“അഹ് എന്ന അവിടെ കിടന്നോ …ഞാൻ പൊറത്തൊക്കെ പോയിട്ട് വരാം …”
ഇട്ടിരുന്ന ഷർട്ടിന്റെ കൈ തെറുത്തു കയറ്റിക്കൊണ്ടു ഞാൻ പയ്യെ ചിരിച്ചു .
“നീ എവിടെക്കേലും പോ …എനിക്കെന്താ…”
മഞ്ജുസ് സ്വല്പം ദേഷ്യത്തോടെ പറഞ്ഞു ബെഡിൽ കിടന്ന തലയിണ എടുത്തു എന്റെ നേരെ എറിഞ്ഞു . ഞാൻ അത് പിടിച്ചെടുത്തുകൊണ്ട് അവളുടെ ദേഷ്യം കണ്ടു ചിരിച്ചു .
“ഒന്നും ഇല്ലെങ്കിൽ പിന്നെ എന്തിനാ ചൂടാവുന്നെ ?”
തലയിണയും പിടിച്ചു അവളുടെ അടുത്തേക്ക് നീങ്ങികൊണ്ട് ഞാൻ ചിരിച്ചു .
“സൗകര്യം ഉണ്ടായിട്ട് …”
അതിനു മറുപടി എന്നോണം മഞ്ജുസ് പിറുപിറുത്തു .
“ഉണ്ടായിട്ടല്ല …നിനക്കു സൗകര്യം കൂടിയിട്ടാ …തെണ്ടിയില്ലാത്ത നന്ദി …”
പെട്ടെന്ന് വായിൽ വന്ന എന്തോ ഒരു സംഗതി ഞാൻ അങ്ങ് പറഞ്ഞു .
“എന്തോന്ന് ….”
അതുകേട്ടിട്ടെന്നോണം മഞ്ജുസ് എന്നെ ആശ്ചര്യത്തോടെ നോക്കി..അവൾക്ക് ചെറിയ ചിരിയും വരുന്നുണ്ട് .
“നന്ദി ഇല്ലാത്ത തെണ്ടി ന്നു …”
ഞാൻ സ്വല്പം കടുപ്പിച്ചു പറഞ്ഞത് ഒന്നൂടി വിശദീകരിച്ചു .
“ഹി ഹി …….”
പക്ഷെ എന്റെ മറുപടി കേട്ട് അവള് പയ്യെ ചിരിക്കുകയാണ് ചെയ്തത് .
“ചിരിക്കല്ലേ..വല്യ ഭംഗി ഒന്നും ഇല്ല ..”
അതുകണ്ടു ഞാൻ സ്വല്പം വെയ്റ്റ് ഇട്ടു ..പിന്നെ കയ്യിൽ പിടിച്ച തലയിണ ബെഡിലേക്കിട്ടു .
“പറയുന്ന ആള് പിന്നെ ഷാരൂഖ് ഖാൻ ആണല്ലോ ….”
മഞ്ജുസ് അതുകേട്ടു പിറുപിറുത്തു കൊണ്ട് ചിരിയടക്കി .
“നീ ശരിക്കും ഒന്നും പോയി തരോ …പണ്ടാരം …”
അവളുടെ സംസാരം കേട്ട് ഞാൻ ആരോടെന്നില്ലാതെ പറഞ്ഞു ബെഡിലേക്ക് തന്നെ ഇരുന്നു .
“ശെടാ …നിന്റെ ദേഷ്യം ഇപ്പഴും മാറിയില്ലേ ? ഞാൻ വെറുതെ പറയുന്നതല്ലേ ”
എന്റെ അടുത്തേക്ക് നീങ്ങികൊണ്ട് മഞ്ജുസ് ചിരിച്ചു .
“പക്ഷേ എനിക്ക് കാര്യായിട്ട തോന്നുന്നത് …”
ഞാൻ അവളെ നോക്കാതെ തന്നെ പിറുപിറുത്തു .
“ആണെങ്കി നന്നായി ..എപ്പോ നോക്കിയാലും അവന്റെ ഒരു …”
മഞ്ജുസ് ചിരിച്ചുകൊണ്ട് എന്റെ കവിളിൽ പയ്യെ ഉമ്മവെച്ചു .
“ഓ..ഇതിനൊന്നും പിന്നെ കുറവില്ല ..
അറക്കാനുള്ള കോഴിക്ക് വെള്ളം കൊടുക്കുന്ന പോലെ ഡെയിലി കിട്ടും ”
അവളുടെ ചുണ്ടുകൾ എന്റെ കവിളിൽ പതിഞ്ഞതും ഞാൻ കണ്ണടച്ചുകൊണ്ട് പയ്യെ പറഞ്ഞു .
“ഹി ഹി ..”
അതുകേട്ടിട്ടെന്നോണം മഞ്ജുസ് പയ്യെ കുലുങ്ങി ചിരിച്ചു ..പിന്നെ എന്റെ കവിളിൽ പയ്യെ കടിച്ചു . അങ്ങനെ വീണ്ടും കൊച്ചു വഴക്കിനു ശേഷം ഞങ്ങൾ എങ്ങനെയെങ്കിലും ഒക്കെ വീണ്ടും ജോഡികൾ ആകും .
മഞ്ജുസിന്റെയും പിള്ളേരുടെയും അസാന്നിധ്യം ഓർത്തപ്പോൾ അങ്ങനെയുള്ള കൊച്ചു കൊച്ചു ഓർമ്മകൾ എന്നിലേക്ക് വന്നുചേർന്നു . അങ്ങനെ എന്തൊക്കെയോ ഓർത്തു ഓഫീസിൽ ഇരിക്കുമ്പോഴാണ് മഞ്ജുസ് ഫോണിൽ വിളിക്കുന്നത് . ലാപ്പിൽ പുതിയ ബിസിനസ് ഓർഡറിന്റെ മെയിലുകൾ നോക്കി കൊണ്ടിരുന്ന ഞാൻ അതോടെ അടുത്തിരുന്ന ഫോൺ എടുത്തു നോക്കി . ഡിസ്പ്ളേയിൽ മഞ്ജുസിന്റെ പുഞ്ചിരിക്കുന്ന മുഖം തെളിഞ്ഞു .
