മഞ്ജുസ് ചിരിയോടെ പറഞ്ഞു .
“ആഹ്..അത് ശരിയാ ..ഒക്കെ പോയി തുടങ്ങി…കിളവി ആയില്ലേ …”
ഞാൻ അവളെ കളിയാക്കികൊണ്ട് പുരികങ്ങൾ ഇളക്കി . അതോടെ മഞ്ജുസിന്റെ മുഖം മാറി . എന്നെ തുറിച്ചൊന്നു നോക്കികൊണ്ട് അവള് കാറിത്തുപ്പുന്ന പോലെ ഭാവിച്ചു ശബ്ദം ഉണ്ടാക്കി .
“ക്രാആഫ്ഫ്ഫ് ….”
തൊണ്ട കാറി അവള് ശബ്ദം ഉണ്ടാക്കിയതും ഞാൻ സുല്ലിട്ടു .
“എടി എടി ചതിക്കല്ലേ മോളെ ..വേണ്ട പ്ലീസ് ..പ്ലീസ് …ഞാൻ ചുമ്മാ പറഞ്ഞതാ ..”
അവളെ നമ്പാൻ പറ്റാത്തതുകൊണ്ട് ഞാൻ ചിണുങ്ങി ചിരിച്ചു . അതോടെ തുപ്പാൻ വന്നത് വിഴുങ്ങികൊണ്ട് അവളെന്റെ തലക്കിട്ടൊന്നു കിഴുക്കി .
“പോടാ പട്ടി…”
അവളെന്നെ നോക്കി പല്ലിറുമ്മി . അതോടെ അവളുടെ മടിയിലെ കിടത്തം അവസാനിപ്പിച്ചുകൊണ്ട് ഞാൻ എഴുനേറ്റു . പിന്നെ അവളെയും കെട്ടിപിടിച്ചുകൊണ്ട് ബെഡിൽ കിടന്നു കൊറച്ചു നേരം കൂടി പിറുപിറുത്തു .അതിനിടക്കെപോഴോ മഞ്ജുസ് ആദ്യം ഉറങ്ങിപ്പോയി . പിന്നീടെപ്പോഴോ ഞാനും .
പിറ്റേന്ന് ഉറക്കം ഉണർന്നു താഴെ എത്തുമ്പോഴാണ് അച്ഛനെയും അമ്മയെയുമൊക്കെ കാണുന്നത് . ഞാൻ വന്ന വിവരം മഞ്ജുസ് എല്ലാരേയും അറിയിച്ചിരുന്നെങ്കിലും മുഖാമുഖം കാണുന്നത് പിറ്റേന്നത്തെ ദിവസമായിരുന്നു .
സ്വല്പം വൈകിയാണ് ഞാൻ എഴുന്നേറ്റത് . മഞ്ജുസ് എഴുന്നേറ്റു പോയതും പിള്ളേര് ഉണർന്നതൊന്നും ഞാൻ വ്യക്തമായി ഓർക്കുന്നുപോലുമില്ല . റോസിമോളെ മഞ്ജുസ് എടുത്തുകൊണ്ടുപോകുന്ന നേരത്തു പെണ്ണ് എന്നെ കണ്ടു “ചാ ച്ചാ” എന്ന് കൈകൊട്ടി ചിരിക്കുന്നത് അവ്യക്തമായി ഓർമയിലുണ്ട് .എന്നാൽ നല്ല ഉറക്കം പിടിച്ച നേരമായതുകൊണ്ട് ഞാൻ റോസിമോളെ പോലും മൈൻഡ് ചെയ്തില്ല .
അതൊക്കെ ഓർത്തുകൊണ്ടാണ് ഞാൻ താഴേക്കിറങ്ങിയത് . അവധി ദിവസം ആയതുകൊണ്ട് അഞ്ജു ഹാളിലെ സോഫയിൽ ഇരുന്നു ടി.വി കാണുന്നുണ്ട് . എന്റെ പുത്രനെ മടിയിൽ വെച്ചുകൊണ്ടാണ് അവളുടെ ഇരിപ്പ് . ആദി കുറുമ്പൊന്നും കാണിക്കാതെ അടങ്ങി ഒതുങ്ങി ഇരിക്കുന്നുമുണ്ട് . എന്നെ കണ്ടിട്ടും ചെക്കന് വല്യ മൈൻഡ് ഒന്നുമില്ല .
“ഡാ ചെക്കാ..നിന്റെ അച്ഛൻ അതാ ..”
ഞാൻ സ്റ്റെപ്പുകൾ ഇറങ്ങി വരുന്നത് കണ്ട അഞ്ജു ആദിയെ എന്റെ നേരെ പിടിച്ചുകൊണ്ട് പറഞ്ഞു .
“ഇന്നലെ എപ്പോ എത്തി ?”
അതോടൊപ്പം അവളെന്നോട് അന്വേഷണം തിരക്കി .
“നട്ടപാതിരാ ആയെടി …”
ഞാൻ അതിനു ചിരിയോടെ മറുപടി നൽകികൊണ്ട് അവരുടെ അടുത്തേക്ക് ചെന്നു .
“അച്ഛൻ എന്തിയെടി ?”
ഞാൻ അഞ്ജുവിന്റെ അടുത്തേക്ക് സോഫയിലേക്കിരുന്നുകൊണ്ട് ചോദിച്ചു .
“കടയിൽ പോയതാ ..എന്തോ വാങ്ങാൻ ഉണ്ടെന്നു പറഞ്ഞു . റോസ് മോളും കൂടെ പോയിട്ടുണ്ട് ”
