അവളുടെ നൈറ്റിയിൽ പിടിച്ചു വലിക്കുകയും ചെയ്തു . മഞ്ജു അത് ശ്രദ്ധിച്ചില്ലെന്നോ , കാര്യമാക്കിയില്ലെന്നോ പറയാം . അവള് വേഗത്തിൽ നീങ്ങിയതിനൊപ്പം ആദിയും ഒപ്പം നീങ്ങി . മഞ്ജുസിന്റെ ഫോഴ്സ് കാരണം ചെറുക്കൻ കട്ടിലിൽ നിന്നും താഴേക്ക് “പൊത്തോം ” ന്നു പറഞ്ഞു വീണു .
“എടി എടി..കുട്ടി….”
എന്ന് ഞാൻ പറഞ്ഞു മുഴുവിക്കും മുൻപേ സംഭവിക്കാനുള്ളത് സംഭവിച്ചു . എങ്ങനെ വീണു , അവനു എന്തുപറ്റി എന്നറിയില്ലെങ്കിലും ആദിയുടെ കരച്ചില് നല്ല ശബ്ദത്തിൽ അവിടെ മുഴങ്ങി .
“സ്സ്….അയ്യോ…”
സംഭവിച്ച അബദ്ധം ഓർത്തു മഞ്ജുവും വാ പൊളിച്ചു നിന്നു. അപ്പോഴേക്കും റോസ് മോളെ ബെഡിലിരുത്തി ഞാൻ അങ്ങോട്ടെത്തി .
അപ്പോഴും കൊച്ചിനെ എടുക്കാതെ വാ പൊളിച്ചു നിന്ന മഞ്ജുസിനെ കണ്ടപ്പോൾ എനിക്ക് പെട്ടെന്ന് എന്തോ പോലെ തോന്നി . അവൻ വേദനിച്ചിട്ടോ എന്തോ നിലത്തു കമിഴ്ന്നു കിടന്നു അലറുന്നുണ്ട് . പിന്നെ ഒന്നും നോക്കിയില്ല ഒന്നങ്ങട് കൊടുത്തു .
“എവിടെ നോക്കിയാടി മൈരേ നടക്കുന്നെ …”
ഞാൻ പല്ലിറുമ്മി പറഞ്ഞതും എന്റെ കൈ അതോടൊപ്പം ഉയർന്നതും ഒപ്പമായിരുന്നു .
സാമാന്യം നല്ല അടി . എന്നെ ചെറിയ പേടിയോടെ നോക്കി മുഖം ചുളിച്ച അവളുടെ ഇടതു കവിളിൽ എന്റെ വലതു കൈ പതിഞ്ഞതും മഞ്ജുസ് ഒന്ന് ഇല്ലാണ്ടായി കാണും ! അവള് സ്വപ്നത്തിൽ വിചാരിച്ചു കാണില്ല. മുഖം ഒരു വശത്തേക്ക് ചെരിഞ്ഞു പോയതോടൊപ്പം അവളുടെ മുടിയിഴകൾ മുഖത്തിന്റെ കാഴ്ച മറച്ചു . അടുത്ത് കിടന്ന മേശപ്പുറത്തു കൈയൂന്നി അവള് ബാലൻസ് ചെയ്തത് എനിക്കോർമ്മ ഉണ്ട് !
അവളെ ആ സമയത്തു അടിച്ചതിൽ എനിക്ക് വല്യ കുറ്റബോധം ഒന്നും തോന്നിയില്ല . ഞാൻ വേഗം ചെന്ന് ആദിയെ എടുത്തു ഉയർത്തി . ചെറുക്കൻ നെറ്റി ഇടിച്ചാണ് വീണിരിക്കുന്നത് . അവിടെയാകെ ചുവന്നു മുഴച്ചിട്ടുണ്ട് !ചെറിയ മുറിവും സംഭവിച്ചു അവന്റെ കുഞ്ഞു ചര്മത്തില് നിന്നു ചോരയും വരുന്നുണ്ട് .
“ഓഹ്ഹ്…ഓ …ഇല്ലെടാ അപ്പൂസേ..പോട്ടെ …”
ചെറുക്കന്റെ കരച്ചിലിൽ ചെവി പൊട്ടുന്ന പോലെ തോന്നിയിട്ടും ഞാനവന്റെ പുറത്തു തട്ടി ആശ്വസിപ്പിച്ചു . അതിനിടയ്ക്കാണ് നേരത്തെ മഞ്ജുസിനെ കൈവെച്ചതും ഓര്മ വന്നത് . ഞാൻ പയ്യെ ഒന്ന് തിരിഞ്ഞു നോക്കി .മേശപ്പുറത്തു ചാരി തന്നെ മഞ്ജു നിൽപ്പുണ്ട് .
“ചെ ..മോശം ആയി…”
ഞാൻ സ്വയം മനസിൽ പറഞ്ഞുകൊണ്ട് അവളുടെ നിൽപ്പ് നോക്കി . മുഖം മുടിയിഴ വീണ കാരണം അത്ര വ്യക്തമല്ല .
ഞാൻ ആദിയുടെ പുറത്തു തട്ടികൊണ്ട് റോസ് മോളെ നോക്കി . ഞാൻ മഞ്ജുവിനെ അടിക്കുന്നത് അവള് കണ്ടോ എന്തോ ..പെണ്ണ് ആദിയുടെ കരച്ചിലും നോക്കി കണ്ണ് മിഴിക്കുന്നുണ്ട് ! ഞാൻ പയ്യെ മഞ്ജുസിനടുത്തേക്ക് നീങ്ങി .
“ഇതിനെ പിടിച്ചേ മഞ്ജുസേ…”
ഞാൻ ചെറുക്കന്റെ കരച്ചില് മാറാൻ വേണ്ടി ഒന്നുമറിയാത്ത മട്ടിൽ പറഞ്ഞു അവളുടെ അടുത്തെത്തി . അപ്പോഴാണ് കക്ഷിയുടെ മുഖം ഞാൻ ശരിക്കു കാണുന്നത് .
