>>>><<<<
ഇതേ സമയം ഇല്ലിക്കൽ തറവാട് …….
പ്രിയയുമായി പുറത്തേക്ക് പോയ വിജയെ അന്വേഷിച്ചു അവർക്ക് പിന്നാലെ ഗോവിന്ദനും ശേഖരനും ഇറങ്ങിയിരുന്നു….
വഴിയിലേക്ക് കണ്ണുംനട്ട് ഉമ്മറത്തു ഇരിക്കുകയാണ് ഊർമിള അവളുടെ മടിയിൽ കരഞ്ഞു തളർന്നു വർഷയും കിടപ്പുണ്ട്… അവരുടെ അരികിലായി ഇന്ദുവും പ്രതീക്ഷയോടെ നോക്കി ഇരിക്കുകയാണ്….
പത്മാവതി ഉമ്മറത്തെ ഒരു കസേരയയിൽ സ്ഥാനം ഉറപ്പിച്ചു….നിറമിഴികളോട് നോക്കി ഇരിക്കുകയാണ്…
പെട്ടന്ന് എല്ലാവരെയും ഞെട്ടിച്ചുകൊണ്ട് ഒരു ഇടിമിന്നൽ ഭൂമിയെ പുൽകി….
“””മക്കളെ….നിങ്ങള് അകത്തേക്ക് വാ….””””
പത്മാവതി എല്ലാവരോടും പറഞ്ഞു….പക്ഷെ ആരും അത് ശ്രദ്ധിച്ചത് കൂടി ഇല്ല….. കെട്ട്പൊട്ടിയ പട്ടം പോലെ മൂവരുടെയും മനസ്സ് പറന്നുനടക്കുകയാണ്…
പത്മാവതി വീണ്ടും പറഞ്ഞു….
“”””ഇവിടെ ഇങ്ങിനെയിരിക്കണ്ട….ആകത്തേക്ക് വാ….എനിക്കെന്തോ പേടി ആവുന്നു… “”””
“”””അമ്മ അകത്തു പോയി കിടന്നോളു… “”””
ഊർമിള വിതുമ്പികൊണ്ട് പറഞ്ഞു…
പെട്ടന്ന് ഇന്ദുമതിക്ക് ശരീരം വിറക്കുന്നത് പോലെ അനുഭവപ്പെട്ടു… അവളുടെ ശരീരം തളരുന്നത് പോലെ…അവളുടെ കാഴ്ചകൾ മങ്ങി… അവസാനം അവളുടെ ബോധം മറിഞ്ഞു…അവൾ തിണ്ണയിലേക്ക് മലർന്നു വീണു….
“”””ഇന്ദു….മോളെ… “”””
