“ദെൻ ? എന്നിട്ടെന്തുണ്ടായി ?”
ഞാൻ ശാന്തമായി ചോദിച്ചു .
“എന്താവാൻ ..ഏതാണ്ട് ആ സമയം നോക്കി അവൻ അവിടെക്കു തിരിച്ചെത്തി . റൂമിലേക്ക് കയറി വന്നതും അവൻ കാണുന്നത് ഗിറ്റാർ കയ്യിൽ പിടിച്ചു നിൽക്കുന്ന എന്നെയാണ് . ഞാൻ ഒന്ന് പതറിയെങ്കിലും പുള്ളിയെ ഒന്ന് ടീസ് ചെയ്യാൻ നോക്കി . ഹായ് ..അറിയുമോ ? എന്താ ഇത്ര ജാഡ എന്നൊക്കെ പറഞ്ഞു ഞാൻ ഒന്ന് ഷോ കാണിച്ചു . പക്ഷെ അവൻ അതിനൊന്നും മറുപടി പറയാതെ ആ ഗിറ്റാർ താഴെ വെക്കാൻ പറഞ്ഞു ”
മഞ്ജുസ് ഒരു ദീർഘ ശ്വാസം വിട്ടുകൊണ്ട് പറഞ്ഞു നിർത്തി .
“എന്നിട്ട് ?’
ഞാൻ അവളെ കെട്ടിപിടിച്ചുകൊണ്ട് ചോദിച്ചു .
“അത് എടുത്തിടത്ത് തന്നെ വെക്കാൻ അവൻ പറഞ്ഞപ്പോ ഞാൻ കുറച്ചു വെയ്റ്റ് ഇട്ടു . “ഓഹ്..ഇതിപ്പോ ഞാൻ തൊട്ടാൽ എന്താ ഉരുകിപ്പോകുമോ ” എന്നൊക്കെ പറഞ്ഞു അത് പ്ളേ ചെയ്യുന്ന ഒരു സാധനം ഉണ്ടല്ലോ..അതെടുത്തു ഒന്ന് സ്പീഡിൽ ഉരസി ഒച്ചയുണ്ടാക്കി .അതോടെ ആ പണ്ടാരത്തിന്റെ കമ്പിയും പൊട്ടി..”
മഞ്ജു ചിരിയോടെ പറഞ്ഞു നിർത്തി .
എനിക്കും അത് കേട്ടപ്പോൾ ചെറുതായി ചിരി വന്നു . ഒരാൾ ഗിറ്റാർ വായിച്ചിട്ട് കമ്പി പൊട്ടിയെങ്കി പ്ളേ ചെയ്തയാൾ നിസാരക്കാരിയല്ല
“എന്നിട്ട് ? ”
ഞാൻ ചിരിയോടെ ചോദിച്ചു .
“ആഹ്..അതെങ്ങനെ പൊട്ടി എന്നൊന്നും എനിക്കിപ്പോഴും അറിഞ്ഞൂടാ. ,പക്ഷെ ആ ഇൻസിഡന്റ് കാരണം ഞാൻ ആകെ ചമ്മിനാറി ഇളിച്ചു നിന്നു . പക്ഷെ അവൻ കലിപ്പിൽ ആയിരുന്നു . പുള്ളിക്ക് അതിനോട് എന്തോ ഇമോഷണൽ അറ്റാച്ച്മെൻറ്റ് ഉണ്ടാരുന്നു. അവന്റെ അച്ഛൻ സമ്മാനിച്ചതെന്തോ ആണ് ആ ഗിറ്റാർ . പുള്ളി അവന്റെ ചെറുപ്പത്തിലേ മരിച്ചിരുന്നെ..ഇതൊന്നും എനിക്കറിഞ്ഞൂടായിരുന്നു . ആ ദേഷ്യത്തില് അവൻ എന്റെ അടുത്ത് വന്നു മുഖം കടുപ്പിച്ചു ..”
മഞ്ജുസ് വീണ്ടും നിർത്തി , പിന്നെയെന്ന് സംശയത്തോടെ നോക്കി .
“ഇനി പറയണോ..?”
അവൾ എന്നെ നോക്കി ചിണുങ്ങി .
“ആഹ്..താൻ ധൈര്യം ആയിട്ട് പ റയെടോ…ഒന്ന് രസം പിടിച്ചു വരുമ്പോ നിർത്തുവാണോ ചെയ്യണ്ടേ ”
ഞാൻ അവളെ പ്രോല്സാഹിപ്പിച്ചു .
“മ്മ് ….”
മഞ്ജുസ് താല്പര്യമില്ലാത്ത മട്ടിൽ മൂളികൊണ്ട് തുടർന്നു .
