ഞാൻ അവളെ തിരിഞ്ഞുനോക്കാതെ തന്നെ ഉറക്കെ വിളിച്ചു പറഞ്ഞു .”പ്ലീസ് മാൻ..പോവല്ലേ …”
അവൾ വീണ്ടും എന്റെ പുറകെ വന്നു ചിണുങ്ങി .
“കവി…ഇങ്ങനെ ആണേൽ ഞാൻ വീട്ടിൽ പോകും ട്ടോ ”
ഞാൻ ഒന്നും മിണ്ടാതെ കാറിനടുത്തേക്ക് നീങ്ങിയത് കണ്ടു മഞ്ജുസ് കാലിട്ടടിച്ചു .
“നീ എവിടെ വേണേൽ പൊക്കോ …ആര് പിടിച്ചു വെക്കുന്നു ..”
ഞാൻ ഡോർ തുറന്നു അവളെ നോക്കി ഗൗരവത്തിൽ പറഞ്ഞു .
“ആഹ്..പോകും …എനിക്ക് വയ്യ ഇങ്ങനെ വിഷമിച്ചിട്ട് ഇവിടെ നിക്കാൻ ”
മഞ്ജുസ് പെട്ടെന്ന് കണ്ണ് നിറച്ചുകൊണ്ട് ചിണുങ്ങി . അതോടെ കാറിനുള്ളിൽ കയറാൻ നിന്ന ഞാൻ ഒന്ന് ശങ്കിച്ചു .
“ഡീ ഡീ ..മോങ്ങാതെ അകത്തു കേറ്…അതിനു മാത്രം ഒന്നും ഉണ്ടായിട്ടില്ല ”
അവളുടെ മോങ്ങല് നോക്കി ഞാൻ സ്വല്പം വെയ്റ്റ് ഇട്ടു .
“ഞാൻ ചത്താലും നീ ഇത് തന്നെയേ പറയുള്ളു ..”
എന്റെ മറുപടി കേട്ടു മഞ്ജുസും ദേഷ്യപ്പെട്ടു .
“ആഹ്..എന്ന അതാ നല്ലത് ..നീ പോയി ചാവ്…അല്ലപിന്നെ ..”
ഞാൻ ദേഷ്യത്തോടെ തന്നെ പറഞ്ഞു തുറന്നുപിടിച്ച കാറിന്റെ വാതിൽ കൊട്ടി അടച്ചു . പിന്നെ മഞ്ജുസ് നിൽക്കുന്നിടത്തേക്ക് വേഗത്തിൽ നടന്നു കയറി . അതോടെ കക്ഷിയുടെ മുഖം ഒന്ന് തെളിഞ്ഞു .
“നീ ഇളിക്കണ്ട..ഞാൻ നിന്നെ കാണാൻ വന്നതല്ല ..കാറിന്റെ കീ മറന്നു ..”
മഞ്ജുസിന്റെ മുൻപിൽ ചെന്ന് ഇളിച്ചു കാട്ടികൊണ്ട് ഞാൻ ചിരിച്ചു . അതോടെ അവളെന്റെ വയറിനിട്ടു ഒരു കുത്തങ്ങു വെച്ച് തന്നു .
“അതെന്തിനാ എന്നോട് പറയുന്നേ …”
മഞ്ജുസ് ചിരിച്ചുകൊണ്ട് എന്നെ നോക്കി .
“ചുമ്മാ …എനിക്ക് പറയാൻ ഇവിടെ വേറെ ആരും ഇല്ലാലോ ..”
ഞാൻ പയ്യെ പറഞ്ഞു അവളെ ചേർത്ത് പിടിച്ചു .
“എന്ത് വെറുപ്പിക്കൽ ആണ് മഞ്ജുസേ..എനിക്ക് ചിലപ്പോ ശരിക്കും ദേഷ്യം വരുന്നുണ്ട് …ഞാൻ ഇവിടെ നിന്നാൽ ചിലപ്പോ നിന്നെ തല്ലിപോകും..”
എന്റെ നിസ്സഹായാവസ്ഥ ഓർത്തു ഞാൻ പയ്യെ പറഞ്ഞു .
“ഞാൻ എന്ത് ചെയ്തെന്നാ ഈ പറയണേ ..”
