരോക്കെയോ ആണ് എന്നെനിക്ക് തോന്നി..
ഫാമിലെത്തി അച്ചന്റെയൊപ്പം മുണ്ടും മുറുക്കിയുടുത്ത് ഞാനും പണികളില്‍ സഹായിച്ചതില്‍ അച്ഛനു വല്യ സന്തോഷമായി… അജുവുമായി അനുവിന്റെ വിവാഹം തീരുമാനിക്കാനുണ്ടായ സാഹചര്യങ്ങളെക്കുറിച്ച് അച്ഛനില്‍ നിന്നും അറിയാന്‍ കൂടി വേണ്ടിയാണ് ഞാന്‍ ഫാമില്‍ പോയത്… വിളകള്‍ക്കിടയിലെ കളപറിക്കാനും, തെങ്ങിന് തടമെടുക്കാനുമൊക്കെ അച്ഛനെ സഹായിക്കുന്നതിനിടയില്‍ ആ കാര്യങ്ങളൊക്കെ ഞാന്‍ ചോദിച്ചറിയുകയും ചെയ്തു… അവരുടെ കല്യാണംവരെ നടന്ന കാര്യങ്ങള്‍ അച്ഛന്‍ പറയുമ്പോഴും അജുവിനെ ഇനി കണ്ടെത്തുന്നതൊന്നും പുള്ളിക്ക് ഒരു വിഷയമേ അല്ല എന്ന് തോന്നി.. അജുവിനു പകരം ഞാന്‍ അനുവിനെ വിവാഹം ചെയ്തതാണ് പുള്ളിക്ക് കൂടുതല്‍ സന്തോഷമായത് എന്ന് അദ്ദേഹത്തിന്‍റെ വാക്കുകളില്‍ വ്യക്തമായിരുന്നു.
എന്നാല്‍ വിവാഹംവരെ നടന്ന സംഭവങ്ങളെക്കുറിച്ച് അച്ഛന്‍ പറഞ്ഞ കാര്യങ്ങള്‍ എന്റെ അതുവരെയുള്ള പല സംശയങ്ങളും പരിഹരിക്കാന്‍ പോന്നതായിരുന്നു.. എന്നാല്‍ കല്യാണം മുടക്കി അജു മുങ്ങാനുണ്ടായ കാരണത്തെക്കുറിച്ച് പുതിയ സംശയങ്ങള്‍ ഉണ്ടാവുകയും ചെയ്തു… അതില്‍ എടുത്ത് നിന്നത് അതുവരെ കളത്തിലില്ലാതിരുന്ന, അല്ലെങ്കില്‍ ഉള്ളതായി എനിക്കറിയാതിരുന്ന പുതിയ ഒരാളെക്കുറിച്ച് അച്ഛന്‍ പറഞ്ഞ കാര്യങ്ങളായിരുന്നു… വിവാഹത്തിനു മണിക്കൂറുകള്‍ മാത്രം ബാക്കി നില്‍ക്കെ അജു ആരോടും ഒന്നും പറയാതെ ഇങ്ങനെ പോകാനുണ്ടായ കാരണം അവനല്ലാതെ അറിയാന്‍ സാധ്യതയുള്ളത് അയാള്‍ക്കാവും എന്നെനിക്ക് തോന്നി… കാരണം അതുവരെ ഈ കല്യാണക്കാര്യത്തില്‍ പ്രധാനിയായി നിന്ന അയാളും അന്ന് കല്യാണത്തില്‍ പങ്കെടുത്തിരുന്നില്ല… അതിന് പ്രത്യേകിച്ചൊരു കാരണം ഉള്ളതായി അച്ഛനും അറിയില്ലായിരുന്നു…
“…താഴെവരെ വന്നിട്ട് നീയെന്താടാ ഇങ്ങോട്ട് കേറാതെ പോയെ…??” ഉച്ചയോടെ ഫാമില്‍ നിന്നും മീനുവിന്റെ വീട്ടില്‍ ചെന്നു കേറിയ പുറകേ ആ വലിയ വയറുംതാങ്ങി അവളെന്റെ കൈത്തണ്ടയില്‍ നല്ലൊരു അടിതന്നു..
“…പെണ്ണൊക്കെ കെട്ടിയപ്പോ നമ്മടെ വീട്ടിലൊക്കെ വരാന്‍ സാറിനെവെടാ നേരം…” എനിക്ക് കുടിക്കാന്‍ സ്ക്വാഷുമായി വന്ന വാവയും എന്നെ വാരി.
“…അതിനു എന്റെ പെങ്ങമ്മാരെ കാണാന്‍ വരുമ്പോ ചുമ്മാ വരാന്‍ പറ്റുവോടീ… അതുകൊണ്ട് ഞാന്‍ കുറച്ച് സാധങ്ങളൊക്കെ മേടിക്കാന്‍ പോയതല്ലേ…” അവര്‍ക്കായി ഞാന്‍ കൊണ്ടുവന്ന പഴങ്ങള്‍ വാവയുടെ കൈയില്‍ കൊടുത്തോണ്ട് ഞാന്‍ പറഞ്ഞു..
“…ങ്ങ്ഹാ… കണ്ടു പഠിക്കടീ പോത്തേ… ഏട്ടന്‍ വന്നപ്പോ ഞങ്ങക്ക് എന്തൊക്കെയാ കൊണ്ടോന്നേന്നു… നീയാണേ കൈയും വീശി ഇങ്ങു പോന്നില്ലേ..?? ഇവടൊരാള് വൈറ്റീക്കണ്ണിയായിട്ട് ഇരിപ്പാന്നു വല്ല വിചാരോണ്ടോ നെനക്ക്…” വാവ അതും പറഞ്ഞ് അനുവിനെ പിടിച്ചുന്തി.. വീഴാതിരിക്കാന്‍ അനു എന്റെ തോളില്‍ പിടിച്ചതും അവളുടെ ഇടത്തെ മുല എന്റെ കൈമുട്ടില്‍ അമര്‍ന്നു… പഞ്ഞിക്കുടംപോലെയുള്ള ആ മാര്‍ക്കുടത്തിന്റെ സ്പര്‍ശന സുഖം ഞാനാദ്യമായി അറിഞ്ഞു.. പെട്ടന്നങ്ങനെ സംഭവിച്ചതില്‍ വാവയും മീനുവും കേള്‍ക്കാതെ എന്നോട് സോറി പറഞ്ഞ അനുവിന്റെ മുഖം ചെന്താമരയാകുന്നത് ഞാന്‍ കണ്ടു.. അല്‍പ്പം ബ്രൌണിഷായ അവളുടെ മരതകമിഴികളില്‍ നാണം കൂട് കൂട്ടി… എന്നാല്‍ പെട്ടന്ന്‍ ഭാവംമാറ്റി അവള്‍ വാവയെ തല്ലാന്‍ ഓങ്ങി… വാവ അവള്‍ക്ക് പിടി കൊടുക്കാതെ അപ്പുറത്തേയ്ക്ക് ഓടി.. പുറകെ അനുവും.
