ഹാളിലെ ക്ളോക്കിൽ നോക്കികൊണ്ട് ഞാൻ ചിരിക്കാനായി ശ്രമിച്ചു .
“നീ കൂടുതൽ ചിരിക്കണ്ട….”
എന്റെ ഇളികണ്ടു മഞ്ജുസ് ചൂടായി . പിന്നെ സ്വല്പം ദേഷ്യത്തോടെ റോസ് മോളെ എന്റെ കയ്യിൽ നിന്നും പറിച്ചെടുത്തു . അതാഗ്രഹിച്ചെന്ന പോലെ പെണ്ണും അവളുടെ ഒക്കത്തേക്ക് ചാടി .
“അ ..മ്മ ”
മഞ്ജുസിന്റെ കൈകാലിരുന്നുകൊണ്ട് റോസ്‌മോള് അവളുടെ കവിളിൽ ചുംബിച്ചു . പിന്നെ പയ്യെ അവളുടെ അമ്മിഞ്ഞയുടെ പുറത്തു ഞെക്കി .
“കവി …നീ പിള്ളേരെക്കാൾ ചെറിയ കുട്ടി ആവല്ലേ ട്ടോ ..നിന്നോട് ഞാൻ …..”
മഞ്ജുസ് ശബ്ദം ഉയർത്തി പല്ലിറുമ്മി . പക്ഷെ അത് അഞ്ജുവും അമ്മയും എങ്ങാനും കേൾക്കുമോ എന്നപേടിയിൽ അവളൊന്നു നിർത്തി . പിന്നെ സ്വരം താഴ്ത്തികൊണ്ട് എന്നെ നോക്കി ചീറ്റി.
“നിന്നോട് ഞാൻ ആയിരം വട്ടം പറഞ്ഞിട്ടുണ്ട് ഉണ്ണിയെ എടുത്ത് കളിയ്ക്കാൻ പോകരുതെന്ന് ..നിന്റെ പോലെയാണോ ഇത് ? നിന്റെ ഫോൺ എവിടെ ?”
മഞ്ജുസ് എന്നെ നോക്കി കണ്ണുരുട്ടി .
“എടി മഞ്ജുസേ ..നീയിങ്ങനെ തുള്ളല്ലേ ..ഒന്ന് ക്ഷമിക്കേടോ ”
ഞാൻ അവളുടെ ദേഷ്യം ഒന്ന് കുറക്കാൻ വേണ്ടി ചിണുങ്ങി .
“കവി തമാശ ഒക്കെ പിന്നെ മതി..നിനക്കു ഫോൺ എടുത്തു കയ്യിൽ പിടിച്ചൂടേ ? അല്ലേൽ പോട്ടെ ,മോളെ ഇവിടെ കൊണ്ടുവന്നാക്കിയിട്ട് നിനക്ക് തെണ്ടാൻ പൊയ്ക്കൂടേ.”
മഞ്ജുസ് എന്നെ നിർത്തിപൊരിച്ചുകൊണ്ട് പല്ലിറുമ്മി .
“എടി ഞാനൊന്നു അകത്തേക്ക് കേറിക്കോട്ടെ..നമുക്ക് സ്വസ്ഥമായിട്ട് പറയാം..പ്ലീസ് … ”
ഞാൻ അവളെ നോക്കി തൊഴുതു .
“നീ കൂടുതൽ ഷോ കാണിക്കുവൊന്നും വേണ്ട …എന്താന്നുവെച്ചാൽ ചെയ്യ് ..”
മഞ്ജുസ് തീർത്തു പറഞ്ഞുകൊണ്ട് അകത്തേക്ക് കയറി . പിന്നെ റോസിമോള്ക്കുള്ള ഫുഡ് കൊടുക്കാനായി ഡൈനിങ് ഹാളിലേക്ക് നീങ്ങി .
ഞങ്ങളുടെ പിണക്കം എക്സ്പെക്ടറ് ചെയ്തതുകൊണ്ടോ എന്തോ അഞ്ജുവും അമ്മയും ആ സമയത് രംഗപ്രവേശം ചെയ്തില്ല . അല്ലെങ്കിൽ അമ്മയുടെ വായിലിരിക്കുന്നത് കൂടി കേട്ടേനെ .
“എടി എനിക്കുള്ളത് കൂടി വിളമ്പിക്കോ ..ഇപ്പൊ വരാം ”
ഞാൻ മഞ്ജുസ് റോസിമോള്ക്കുള്ള ഭക്ഷണം കൊടുക്കുന്നത് നോക്കി പയ്യെ പറഞ്ഞു .
“വേണേൽ വന്നു എടുത്തു കഴിച്ചോ ..എനിക്കൊന്നും വയ്യാ ”
മഞ്ജുസ് അതിനു ഒഴുക്കൻ മട്ടിൽ മറുപടി നൽകി.
അതിനു ഞാൻ പിന്നെ തിരിച്ചൊന്നും പറയാൻ നിന്നില്ല. നേരെ റൂമിൽ ചെന്നു കുളിച്ചു റെഡി ആയി താഴേക്കിറങ്ങി . ആദികുട്ടൻ സുഖമായി ഞങ്ങളുടെ റൂമിലെ തൊട്ടിലിൽ കിടന്നു മയങ്ങുന്നുണ്ട് . കുളിക്കാൻ പോകും നേരം
