അതും പറഞ്ഞു ഞാൻ നേരെ പല്ലുതേപ്പും പരിപാടികളുമൊക്കെ തീർത്തു തിരിച്ചു വന്നു ഫ്ലാസ്ക്കിൽ നിന്നും ചൂട് കോഫീ എടുത്തു പകർന്നു കുടിച്ചു .മഞ്ജുസ് കുളിച്ചിട്ടൊന്നുമില്ല. തലേന്നിട്ട ടി-ഷർട്ടും ഹാഫ് പാവാടയും തന്നെയാണ് വേഷം . കാലിലെ നീരിന് കുറവുണ്ട് . അതിന്റെ ആശ്വാസവും തിളക്കവുമൊക്കെ ആ മുഖത്തുണ്ട് .
ഞാൻ കോഫീ കുടിച്ചുകൊണ്ട് അവളുടെ ചാറ്റിങ്ങിന്റെ സ്പീഡ് നോക്കിയിരുന്നു . കൈവിരലുകൾ ഡിസ്‌പ്ലേയിലെ കീബോർഡിൽ ഓടിനടക്കുന്ന വേഗം അപാരം ആണ് .
“സമയം ഒരുപാടായല്ലോ..നീ എന്താ എന്നെ വിളിക്കാഞ്ഞേ ടീച്ചറെ ?”
ഞാൻ അവളോടായി തിരക്കി .
“ഞാൻ എഴുന്നേറ്റപ്പോ നീ നല്ല ഉറക്കം ആയിരുന്നു ..പിന്നെ എണീറ്റിട്ട് ഇവിടെ മല മറക്കുന്ന പണി ഒന്നും ഇല്ലല്ലോ “
മഞ്ജുസ് നിസാര മട്ടിൽ പറഞ്ഞു ഫോൺ ഓഫ് ചെയ്തു ബെഡിൽ ഇട്ടു. പിന്നെ മുടിയൊക്കെ വിടർത്തി തഴുകി കെട്ടിവെച്ചു .
“കുളിക്കാൻ പോവാ നീ ?”
ഞാൻ അവളുടെ മട്ടും ഭാവവും കണ്ടു ചോദിച്ചു .
“മ്മ്…”
അവൾ മൂളി , പിന്നെ റൂമിലെ സോഫയിൽ ഉണക്കാനിട്ടിരുന്ന ടവൽ എടുത്തു . ഇപ്പോൾ കാലൊക്കെ നിലത്തു ശരിക്കു ചവിട്ടിയാണ് നടത്തം . സാമാന്യം നല്ല ഭേദം ഒറ്റ ദിവസം കൊണ്ട് ഉണ്ടായിട്ടുണ്ട് .
“വേദന മാറിയോ ??”
ഞാൻ മഞ്ജുസിന്റെ കാലിലേക്ക് നോക്കികൊണ്ട് ചോദിച്ചു .
“മ്മ്…കുറവുണ്ടെടാ ”
മഞ്ജു പുഞ്ചിരിയോടെ പറഞ്ഞു ഞാനിരിക്കുന്ന കസേരക്ക് അടുത്തേക്ക് വന്നു .
“എടാ ..നാട്ടിൽ ചെന്നാൽ ഉടനെ എന്റെ ഫ്രണ്ട് മീരയെ ഒന്ന് കാണാൻ പോണം. എന്റെ കൂടെ കോളേജിൽ പഠിച്ചതാ.. ”
മരക്കസേരയുടെ കയ്യിൽ കയറി ഇരുന്നു മഞ്ജുസ് എന്നോടായി പറഞ്ഞു .ഭർത്താക്കന്മാരെ സോപ്പിട്ടു കാര്യം നേടുന്ന പെണ്ണുങ്ങളുടെ ഭാവം ഇവൾക്കിതെന്തിനാണെന്നു എനിക്ക് അപ്പോൾ മനസിലായില്ല. “വന്നു വണ്ടി എടുക്കെടാ തെണ്ടി ” എന്നൊന്ന് അവൾ അലറിയാൽ ഞാൻ പിന്നാലെ വാലും ചുരുട്ടി പോകുമല്ലോ !അതുപേടിച്ചിട്ടൊന്നുമല്ല ഇഷ്ടം കൊണ്ടാണ് !
“മ്മ്…പോവാലോ .അതിനെന്താ .”
ഞാൻ ചിരിയോടെ പറഞ്ഞു .
“മ്മ്….പിന്നെ ഒടുക്കം മാറ്റം ഉണ്ടായാൽ എന്റെ സ്വഭാവം മാറും ട്ടോ ..അവളുടെ വക ഒരു ട്രീറ്റ് ഉണ്ട് , നമുക്ക് പോയി പൊളിക്കാം .”
മഞ്ജു ചിരിയോടെ പറഞ്ഞു .
