ഉണ്ട ചോറിനുള്ള നന്ദി 2

പിറ്റേന്ന് രാവിലെ ഫർഷാദ് തന്റെ മുറിയിൽ ഇരിക്കുകയായിരുന്നു അപ്പോഴാണ് അപ്പച്ചൻ കയറി വരുന്നത് അവൻ അപ്പച്ചനെ കണ്ടപ്പോൾ ഒന്നെണീറ്റ് നിന്നു നേരെ ഇരുന്നു അപ്പച്ചൻ അവനോടായി തുടർന്ന്
ഡാ ജോസൂട്ടി നിനക്ക് ഇനി ഒരു കല്യാണം ഒക്കെ ആയിക്കൂടെ
ഞാൻ അമ്മച്ചിയോടു പറഞ്ഞിരുന്നല്ലോ അമ്മച്ചിക്ക് ഇഷ്ടപ്പെട്ട കുട്ടിയെ നോക്കിക്കോളാ അമ്മച്ചി പറയുന്ന ആരെവേണെങ്കിലുംഞാൻ കെട്ടും
എടാ അമ്മച്ചിയല്ല നിനക്ക് പെൺകുട്ടിയെ കണ്ടുപിടിക്കേണ്ടത് നീ തന്നെ വേണം കണ്ടുപിടിക്കാൻ
അപ്പച്ചാ അതിൽ എനിക്ക് യോജിപ്പില്ല എന്റെ അമ്മച്ചിക്ക് ഞാൻ വാക്കുകൊടുത്തു കഴിഞ്ഞു പിന്നെ അമ്മച്ചി എനിക്ക് വേണ്ടി ഏറ്റവും നല്ലത് തന്നെയേ കണ്ടുപിടിക്ക് അതെനിക്ക് ഉറപ്പാ
നിനക്ക് അത്രയ്ക്ക് ഉറപ്പാണെങ്കിൽ ഞാൻ പിന്നെ ഒന്നും പറയുന്നില്ല അപ്പോൾ നിന്റെ അമ്മച്ചി കാണിച്ചു തരുന്ന ഏതു പെണ്ണിനേയും നീ കെട്ടും അതിൽ മാറ്റം ഒന്നും ഇല്ല അല്ലെ
ആ അതെ
എടിയേ ഇങ്ങു പോര് ചെക്കൻ സമ്മതിച്ചു അല്ലപിന്നെ നിന്റെ അമ്മച്ചിയുടെ ഒരു കാര്യം നീ അന്നുപറഞ്ഞത് സത്യം ആണോ എന്നറിയാൻ എന്നെ ഇങ്ങോട്ട് വിട്ട് അപ്പുറത്ത് ഒളിച്ചോറിക്ക നിന്റെ അമ്മച്ചി ഇവളെവിടെ എടി മതി ഇങ്ങോട്ട് വാ
അമ്മച്ചി പതുക്കെ അകത്തേക്ക് വന്നു ഒളിച്ചു നിന്നതിന്റെ ജാള്യത ഉണ്ട് അപ്പച്ചനെ ദഹിപ്പിച്ചോന്ന് നോക്കി
എടി നീ എന്നാത്തിനാ എന്നെ നോക്കി ദഹിപ്പിക്കുന്നെ നീ ആ കൊച്ചിനെ കുറിച്ച് പറ നീ കാണിച്ചു കൊടുക്കുന്നവളെ തന്നെ നമ്മുടെ മോൻ കെട്ടും
ഫർഷാദ് ആവേശത്തോടെ ആ മുഖത്തേക്ക് നോക്കി തന്റെ അമ്മച്ചി തനിക്കായി കണ്ടെത്തിയവൾ ആരെന്നറിയാൻ
ഞാൻ മാത്രമല്ല നിന്റെ പെങ്ങളും കൂടി കണ്ടുപിടിച്ച കുട്ടിയ നല്ല കുട്ടിയാണ് വിദ്യാഭ്യാസം സംസ്കാരം സൽസ്വഭാവം പിന്നെ കാണാനും കൊള്ളാം എനിക്ക് എന്തുകൊണ്ടും നന്നായി ബോധിച്ചു ഇനി നീ കൂടി കണ്ടു ബോധിക്കണം
അതെന്തിനാ അമ്മച്ചി അതിന്റെ ആവശ്യം ഉണ്ടോ അമ്മച്ചിക്ക് ഇഷ്ടപ്പെട്ടെങ്കിൽ എനിക്കൊരു എതിരും ഇല്ല
അങ്ങനെ പറഞ്ഞാൽ എങ്ങനാടാ നിനക്ക് കൂടി ഇഷ്ടപെട്ടെ പറ്റു നിനക്ക് അറിയുന്ന കുട്ടിയാ ഞാൻ ചോദിച്ചപ്പോൾ അവൾക്കും കുടുംബത്തിനും സമ്മതം അതാ നിന്നോട് പറയാം എന്ന് വച്ചതു