ഞാൻ ഒന്നുടെ പ്രതീക്ഷിച്ചു നീങ്ങിയെങ്കിലും മഞ്ജുസ് അടുത്തില്ല .
“കവി..ഞാൻ ഒരു ചവിട്ടങ്ങു തരും ട്ടോ…”
ഞാൻ തോണ്ടി ശല്യം ചെയ്യുന്നത് കണ്ട മഞ്ജുസ് ശബ്ദം താഴ്ത്തികൊണ്ട് പറഞ്ഞു .
അതോടെ ഞാൻ അടങ്ങി . അവളെ നമ്പാൻ പറ്റില്ല . ചിലപ്പോ ശരിക്കും ചവിട്ടും ! അതോടെ ഒകെ നാളേക്ക് എന്നുവെച്ചുകൊണ്ട് ഞാനും ഉറങ്ങാനായി കിടന്നു . പക്ഷെ ചാരി കിടന്ന എന്റെ കവിളിൽ പ്രതീക്ഷിക്കാതെ ക്ഷണ നേരത്തിൽ ഒരുമ്മ തന്നു മഞ്ജുസ് “ഗുഡ് നൈറ്റ് ” എന്ന് കാതിൽ പതിയെ പറഞ്ഞു ചാരി കിടന്നു . ഞാൻ ചിരിച്ചുകൊണ്ട് തിരിച്ചും പറഞ്ഞു . പിന്നെ ഉറങ്ങാനായി കിടന്നു .
പിന്നെ നേരം പുലർന്നു തുടങ്ങിയ നേരത്താണ് ഡ്രൈവർ ഞങ്ങളെയെല്ലാം വിളിച്ചുണർത്തുന്നത് . കർണാടകം സ്റ്റേറ്റിലെ ഏതോ സ്ഥലം ആയിരുന്നു. അവിടെ നിന്ന് ബാംഗ്ലൂരിലേക്ക് രണ്ടു-മൂന്നു മണിക്കൂർ കൂടിയുണ്ട്. അവിടെ പേ ചെയ്തു ഉപയോഗിക്കാവുന്ന കുളിമുറികളും ടോയ്ലറ്റും ഒക്കെ ഉണ്ട് . രാവിലത്തെ ചടങ്ങൊക്കെ തീർക്കാൻ ഉള്ളവർക്ക് തീർക്കാം എന്ന് കരുതി നിർത്തിയതാണ്.
ഡ്രൈവറും ക്ളീനറും എന്തായാലും ഫ്രഷ് ആകുന്നുണ്ട്. ഞങ്ങൾക്കും വേറെ വഴിയൊന്നുമില്ല. അതുകൊണ്ട് എല്ലാവരും ഇറങ്ങാൻ തന്നെ തീരുമാനിച്ചു ! മഞ്ജുസും ഞാനും കീരിയും പാമ്പും ആണല്ലോ..എല്ലാവരും എഴുനേറ്റപ്പോൾ ഒരേ സീറ്റിൽ ഇരിക്കുന്ന ഞങ്ങളെ പലരും അത്ഭുതത്തോടെ നോക്കുന്നുണ്ട്. തൊട്ടു പുറകിൽ ഒന്നുമറിയാതെ ശ്യാം നീണ്ടു നിവർന്നു കിടന്നുറങ്ങുന്നുമുണ്ട് .
ഞാൻ പുറകിലേക്ക് കയ്യിട്ടു അവനെ തട്ടി വിളിച്ചു . മഞ്ജുസ് അപ്പോഴേക്കും കയ്യും കാലും ഒകെ നിവർത്തികൊണ്ട് എഴുന്നേറ്റിരുന്നു . മായേച്ചിയും മുൻപിലെ സീറ്റിൽ എഴുനേറ്റ് ഇരിപ്പുണ്ട്.
എല്ലാവര്ക്കും കൂടി ഒപ്പം ചെന്ന് സാധിക്കാൻ പറ്റില്ല..അതുകൊണ്ട് കുറച്ചു പേര് ആയി പോയിട്ട് മടങ്ങി വരണം . ഞാനും ശ്യാമും ഒടുക്കം പോകാമെന്നു വെച്ച് ബസ്സിൽ തന്നെ ഇരുന്നു . ടീച്ചേഴ്സും സാറന്മാരുമെല്ലാം ആദ്യം പോയി . മാറാനുള്ള ഡ്രസ്സ് ബാഗിൽ നിന്നെടുത്താണ് എല്ലാരും പോയത്.മഞ്ജുസും മായേച്ചിയും ബാഗും കൂടി എടുത്ത ശേഷമാണ് പോയത്. അവരുടെ വസ്ത്രങ്ങളും മേക്ക്അപ് സാധനവും ഒക്കെ അതിലാവും !
കുറെ പേരൊക്കെ പുറത്തേക്കിറങ്ങി , പുലർ കാലത്തേ കാറ്റും തണുപ്പും ആസ്വദിച്ച് അവിടെ നടന്നു , കളിയും ചിരിയുമായി നീങ്ങി. പല്ലു തേക്കാനായി ഞാനും ശ്യാമും കുറച്ചു കഴിഞ്ഞു പുറത്തിറങ്ങി. അപ്പോഴേക്കും ചിലരൊക്കെ എല്ലാം കഴിഞ്ഞു തിരിച്ചു വന്നു ബസ്സിൽ കയറി തുടങ്ങിയിരുന്നു ! കുറെ ശുചിമുറികൾ റോഡിനു സമീപത്തായി ഒരുക്കിയിട്ടിട്ടുണ്ട്. പണം കൊടുത്താൽ ആർക്കും ഉപയോഗിക്കാം. അത്യാവശ്യം നീറ്റും ആണ് .
ഓരോരുത്തരുടേതായി കഴിഞ്ഞു . അത്യാവശ്യം കുറെ സമയം അവിടെ സ്പെൻഡ്‌ ചെയ്തു. കാരണം രണ്ടു ബസ്സിലായി എൺപതു പേരെങ്കിലും മിനിമം ഉണ്ട് . മഞ്ജുസും മായേച്ചിയും കുളി കഴിഞ്ഞു ബാഗും പുറത്തിട്ടു തിരിച്ചെത്തി .
ഒരു ചുവന്ന ചുരിദാറും വെള്ള പാന്റും ആണ് മഞ്ജുവിന്റെ വേഷം . മായ മിസ് സാരി ആണ് . ഒരു ഇളം നീല കളറിലുള്ള സാരിയും അതെ നിറത്തിലുള്ള ബ്ലൗസും ആണ് വേഷം !
