“ആഹ്…വാ വാ അളിയാ ..നീയില്ലാതെ ഞാൻ ബോറടിച്ചു ചത്തു ..”
കാറിൽ നിന്നിറങ്ങിയുള്ള എന്റെ വരവ് കണ്ടതും ശ്യാം ചിരിയോടെ പറഞ്ഞു കസേരയിൽ നിന്നും എഴുനേറ്റു .
പക്ഷെ ഞാൻ സ്വല്പം ഗൗരവത്തിൽ ആയിരുന്നു . ഞാൻ ചെറിയ കലിപ്പ് അഭിനയിച്ചുകൊണ്ട് വേഗത്തിൽ സ്റ്റെപ്പുകൾ കയറി . പിന്നെ ഞൊടിയിട കൊണ്ട് പുഞ്ചിരിച്ചു നിൽക്കുന്ന അവന്റെ ടൈയിൽ വലതു കൈകൊണ്ട് പിടിച്ചു അകത്തേക്ക് വലിച്ചു കയറ്റി .
“ഇങ്ങോട്ടു വാ മൈരേ …”
ഞാൻ പല്ലിറുമ്മിക്കൊണ്ട് പറഞ്ഞു അവനെ അകത്തേക്ക് നീക്കി .
“ഡെയ് ഡെയ്..ഷർട്ട് ചുളുക്കല്ലേ…വിട് വിട് എന്താ കാര്യം ?”
ശ്യാം എന്നെ നോക്കി ചിരിച്ചു .
അപ്പോഴേക്കും ഞാൻ ഇടം കാലുകൊണ്ട് വാതിൽ ചവിട്ടയടച്ചു ഒരു മാസ്സ് അറ്റ്മോസ്ഫിയർ ഉണ്ടാക്കിയെടുത്തു .
“ഇളിക്കല്ലേടാ നായെ …നിന്റെ മോന്ത അടിച്ചു പൊട്ടിക്കുവാ വേണ്ടേ ..”
ഞാൻ അവന്റെ കഴുത്തിന് പയ്യെ കുത്തിപിടിച്ചുകൊണ്ട് പല്ലിറുമ്മി . സംഗതി എന്റെ അഭിനയം ആണെന്ന് നല്ല ബോധ്യം ഉള്ളതുകൊണ്ട് ശ്യാം തിരിച്ചൊന്നും റിയാക്റ്റ് ചെയ്തില്ല .
“എന്തുവാടെ ..നീ കാര്യം പറ ..”
അവൻ എന്നെ നോക്കി ചിരിച്ചു .
“നിനക്കു ഒന്നും അറിയില്ല അല്ലേടാ മൈരേ ?”
ഞാൻ അവനെ നോക്കി കണ്ണുരുട്ടി .
“ഇല്ലെടാ മൈരേ ..നീ കൊറേ ആയല്ലോ …”
ശ്യാം പെട്ടെന്ന് എന്റെ കൈതട്ടികൊണ്ട് വെയ്റ്റ് ഇട്ടു .
“ഞാനിവിടെ ലൗഡ്‌ സ്പീക്കറിൽ ഇട്ടു ഉണ്ടാക്കുന്നത് നീയും അവിടെ പോയി ഏഴുന്നളിച്ചില്ലേ?”
ശ്യാം എന്നെ നോക്കി മുഷ്ടി ചുരുട്ടി .അതോടെ വീണയും അവനും കൂടി ചെറുതായി ഉടക്കി കാണുമെന്നു ഞാനും ഊഹിച്ചു .
“ആഹ്..അത് നന്നായൊള്ളൂ..നീ എന്തിനാ വേണ്ടാത്ത കാര്യം ഒകെ ആ പെണ്ണിനോട് പറഞ്ഞത് ? ഞാനാകെ നാണംകെട്ടു പോയി . ”
പെട്ടെന്ന് ദേഷ്യം ഒകെ കളഞ്ഞു ഞാൻ നോർമൽ ആയി ചിരിച്ചു .
