“കവി….”
അഞ്ജുവിനോടുള്ള ദേഷ്യം പല്ലിറുമ്മിക്കൊണ്ട് മഞ്ജുസ് എന്റെ ദേഹത്ത് തീർത്തു . ഷോർട്സ് ഇട്ടു സോഫയിൽ ഇരുന്ന എന്റെ തുടയിൽ ശരിക്കൊന്നു നുള്ളികൊണ്ട് മഞ്ജുസ് കണ്ണുരുട്ടി .
“അആഹ്…എടി ….പൂ …”
അവൾ നുള്ളിയ വേദനയിൽ ഞാൻ പരിസരം മറന്നു എന്തോ പറയാൻ വന്നെങ്കിലും അമ്മച്ചി ആ നേരത്തു തിരിച്ചെത്തിയതുകൊണ്ട് മുഴുവനായിട്ടങ്ങു വിഴുങ്ങി .
“നാണമില്ലല്ലോ ഇതിനെ ഇങ്ങനെ സഹിക്കാൻ ഹി ഹി ”
വേദന എടുത്തു ദേഷ്യപ്പെട്ടിരിക്കുന്ന എന്നെ നോക്കി അഞ്ജു ചിരിച്ചു .
“നീ കൂടുതൽ ഇളിക്കണ്ട പെണ്ണെ ..”
ഞാൻ അവളുടെ കയ്യിൽ പിച്ചി വലിച്ചുകൊണ്ട് എന്റെ ദേഷ്യം അവളുടെ മീതെ തീർത്തു .
“അആഹ്….ഡാ തെണ്ടി ….ഹ്ഹ്ഹ് ”
എന്റെ നുളളിൽ പിടഞ്ഞുകൊണ്ട് അഞ്ജു എരിവ് വലിച്ചു . അത് കണ്ടിട്ടെന്നോണം മഞ്ജുസ് ഹാപ്പി ആയി ചിരിക്കുന്നുണ്ട് .
“അങ്ങനെ വേണം മോളെ…”
മഞ്ജുസ് ആരോടെന്നില്ലാതെ പറഞ്ഞു
“കണ്ണാ ..വേണേൽ വന്നു കഴിക്ക്…”
ഞങ്ങളുടെ കോപ്രായമൊക്കെ കണ്ടു നിന്ന അമ്മ അതിനിടക് സ്വരം ഉയർത്തി .
“ദാ വരണൂ അമ്മാ ..ഇവറ്റകള് സ്വൈര്യം തരണ്ടേ …”
ഞാൻ സോഫയിൽ നിന്നും എഴുനേറ്റുകൊണ്ട് പല്ലിറുമ്മി . പിന്നെ ഡൈനിങ് ടേബിളിനു അടുത്തേക്ക് നടന്നു നീങ്ങി . എനിക്കുള്ള ഭക്ഷണം ഒകെ വിളമ്പിത്തന്ന ശേഷം അമ്മ തിരികെ മടങ്ങി . അമ്മക്ക് ഇനി തുണി അലക്കാനുള്ള പ്രോഗ്രാംസ് ഉണ്ട് !
അമ്മച്ചി രംഗം വിട്ടതോടെ അഞ്ജുവും മഞ്ജുസും പിന്നെയും ഓരോന്ന് പറഞ്ഞു ചൊറി തുടങ്ങി . മഞ്ജുസിന്റെ കയ്യിലിരുന്ന ആദിയെ കൈനീട്ടി വാങ്ങാൻ അഞ്ജു ശ്രമിച്ചതും അവള് സ്വല്പം വെയ്റ്റ് ഇട്ടു .
“വാടാ അപ്പൂസേ…മ്മക്ക് റ്റാറ്റാ പോവാം …നിന്റെ അമ്മ ചീത്തയാ ”
അഞ്ജു ചിണുങ്ങിക്കൊണ്ട് ചെറുക്കന്റെ നേരെ കൈനീട്ടി .
“ഡീ ..പോടീ ..നീ എന്റെ കൊച്ചിനെ തൊടണ്ട ..”
അഞ്ജുവിന്റെ ഡയലോഗ് കേട്ടതും മഞ്ജു അവളുടെ കൈതട്ടിക്കളഞ്ഞു .അതോടെ അഞ്ജുവും വെച്ചുകെട്ടാൻ തുടങ്ങി .
“ആരുടെ കൊച്ചു ?”
അഞ്ജു മുഖം വക്രിച്ചുകൊണ്ട് ഒന്നാക്കിയ പോലെ മഞ്ജുസിനെ നോക്കി .
“എന്റെ .!! എന്താ സംശയം ഉണ്ടോ ? ഇനി ഉണ്ടെങ്കിലും നീ എന്റെ കുട്ടിയെ തൊടാൻ വരണ്ട ”
മഞ്ജുസ് ഗൗരവത്തിൽ തന്നെ പറഞ്ഞു .
“ഓ പിന്നെ ..അത് മഞ്ജു വാര്യര് ഒറ്റയ്ക്ക് തീരുമാനിച്ച പോരല്ലോ ..”
അഞ്ജുവും വിട്ടുകൊടുക്കാതെ തട്ടിവിട്ടു .
