“പിന്നെ ..”
ചിരി നിർത്തിയ ശേഷം അവള് വീണ്ടും എന്തോ പറയാൻ വന്നു .
“ഒരു പിന്നേം ഇല്ല…കൊറച്ചു നേരം ഒരു സ്വൈര്യം താ …”
അവളുടെ കുശുകുശുക്കല് ഓർത്തു ഞാൻ കണ്ണുരുട്ടി .
“ആഹാ…ഇപ്പൊ ഞാൻ സ്വൈര്യക്കേട്‌ ആയല്ലേ”
എന്റെ മറുപടി കേട്ടു അവള് ചിണുങ്ങി .
“ഇപ്പോഴല്ല..പണ്ടും …”
ഞാൻ ചിരിച്ചുകൊണ്ട് അവളുടെ കവിളിൽ നുള്ളി .
“എന്റെ മഞ്ജു ചേച്ചി…ഇടക്കൊക്കെ ഒന്ന് മുന്നിലോട്ടു വാടി…ആ പാവത്തിന് ഒരു റെസ്റ്റ് കൊടുക്ക് .”
ഒടുക്കം അശ്വതിയും കീർത്തനയുമൊക്കെ കളിയാക്കി തുടങ്ങിയപ്പോഴാണ് അവള് ഒരു നാണം വന്ന ചിരിയോടെ എഴുനേറ്റു പോയത് . ഞങ്ങളുടെ ഈ സംസാരം ഒകെ അവരും ശ്രദ്ധിക്കുന്നുണ്ടായിരുന്നു .
എന്റെ അച്ഛനും മഞ്ജുസിന്റെ അച്ഛനും ചെറിയച്ഛനും ഒകെ മുൻപിൽ ഇരുന്നു ഓരോ ലോക കാര്യങ്ങളും വർത്തമാന രാഷ്ട്രീയവുമൊക്കെ ചർച്ച ചെയ്യുന്നുണ്ട് . മഞ്ജുസിന്റെ ചെറിയച്ഛൻ ഒരു പൊടിക്ക് ബി.ജെ.പി അനുഭാവി ആയതുകൊണ്ട് ചർച്ച പൊടി പൊടിക്കുന്നുണ്ട് . അമ്മമാര് തമ്മിൽ പിന്നെ പറയുന്നത് മൊത്തം കുടുംബ കാര്യങ്ങൾ ആണ്.
“അല്ല..അഞ്ജുവിന്റെ കല്യാണം ഒന്നും നോക്കുന്നില്ലേ?”
അടുത്തടുത്തിരുന്ന എന്റെ അമ്മയോട് മഞ്ജുസിന്റെ അമ്മ തിരക്കി .
“ആഹ്…ഇതുവരെ അങ്ങനെ ആലോചിച്ചിട്ടില്ല..ഇനി നോക്കണം ..”
അഞ്ജുവിനെ നോക്കികൊണ്ട് തന്നെ അമ്മച്ചി ഗൗരവത്തിൽ പറഞ്ഞു . പക്ഷെ അഞ്ജുവിനു അത് കേട്ടിട്ട് പ്രേത്യകിച്ചു ഒരു ഭാവ മാറ്റവും ഇല്ല . അവള് കീർത്തനയുടെയും അശ്വതിയുടെയും കൂടെ കൂടി എന്തൊക്കെയോ സംസാരിച്ചിരിക്കുന്നുണ്ട് . പിള്ളേരും അവരുടെ ഇടയിൽ ആണ് .
മഞ്ജുസ് അവിടെയും ഇല്ല ഇവിടെയും ഇല്ല എന്നപോലെ ഇടക്കു എന്റെ അടുത്ത് വരും . പിന്നെ കുറച്ചു നേരം അവരുടെ അടുത്തും പോയി ഇരിക്കും .
“കവി ചേട്ടൻ എന്താ മാറി ഇരിക്കുന്നെ ?”
ഞാൻ മാത്രം ഒരു മൂലക്ക് മാറി ഇരിക്കുന്നത് കണ്ടു ഒടുക്കം കീർത്തന ആണ് എന്റെ അടുത്തേക്ക് വന്നത് .
“ഏയ് ചുമ്മാ …നമ്മുടെ റേഞ്ച് ഉള്ള ആരും ഇതിൽ ഇല്ല..പിന്നെന്തു ചെയ്യാനാ മോളെ ”
ഞാൻ ഒരു പുഞ്ചിരിയോടെ തട്ടിവിട്ടു .
“നല്ല തള്ള് ആണല്ലേ …”
എന്റെ മറുപടി കേട്ടു അവള് ചിരിച്ചു . പിന്നെ എന്റെ അടുത്തായി വന്നിരുന്നു .പിന്നെ അവളുടെ വിശേഷങ്ങളൊക്കെ എന്നോട് പറഞ്ഞു . കക്ഷി ട്രിച്ചി എൻ
