ഞാൻ അവളുടെ സ്വഭാവം ഓർത്തു തലചൊറിഞ്ഞു .
“സോറി മാൻ…നീ സീരിയസ് ആക്കല്ലേ ”
എന്റെ മറുപടി കേട്ട് അവള് ചിണുങ്ങി .
“ഹ്മ്മ്..അപ്പൊ എന്താ പ്രെശ്നം ? അഞ്ജു ആയിട്ട് ഉടക്കിയോ ? അതോ പിള്ളേര് വാശിയിൽ ആണോ ?”
ഞാൻ സംശയത്തോടെ ചോദിച്ചു .
“ഒന്നും ഇല്ലെടാ..മൂഡ് ശരി അല്ല അത്രേ ഉള്ളു . കോളേജിലും ഇന്ന് അത്ര നല്ല ദിവസം ആയിരുന്നില്ല . പിന്നെ ആകെക്കൂടി ഒരു പൊകച്ചില് ആണ് ”
മഞ്ജുസ് അർഥം വെച്ച് തന്നെ പറഞ്ഞു .
“ഹ്മ്മ്….മനസിലായി …”
ഞാൻ ചിരിയോടെ മറുപടി പറഞ്ഞു . അവൾക്കു പിരീഡ്‌സ് ആണെന്ന് സാരം . ആ ടൈമിൽ കക്ഷി പൊതുവെ കുറച്ചു ആംഗ്രി ബേർഡ് ആണ് ! നിസാര കാര്യത്തിന് വരെ ചൂടാവും .അവള് ഒരിക്കല് ഇങ്ങനെ ഉള്ള സമയത്തു ബെഡിൽ ചുരുണ്ടു കിടക്കുന്നതു കണ്ടു ഞാൻ ഒന്ന് റൊമാൻസ് കളിയ്ക്കാൻ പോയ അനുഭവം എന്റെ മുൻപിൽ ഉണ്ട് .
കല്യാണം കഴിഞ്ഞ അവസരത്തിൽ ആയിരുന്നു അത് . വയറു വേദനയും മറ്റു പ്രേശ്നങ്ങളുമൊക്കെ ആയി കക്ഷി കിടക്കുമ്പോഴാണ് ഞാൻ ചെന്നു കേറിയത് .ബെഡിൽ ചെരിഞ്ഞു കിടന്ന അവളുടെ അടുത്തേക്ക് ചാടിക്കയറി ഞാൻ അവളെ കെട്ടിപിടിച്ചു കഴുത്തിൽ അമർത്തി ചുംബിച്ചു .
“എന്താ കിടക്കുന്നെ ?”
ഞാൻ അന്ന് വളരെ നിഷ്കളങ്കമായി തന്നെ ചോദിച്ചു .
“കിടക്കാൻ തോന്നിയിട്ട് ..”
അവളും മാന്യമായി റിപ്ലൈ തന്നു .
“ഈ നേരത്തോ ?”
ഞാൻ സംശയത്തോടെ ചോദിച്ചു .
“കിടക്കാൻ അങ്ങനെ നേരം കാലവും ഒക്കെ ഉണ്ടോ ?”
ഇത്തവണ അവളുടെ സ്വരം ഒന്ന് മാറി .
“അല്ല…കിടക്കുന്ന കണ്ടപ്പോ ചോദിച്ചെന്നെ ഉള്ളു ..അതിനിങ്ങനെ നോക്കി പേടിപ്പിക്കുന്നതിനു എന്തിനാ ?”
അവളുടെ നോട്ടം കണ്ടു ഞാൻ പിറുപിറുത്തു .
“എന്റെ കവി..എനിക്ക് വയറു വേദനിച്ചിട്ട് വയ്യ ..അതോണ്ട് കിടന്നതാ..ഹോ ..”
അവള് തലയ്ക്കു കൈകൊടുത്തുകൊണ്ട് എന്നെ കടുപ്പിച്ചൊന്നു നോക്കി . ഞാൻ കുത്തി കുത്തി ഓരോന്ന് ചോദിക്കുന്നതിലുള്ള ദേഷ്യമാണ് മെയിൻ കാരണം !
“അത് നീ വാരിവലിച്ചു ഓരോന്ന് തിന്നിട്ടാവും..തീറ്റ കുറക്കെടി മിസ്സെ ..”
ഞാൻ കൊഞ്ചിക്കൊണ്ട് സിറ്റുവേഷൻ ഒന്ന് കോമഡി ആക്കാൻ നോക്കി അവളെ കെട്ടിപിടിച്ചു . പക്ഷെ അവളുടെ കയ്യിന്നു എനിക്ക് നല്ലൊരു നുള്ളൽ ആണ് സമ്മാനമായി കിട്ടിയത് !
