ഞാൻ ആരോടെന്നില്ലാതെ പറഞ്ഞു ചിരിച്ചു .
“ന്തിനാ നീ ചിരിക്ക…ണേ…?”
നാക്കു കുഴഞ്ഞുകൊണ്ട് അവൾ സംശയത്തോടെ തിരക്കി .
“ചുമ്മാ..”
ഞാൻ ഒന്നുമറിയാത്ത ഭാവത്തിൽ കണ്ണിറുക്കി .
“എന്നെ എടുക്ക് കവി…യൂ ആർ സൊ ലവ്‌ലി..”
അവൾ പെട്ടെന്ന് എന്റെ കഴുത്തിൽ കൈചുറ്റികൊണ്ട് ചിണുങ്ങി . പിന്നെ എന്റെ ചുണ്ടിൽ അവിടെ കൂടിനിന്നവരൊക്കെ കാൺകെ തന്നെ ചുംബിച്ചു . ടി-ഷർട്ടും മുട്ടോളമെത്തുന്ന ഒരു കുഞ്ഞുപാവാടയുമായിരുന്നു ആ സമയത്തെ അവളുടെ വേഷം !
അവളുടെ ചുണ്ടുകൾക്കും വായിലെ ശ്വാസത്തിനും നേരിയ മദ്യത്തിന്റെ ഗന്ധമുണ്ടായിരുന്നത് എന്നെയൊന്നു അലോസരപ്പെടുത്തിയെങ്കിലും ആ ചുംബനത്തിനു ഒരു സുഖം ഉണ്ടായിരുന്നു .
“എടുക്ക് മാൻ …’
മഞ്ജുസ് എന്റെ ചുണ്ടിൽ മുത്തികൊണ്ട് ചിണുങ്ങി .
“എടുക്കാനാ? നിനക്ക് അങ്ങ് നടന്നാൽ എന്താ മഞ്ജുസേ ..”
ഞാൻ അവളെ നോക്കി കണ്ണുരുട്ടി .
“പ്ലീസ് ബേബി …”
മഞ്ജുസ് മദ്യത്തിന്റെ പുറത്തു ചിണുങ്ങിക്കൊണ്ട് എന്റെ നെഞ്ചിലേക്ക് ചാഞ്ഞു .
“ബേബിയാ..”
ഞാൻ ആരോടെന്നില്ലാതെ പറഞ്ഞു ചിരിച്ചു .
“മാൻ ..പ്ലീസ് …”
മഞ്ജുസ് പിന്നെയും കൊഞ്ചി . സംഗതി കക്ഷിക്കു സ്വല്പം കിക് ഉണ്ടെങ്കിലും പറഞ്ഞത് സത്യമാണ് . അവള് ഒറ്റയ്ക്ക് നടന്നാൽ വല്ലയിടത്തും ചെന്ന് വീഴും ! എന്നാലും ഞാനൊന്നു വട്ടുകളിപ്പിക്കാൻ തന്നെ തീരുമാനിച്ചു .
“പറ്റില്ല ..നീ നടക്ക്..”
ഞാൻ അവളെ എന്നിൽ നിന്നും അടർത്തിമാറ്റികൊണ്ട് ഗൗരവത്തിൽ പറഞ്ഞു . അതോടെ അവൾക്കു പിണക്കമായി . പെട്ടെന്ന് എന്നെ ഉന്തി തള്ളിക്കൊണ്ട് മഞ്ജുസ് ചീറ്റി .
“എന്ന പോ…നീ ന്റെ കൂടെ വരണ്ട ..”
മഞ്ജുസ് എന്നെ പിന്നാക്കം തള്ളിക്കൊണ്ട് പൂഴിമണലിലേക്കിറങ്ങി നടന്നു . സ്വല്പം ഇരുട്ടായിരുന്നതുകൊണ്ട് ദ്വീപ് മൊത്തം ദീപശോഭയിൽ മുങ്ങി നിൽക്കുകയാണ് . ആ സുന്ദരൻ സായാഹ്നത്തിലാണ് മഞ്ജുസിന്റെ ഈ കോപ്രായം എന്നോർക്കണം .
നഗ്നമായ കാലുകൾ മണലിലൂടെ നിരക്കി വലിച്ചുകൊണ്ട് അവൾ ആടിയുലഞ്ഞുകൊണ്ട് മുന്നോട്ട് നീങ്ങി .ഞാനതു ചെറുചിരിയോടെ നോക്കി നിന്നു.
