“വിവേക് അല്ലെ ..അറിയാം. എല്ലാരും പറഞ്ഞു കുറെ കേട്ടിട്ടുണ്ട് ”
മഞ്ജുസ് പയ്യെ പറഞ്ഞു പുള്ളിക്ക് നേരെ കൈനീട്ടി . മഞ്ജുസിന്റെ സോഫ്റ്റായ കൈത്തലം കവർന്നു പിടിച്ചു വിവേകേട്ടൻ ഒന്ന് കുലുക്കി .
“പിന്നെ എന്തൊക്കെ ഉണ്ട് മഞ്ജു. എങ്ങനെയുണ്ട് ഞങ്ങളുടെ ചെക്കൻ ? അലമ്പാണോ ?”
വിവേകേട്ടൻ കൈ പിൻവലിച്ചു തിണ്ണയിലേക്കിരുന്നു ചിരിയോടെ തിരക്കി .
“ഒന്ന് ചുമ്മാതിരി മനുഷ്യാ….”
പുള്ളിയുടെ ആക്കിയുള്ള ചോദ്യം കേട്ടു ഞാൻ പയ്യെ പറഞ്ഞു . വീണയും മഞ്ജുസും അതുകണ്ടു പയ്യെ ചിരിക്കുന്നുണ്ട്. കൃഷ്ണൻ മാമ ഫ്രെയിം തികക്കാനുള്ള കഥാപാത്രം പോലെ ഞങ്ങളുടെ സംസാരവും ചിരിയുമൊക്കെ സസൂക്ഷ്മം വിലയിരുത്തി ചിരിക്കുന്നുണ്ട് .
“ഇവൻ അങ്ങനെ പലതും പറയും. മഞ്ജു ധൈര്യമായിട്ട് പറഞ്ഞോ ?”
വിവേക് എന്റെ കഴുത്തിൽ കൈചുറ്റിപിടിച്ചു മഞ്ജുസിനെ പ്രോത്സാഹിപ്പിച്ചു .
“ഏയ് അങ്ങനെ ഒന്നും ഇല്ല . പിന്നെ ചട്ടിയും കലവും ഒക്കെ ആകുമ്പോ ..”
മഞ്ജു ക്ളീഷേ ഡയലോഗ് ആവർത്തിച്ച് ഒന്ന് പറഞ്ഞു നിർത്തി .
“ആഹ് ആഹ്..മനസിലായി മനസിലായി ..”
മഞ്ജുസ് നിർത്തിയതും വിവേകേട്ടൻ ചിരിച്ചു .
“മ്മ്..പിന്നെ എന്തൊക്കെ പറഞ്ഞാലും ആള് ഫോട്ടോയിൽ കാണുന്നതിനേക്കാൾ ഗ്ലാമർ ആണുട്ടോ . എന്തായാലും കണ്ണാ നിന്റെ സെലെക്ഷനൊന്നും മോശം ആയിട്ടില്ലെടാ ”
മഞ്ജുസിനെ അടിമുടി ഒന്ന് നോക്കി വിലയിരുത്തി വിവേകേട്ടൻ പറഞ്ഞു . അത് കേട്ട് ഞാൻ പയ്യെ ഒന്ന് പുഞ്ചിരിക്കുക മാത്രം ചെയ്തു .
“മ്മ്…പിന്നെ ഓരോ തിരക്കായിട്ട് എനിക്ക് നിങ്ങളുടെ കല്യാണത്തിന് വരാൻ പറ്റിയില്ല . ക്ഷമിക്കണം ട്ടോ..”
മഞ്ജുസിനെ നോക്കി വിവേകേട്ടൻ പയ്യെ പറഞ്ഞു .
“ഏയ് അതൊന്നും സാരല്യ വിവേകേ..”
മഞ്ജുസ് പയ്യെ പറഞ്ഞു ചിരിച്ചു.
“ആഹ്..പിന്നെ മഞ്ജു പറയുന്നുണ്ട് ഒന്നും വിചാരിക്കല്ലേ , നമ്മള് പ്രായം നോക്കുവാണേൽ ഞാൻ ചേച്ചി എന്ന് വിളിക്കേണ്ടി വരുമോ ?”
വിവേകേട്ടൻ തമാശ പോലെ ചോദിച്ചു മഞ്ജുസിനെ നോക്കി .
“ഹ ഹ ..അങ്ങനെ ഒകെ ആണേൽ ചിലപ്പോ വേണ്ടി വരും വിവേകേ ..ഞാൻ 30 ആയി ”
മഞ്ജുസ് മടികൂടാതെ പറഞ്ഞു ചിരിച്ചു .
“ആഹ്…എന്തായാലും തന്നെ കണ്ടാൽ അത് പറയില്ല മഞ്ജു . എന്നാലും ഇതൊക്കെ എങ്ങനെ ഒപ്പിച്ചെടെ കണ്ണാ ? ഞാനൊക്കെ ഇപ്പോഴും പെണ്ണ് തിരഞ്ഞു നടക്കുമ്പോ നീ കേറി ഗോൾ അടിച്ചല്ലോടാ തെണ്ടി ”
വിവേകേട്ടൻ ചെറു ചിരിയോടെ പറഞ്ഞു എന്റെ കഴുത്തിലെ പിടുത്തം ഒന്ന് മുറുക്കി .
“പറ്റിപ്പോയി വിവേകേട്ടാ..ഒകെ ഞാൻ ചാറ്റ് ചെയ്യുമ്പോ പറഞ്ഞില്ലേ ”
ഞാൻ ചെറിയ ചിരിയോടെ പറഞ്ഞു മഞ്ജുസിനെ നോക്കി .
“മ്മ്…”
വിവേകേട്ടൻ ഒന്ന് അമർത്തി മൂളി .
“വിവേകിന് അവിടെ എന്താ ജോലി ?”
മഞ്ജുസ് വീണയുടെ കൈചേർത്തു പിടിച്ചുകൊണ്ട് പയ്യെ ചോദിച്ചു .
