അങ്ങനെ അമ്മയെ കയറ്റിവിട്ട് ഞാനും മഞ്ജുസും മുഖാമുഖം നോക്കി . എല്ലാ തടസങ്ങളും നീങ്ങി കിട്ടിയ ആശ്വാസം ഞങ്ങളുടെ രണ്ടുപേരുടെയും മുഖത്തുണ്ട് . അതിന്റെ ആശ്വാസത്തിലും ആവേശത്തിലും ഞാൻ മുറ്റത്തു നിന്നും ഉമ്മറത്തേക്ക് കയറി . മഞ്ജു തിണ്ണയിൽ ഇരുന്നു പത്രം മറിച്ചു നോക്കുന്നുണ്ട് . ഞാൻ അതത്ര കാര്യമാക്കാതെ അവളുടെ കയ്യിൽ നിന്നും പേപ്പർ വാങ്ങിച്ചു കസേരയിലേക്കെടുത്തെറിഞ്ഞു , അവളെ തറപ്പിച്ചൊന്നു നോക്കി . അതിലേറെ ദേഷ്യത്തിൽ അവളും എന്നെ നോക്കി ! ഞാൻ പത്രം എടുത്തെറിഞ്ഞത് കക്ഷിക്ക് ഇഷ്ടമായിട്ടില്ല .
“എന്താടാ ?”
അവൾ എന്നെ നോക്കി ചീറ്റി .
“ചുമ്മാ…”
ഞാൻ കണ്ണിറുക്കി ചുമൽ കുലുക്കി .
“മ്മ്…വേണേൽ വാ ചായ കുടിക്കാം..എനിക്ക് വിശക്കുന്നുണ്ട്..”
എന്റെ കോമഡി അത്ര ഇഷ്ടപെടാത്ത പോലെ അവൾ സ്വല്പം വെയ്റ്റ് ഇട്ടു ഗൗരവത്തിൽ പറഞ്ഞു എഴുന്നേൽക്കാൻ തുടങ്ങി .
“നിക്ക് നിക്ക് ..അങ്ങനെ അങ്ങ് പോയാലോടി ”
ഞാ അവളുടെ ധൃതികാണ്ട് മഞ്ജുസിന്റെ കൈക്കു കയറി പിടിച്ചു .
“ശോ..എന്താ കവി ഇത് …?”
മഞ്ജു ഞാൻ കയ്യിൽ പിടിച്ചതും കൈ കുടഞ്ഞുകൊണ്ട് ചിണുങ്ങി .
“അതൊക്കെ ഉണ്ട്…നീ അവിടിരി..”
ഞാൻ അവളെ ബലമായി എന്റെ അടുത്ത് പിടിച്ചിരുത്തി . പിന്നെ അവളുടെ ഇടുപ്പിലൂടെ കയ്യിട്ടു പിടിച്ചു മുഖാമുഖം നോക്കി .
“എന്താ ?”
മഞ്ജു പുരികം ഉയർത്തി എന്നെ നോക്കി .
“കാര്യായിട്ട് ഒന്നും ഇല്ല ..അമ്മ പറഞ്ഞല്ലോ എന്റെ തന്തപ്പിടി നിന്നോട് ഫോണിൽ കൂടി എന്തൊക്കെയോ കുറെ കാര്യമായിട്ട് സംസാരിക്കുന്നുണ്ട് എന്നൊക്കെ ? എന്നിട്ട് നീയെന്താ ഇതുവരെ എന്നോടൊന്നും പറയാഞ്ഞത് ?”
ഞാൻ ചെറിയ സംശയത്തോടെ ചോദിച്ചതും മഞ്ജുസ് ഒന്ന് പല്ലിളിച്ചു കാട്ടി .
“അത് അതിപ്പോ …അങ്ങനെ കാര്യായിട് ഒന്നും ഇല്ലെടാ ..നിന്റെ കാര്യം ഒകെ ചോദിക്കും . എങ്ങനെ ഉണ്ട് അവൻ , ജോലിക്ക് പോണില്ലേ എന്നൊക്കെ ..അല്ലാണ്ടെ വേറെയൊന്നും ഇല്ല.”
മഞ്ജുസ് വളരെ സ്വാഭാവികമായി പറഞ്ഞു നിർത്തി .
“മ്മ്…എന്നോടൊന്നും മിണ്ടാത്ത ടീം ആണ് പുള്ളി .അതോണ്ട് ചോദിച്ചെന്നെ ഉള്ളു ”
ഞാൻ സ്വല്പം ഗൗരവത്തിൽ അച്ഛന്റെ സ്വഭാവം ഓർത്തുകൊണ്ട് പറഞ്ഞു .
“ആഹ് …പക്ഷേ നിന്നെ വല്യ ഇഷ്ടാ ട്ടോ . ”
മഞ്ജുസ് ഇടയ്ക്കു കയറി ചിരിയോടെ പറഞ്ഞു .
“ആഹ്..ആയിരിക്കും. നമ്മുടെ കല്യാണം വന്നപ്പോ ഞങ്ങള് നൈസ് ആയിട്ട് ഉടക്കിയതാ . അന്ന് എന്നെ അടിക്കുവേം ചീത്ത പറയുവേം ഒകെ ചെയ്ത ശേഷം പിന്നെ കാര്യമായി അങ്ങനെ ഒന്നും സംസാരിച്ചിട്ടില്ല .”
