“സോറി ..ഞാൻ ചുമ്മാ പറഞ്ഞതാ …”
എന്റെ മട്ടും ഭാവവും മാറിയത് കണ്ടു വിഷമം വന്ന മഞ്ജുസ് പെട്ടെന്ന് എന്നെ നോക്കി കൊഞ്ചി .
“അങ്ങനെ നിനക്ക് പറയാൻ ഉള്ളതൊക്കെ പറഞ്ഞിട്ട് , സോറി പറഞ്ഞാൽ ഒക്കെ തീർന്നെന്നാണോ ? നിനക്ക് പോലും എന്നെ ഒരു വിലയില്ല. പിന്നെ ബാക്കിയുള്ളോരുടെ കാര്യം പറഞ്ഞിട്ടെന്താ ”
ഞാൻ ഒഴുക്കൻ മട്ടിൽ പറഞ്ഞു അവളുടെ കൈ ബലമായി വിടുവിച്ചു .
“കവി..പ്ലീസ് ..നീ ഇങ്ങനെ ഒന്നും പറയല്ലേ ഡാ ..”
മഞ്ജുസ് വീണ്ടും എന്റെ കയ്യിൽ പിടിച്ചു ചിണുങ്ങി .
“പിന്നെ എങ്ങനെ പറയണം …?”
ഞാൻ അവളെ ദേഷ്യത്തോടെ നോക്കി .
“പ്ലീസ് ….”
അവൾ കൊഞ്ചിക്കൊണ്ട് എന്നെ പെട്ടെന്ന് കെട്ടിപിടിച്ചു . രണ്ടു കയ്യും എന്റെ കഴുത്തിലൂടെ ചുറ്റി അവളെന്നെ പുണർന്നു പിടിച്ചു . നല്ല കുത്തൽ ഉള്ള വിയർപ്പു ഗന്ധം ആയിരുന്നു അവൾക്ക്..
“ഫീൽ ആയോ ? ”
അവൾ എന്റെ കഴുത്തിൽ കൈചുറ്റി പയ്യെ ചോദിച്ചു .
“ആയെങ്കി ?”
ഞാൻ സംശയത്തോടെ ചോദിച്ചു .
“സോറി…ഞാൻ ശരിക്കും തമാശക്ക് പറഞ്ഞതാ ”
മഞ്ജുസ് എന്റെ കവിളിൽ പയ്യെ ചുംബിച്ചുകൊണ്ട് പറഞ്ഞു . അതോടെ അവളുടെ ചുണ്ടിലെ ലിപ്സ്റ്റിക് ചുണ്ടിന്റെ ഷേപ്പിൽ എന്റെ കവിളിൽ പതിഞ്ഞു കിടന്നു !
“മ്മ്…എന്ന പറ..നീ വല്ലോം അമ്മേടെ അടുത്ത് എഴുന്നള്ളിച്ചോ ?”
ഞാൻ അവളുടെ പുറത്തു കൈകൾ കൊണ്ട് തഴുകി പയ്യെ ചോദിച്ചു .
“അങ്ങനെ ഒക്കെ ചോദിച്ച…”
മഞ്ജുസ് ചിരിച്ചു .
“അപ്പൊ പറഞ്ഞു…മ്മ്മ്..ഇനി കൂടുതൽ വിശദീകരിക്കണം എന്നില്ല..”
അവളുടെ ചിരിയുടെ അർഥം മനസിലായെന്നോണം ഞാൻ പയ്യെ പറഞ്ഞു .
“എന്നുവെച്ചാൽ..ചെറിയ പിണക്കം ഒക്കെ ഉണ്ടാവും എന്നെ പറഞ്ഞുള്ളു…”
മഞ്ജുസ് എന്നെ ഇറുക്കികൊണ്ട് പറഞ്ഞു .
“സ്…പതുക്കെ ഇറുക്കെടി ..എന്ത് നാറ്റം ആണ് നിന്നെ..”
അവളുടെ എല്ലാം കൂടിക്കുഴഞ്ഞ കുത്തൽ ഉള്ള സ്മെൽ ഓർത്തു ഞാൻ മുഖം ചുളിച്ചുകൊണ്ട് പറഞ്ഞു .
“ഓ പിന്നെ ..”
അവൾ ആ വാദം തള്ളിക്കൊണ്ട് ചിരിച്ചു .
“ഒരു പിന്നേം ഇല്ല …ഇമ്മാതിരി ആളെ ബോധം കെടുത്തുന്ന സ്പ്രേ ഒന്നും ഇനി യൂസ് ചെയ്യണ്ട ..”
ഞാൻ ഗൗരവത്തിൽ പറഞ്ഞു അവളെ അടർത്തി മാറ്റി .അപ്പോഴാണ് എന്റെ കവിളിൽ അവളുടെ ലിപ്സ്റ്റിക് പറ്റിയത് മഞ്ജുസ് കാണുന്നത് !
