“ഇരിക്കെടാ അവിടെ ..നീ എവിടേം പോണില്ല . ഇതിനൊരു തീരുമാനം ഉണ്ടാക്കീയിട്ട് സാറ് ഇവിടുന്നു പോയ മതി . എപ്പോഴും തമാശ കളിക്കാനും നിന്റെ കൂടെ തുള്ളാനും എന്നെ കിട്ടില്ല ”
മഞ്ജുസ് കട്ടായം പറഞ്ഞു എന്നെ നോക്കി ദഹിപ്പിച്ചു .
“മഞ്ജുസേ..ഞാൻ ..നീ എന്തോന്നാ ഈ പറയുന്നേ..”
ഞാൻ സഹികെട്ടു എന്തൊക്കെയോ പറഞ്ഞു . ഒരു കരച്ചിലിന്റെ വക്കോളം എത്തിയതുകൊണ്ട് എനിക്ക് വാക്കുകളൊക്കെ ഇടറി തുടങ്ങി .
“ഞാൻ പറഞ്ഞതൊക്കെ മലയാളത്തിൽ തന്നെയാ , അത് നേരാണോ അല്ലയോ എന്ന് നിന്റെ വായിന്നു ഒന്ന് കേട്ടാൽ മതി . ഇതെന്തു തരം കുത്തിക്കഴപ്പ് ആണെന്ന് എനിക്കും അറിയണമല്ലോ..”
അവൾ ഇരുന്നു കത്തികയറി എന്നെ ഇട്ടു കൊല്ലാകൊല ചെയുവാണ് .
“മഞ്ജുസേ ഞാൻ ആർക്കും വിളിച്ചിട്ടില്ല..അത് ശ്യാമാ ..”
ഒടുക്കം ഞാൻ നുണ പറഞ്ഞു പിടിച്ചു നിൽക്കാം എന്ന് കരുതി ഒരു നമ്പർ ഇട്ടു നോക്കി .
“ഓ ..ഇനിയിപ്പോ ഇത് ഞാൻ വിശ്വസിക്കണമായിരിക്കും അല്ലെ ..ഹ്മ്മ് …”
മഞ്ജുസ് എന്നെ ഒരു പുച്ഛത്തോടെ നോക്കി മുഖം തിരിച്ചു .
“മഞ്ജുസേ…പ്ലീസ് ..സത്യമായിട്ടും..നീ ചുമ്മാ ..”
ഞാൻ ഒന്ന് കൊഞ്ചി സോപ്പിട്ടു നോക്കി .
“ചുമ്മാ ഒന്നുമല്ല..അങ്ങനെ എന്റെ മോൻ വിചാരിക്കുവേം വേണ്ട. എന്നാൽ നിന്റെ ഫോൺ ഇങ്ങു താ..ആ സമയത് നീ ആർക്കാ വിളിച്ചേന്നു നമുക്ക് രണ്ടുപേർക്കും ഒരുമിച്ചു നോക്കാം..എന്താ ?”
അവൾ ചോദ്യ ഭാവത്തിൽ എന്നെ നോക്കി കയർത്തു . അതോടെ ഇനി ഒരു രക്ഷയും ഇല്ലെന്നു എനിക്ക് ബോധ്യം ആയി .ഞാൻ ഒന്നും മിണ്ടാതെ തല താഴ്ത്തി ഇരുന്നു .പിടിക്കപ്പെട്ടോ ? !!
“എന്താ മോനെ നിന്റെ നാക്കു ഇറങ്ങി പോയോ ? അല്ലേൽ ഒരു മുഴം നീളം ആണല്ലോ ?”
മഞ്ജുസ് എന്നെ പുച്ച്ചതോടെ നോക്കി ബെഡിൽ നിന്നും താഴേക്കിറങ്ങി .
“ആരോട് പറയാൻ ..നാണോം മാനോം ഉള്ളവരോട് പറഞ്ഞിട്ടല്ലേ കാര്യം ഉള്ളു ..”
ബെഡിൽ നിന്നും ഇറങ്ങി റൂമിലെ ഫാൻ ഓൺ ചെയ്തുകൊണ്ട് മഞ്ജുസ് ആരോടെന്നില്ലാതെ പറഞ്ഞു .
അതിനൊക്കെ മറുപടി ആയി നല്ല പുളിച്ച തെറി പറയാനാണ് എനിക്ക് തോന്നിയത് . പക്ഷെ സാഹചര്യം അനുകൂലമല്ല . അവള് നിന്ന് കത്തുകയാണ് ! അതിന്റെ ഇടയിൽ കേറി ഞാൻ വല്ലതും പറഞ്ഞാൽ എരിതീയിൽ എണ്ണയൊഴിച്ച പോലെയാകും !
“എനിക്കിപ്പോഴും ആൻസർ കിട്ടിയില്ല..”
മഞ്ജുസ് തിരികെ വീണ്ടും ബെഡിലേക്കു വന്നിരുന്നു എന്റെ ,മുഖം പിടിച്ചു ഉയർത്തി .
